Lugu 12:20 - Maktub gə́ To gə Kəmee

²⁰ Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

Lugu 12:20 ပူးပေါင်းရင်းမြစ်များ

Este 5:11

Aman tura goo nébaoje ləa gə́ bə̰dərə bə̰ ləm, gə bula lə ŋganeeje gə́ diŋgam ləma, gə néje lai gə́ mbai ra ula ne dɔmoŋ dəa’g aree to gə́ ŋgaw-ta ŋgan-mbaije gə kuraje lə mbai ləm tɔ ar dee d’oo.

Maktub gə́ wɔji dɔ Jɔb 27:8

Njehulai lé loo gə́ Ala gaŋg kúla kəmə ləa ləm, Gə ɔr kankəmrea ləm tɔ lé See nékunda-mee-yel dɔ’g ləa gə́ nai to ɗi wa.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 49:10

D’a si gə no̰ dee el ləm, D’a kaskəm kiya rɔ dee lal koo bwa-dɔɓar lé godo ləm tɔ.

Pakɔsje 73:19

Kwii! léegəneeya deḛ tuji pugudu! Né gə́ to ɓəl gə́ a tuji dee ləm, Kar dee godo ləm tɔ lé uba dee naŋg bus!

Pakɔsje 78:30

Mal né gə́ meḛ dee’g wəi el ɓəi ləm, Nésɔ dee kara to ta dee’g bura ya ɓəi ləm tɔ

Gosota-Kəmkàrje 10:2

Nébaoje gə́ gə goo rəbee el lé Majee godo, Nɛ néra gə́ gə dɔ najee lé Ɔr dəw ta yoo’g.

Gosota-Kəmkàrje 11:4

Ndɔ meekḭ jugugu lé Nébao a tel to né gə́ kari ba, Nɛ néra gə́ gə dɔ najee ɓa Ɔr dəw ta yoo’g.

Gosota-Kəmkàrje 13:7

Ndai gə́ bèe ra rəa gə́ bao Nɛ né kára ya kara godo jia’g, Yeḛ gə́ raŋg ra rəa gə́ njéndoo Nɛ néje ləa to yaa̰.

Gosota-Kəmkàrje 27:1

Maji kəsta dɔ ndɔ gə́ bèlè’g el Mbata i gər né gə́ a teḛ mee ndəa’g nee el.

Gosota-Kəmkàrje 28:8

Yeḛ gə́ wɔji lar dɔ maree’g ləm, Taa manee dɔ’g ləm tɔ Gə mba kar némajije ləa-yeḛ ḭ dɔ maree’d gə́ kédé-kédé lé Mbo̰ dee mbata lə yeḛ gə́ a koo kəmtondoo lə njéndooje.

Esai 56:12

Gə́ reeje, m’a kaw saŋg mán-nduú Ndá jeḛ j’a kaije nékai gə́ mḭ! Bèlè kara j’a ra togə́bè ya ɓəi ləm, J’a kaije yaa̰ karee ur dɔ yeḛ gə́ nee ya ɓəi ləm tɔ!

Jeremi 17:11

Dəw gə́ mbo̰ nékiŋgaje Gə́ gə goo rəbee el gə́ dɔ na̰’d-na̰’d lé To asəna gə kɛrɛ gə́ to dɔ kaw’d gə́ to kea̰ el, Loo gə́ ndɔje ləa nai kédé ya ɓəi ndá Yeḛ a kuba dee kya̰ dee ndá Rudu ndɔ ləa lé yeḛ tel to mbə-dəw.

Amɔs 6:13

Seḭ raje rɔlel dɔ né gə́ to gə́ né el ar sí pajena: See to mbɔl dɔ siŋga sí-seḭ ɓa seḭ iŋgaje ne siŋgamoŋ lé el wa.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Lugu 11:40

Seḭ mbə-dəwje! dəw gə́ njera gir né gə́ raga lé see to njera mée gə́ kəi el wa.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

1 Timote 6:7

Mbata loo gə́ jeḛ n’ree naŋg neelé jeḛ n’ree gə né kára kara ji sí’g el ləm, loo gə́ j’a kya̰ naŋg nee tel ndá kara j’a tel gə né kára kara ji sí’g el ləm tɔ.

Maktub gə́ Jak ula ne ar ngan-Allaje 4:14

Né gə́ a teḛ dɔ sí’g bèlè lé seḭ gərje el! Mbata see ɗi ɓa gə́ kəmə lə sí wa. Seḭ toje asəna gə kṵji mán gə́ teḛ sa gi-gi, nɛ waga ba ndá tel sané kad bèe tɔ.