Lugu 12:17 - Maktub gə́ To gə Kəmee

¹⁷ Yeḛ ə̰ji ta mée’g pana: See n’a ra ba̰ ŋga wa. Mbata neḛ n’oo loo as gə mba mbula kó lə neḛ keneŋ el.

Lugu 12:17 ပူးပေါင်းရင်းမြစ်များ

Njekillamber 11:2

Kai nébaoje ləi ar dəwje loo sirije əsé loo jinaijooje’n bèe mbata i gər némeeko̰ gə́ a ree dɔ naŋg neelé el.

Esai 58:7

Ar dəw gə́ ɓó tɔlee muru ləi o̰ səi ləm, Ar njenékəmndoo gə́ kəi-kula-dəa godo aw mee kəi’g ləi ləm, Ɓó lé i oo dəw gə́ aw kudee dum ba ndá Aree né ula rəa’g ləma, Tel giri ila ar yeḛ gə́ to tana səi lé el ləm tɔ.

Matiyo 16:7

Njékwakiláje d’ula na̰ ta pana: Pil muru gə́ j’ya̰ naŋg lé un ɓa pa ne sə sí gə mbəa.

Matiyo 5:42

Yeḛ gə́ kwɔii né ndá aree ɓó ɔgee el. Yeḛ gə́ ndigi tonai lar əsé ndimai né ləi kara tel giri ila aree el tɔ.

Lugu 10:25

Yen ŋga dəw kára gə́ to gə́ njeteggin godndu uba naŋg ḭta dəji Jeju ta gə mba kaḭ ne mée pana: Mbai, see m’a ra ɗi gə mba kisi gə kəməgə́ gə no̰ lé wa.

Lugu 11:41

Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Lugu 12:16

Tɔɓəi Jeju ula dee gə́ gosota nee pana: Mee ndɔ lə dəw kára gə́ to gə́ bao lé koje gə́ keneŋ unda yaa̰.

Lugu 12:18

Tɔɓəi yeḛ ula rəa pana: Yee gə́ nee ɓa n’a gə ra, n’a jané damje lə neḛ ndá n’a gə njé gə́ boi unda njé gə́ kédé, tɔɓəi n’a kɔm koje lə neḛ gə némajije lə neḛ lai keneŋ tɔ,

Lugu 12:22

Tɔɓəi yeḛ un ta ula njékwakiláje pana: Gelee gə́ nee ɓa ma m’ula sí ne təsərə: Arje meḛ sí pélé wəs-wəs dɔ rɔ sí’g el wɔji ne dɔ nésɔ sí’g əsé dɔ né ko̰ rɔ sí’g el.

Lugu 12:29

Bèe ndá seḭ lé arje meḛ sí pélé wəs-wəs dɔ rɔ sí’g ar sí pajena: See ɗi ɓa j’a sɔ wa, əsé see ɗi ɓa j’a kai wa lé maji kar sí paje bèe el.

Lugu 12:33

Ndogoje néje lə sí ya̰je laree gə́ nékoo kəmtondoo lə njéndooje. Raje ɓɔl-larje gə́ a ŋgisi el, yee ɓa gə́ nébao lə sí gə́ a kaḭ gə́ mán-ŋgur dara to loo gə́ njéɓogoje kɔdee loo ɓogo keneŋ el ləm, dirije d’unda né keneŋ el ləm tɔ.

Lugu 16:3

Njekaa dɔ néje neelé pata mée’g pana: See m’a ra ban ŋga wa mbata ɓémje ɔr kula kaa dɔ néje ləa jim’g mba̰. Ndɔ lé kara ma m’askəm to gə́ njḛdəa el ləm, né gə́ kwɔi gə́ kəmndoo lé kara to rɔkul am-ma yaa̰ ləm tɔ.

Lugu 16:9

Ma nja m’ula sí təsərə, odoje nékiŋgaje lə sí gə́ dɔ naŋg nee lé waje ne baokura gə dəwje, mba kar loo gə́ nékiŋgaje lé d’a godo ji sí’g ndá deḛ neelé d’a kwa sí gə́ rɔ dee’g mee kəije gə́ to gə no̰ lé ɓəi.

Lugu 18:22

Loo gə́ Jeju oo ta ləa togə́bè ndá yeḛ ulá pana: I lal ra né kára ɓəi. Ɔd aw ndogo néje ləi, ya̰ laree kai njéndooje, ɓa i a kiŋga nébao ləi lé mee ɓee gə́ dara ɓəi. Tɔɓəi ɔd ree goom’g tɔ.

Lugu 19:17

Mbai lé tel ilá keneŋ pana: A! i to kura gə́ maji ya, mbata né gə́ tḛ́ ba bèe ya i to ŋgonkoji dɔ’g bèe ndá aa oo, ma m’un ndum m’ari ɔn dɔ ɓee-booje’g dɔg tɔ.

Lugu 3:11

Yeḛ tel ila dee keneŋ pana: Nana ɓa gə́ kubu kula rəa’g joo ɓa ka̰ ŋgokea̰ gə́ dəw godo ndá maji karee un kára bəl aree. Nana ɓa gə́ to njekiŋga nésɔ kara maji karee ra togə́bè ya tɔ.

Néra Njékaḭkulaje 16:30

Yeḛ ar dee d’unda loo teḛ raga dəji dee pana: Mbaije ləm, see m’a ra ban-ban ŋga gə mba kiŋga ne kaji ɓəi wa.

Néra Njékaḭkulaje 2:37

Loo gə́ deḛ d’oo ta neelé ndá ɓəŋgərə dee ti dus ar dee dəji Piɛrə gə njékaḭkulaje gə́ raŋg pana: Ŋgako̰ síjeḛ gə́ dəwje see j’a ra banwa.

Njé gə́ Rɔmə 12:13

Laje gə deḛ gə́ to gə kəmee dɔ néje gə́ deḛ d’aw ndòo dee ləm, waje dəwje mbá bur-bur ləm tɔ.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

1 Ja̰ 3:16

Kristi lé ya̰ rəa ar yoo mbata lə sí, yee ɓa jeḛ n’gər ne meenoji gə́ gəd ya, maji kar síjeḛ kara j’ya̰ rɔ sí j’ar yoo mbata lə ŋgako̰ síje bèe tɔ.