Lugu 12:16 - Maktub gə́ To gə Kəmee

¹⁶ Tɔɓəi Jeju ula dee gə́ gosota nee pana: Mee ndɔ lə dəw kára gə́ to gə́ bao lé koje gə́ keneŋ unda yaa̰.

Lugu 12:16 ပူးပေါင်းရင်းမြစ်များ

Maktub gə́ wɔji dɔ Jɔb 12:6

Meelɔm to mee kəi’g lə njétujilooje ləm, Si gə́ majee to mbata deḛ gə́ d’unda Ala ɓad ləma, Mbata dəw gə́ ar siŋgamoŋgee to magə ləa ləm tɔ.

Maktub gə́ wɔji dɔ Jɔb 24:23

Ala ar dee d’isi gə́ majee ləm, gə meḛ dee gə́ to lɔm ləm tɔ. Yeḛ orè kəmee ndəŋ dɔ rəw kaw dee’g.

Pakɔsje 73:12

Njémeeyèrje lé to togə́bè ya, Rɔ dee lel dee gə ndɔ dee ndɔ dee ləm, Nébaoje lə dee oso dɔ maree’d gə́ kédé-kédé ya ləm tɔ.

Pakɔsje 73:3

Mbata m’ra kəmkəḭ dɔ mbə-dəwje’g Loo gə́ m’oo nérɔlel lə njémeeyèrje lé.

Ejekel 16:49

Aa ooje, kaiya ra Sɔdɔm, ŋgokɔḭ gə́ dené lé ɓa nee: Yeḛ to njeti rəa ləm, yeḛ gə ŋganeeje gə́ dené d’isi dan némajije’g bèdèg ləm, d’isi gə́ majee lal kḛji ta dɔ’g ləm tɔ nɛ deḛ gəd deḛ gə́ d’isi dan nékəmndoo’g gə njé gə́ né lal dee lé el.

Ojee 2:8

Gelee gə́ nee ɓa aa oo, Neḛ Njesigənea̰ lé N’a kudu rəw-kabee gə kunje ləm, N’a kunda ndògo-bɔrɔ gaŋgee ne ləm tɔ Gə mba karee iŋga kila-rəwje ləa el ŋga.

Matiyo 13:8

Yee gə́ raŋg teḛ pə ɔm dɔ naŋg gə́ maji kó’g ndá andə yaa̰, yee gə́ ná ndá andə tɔl, yee gə́ ná ndá andə rɔ-misa̰, yee gə́ ná ndá andə rɔ-munda tɔ.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Lugu 12:15

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Lugu 12:17

Yeḛ ə̰ji ta mée’g pana: See n’a ra ba̰ ŋga wa. Mbata neḛ n’oo loo as gə mba mbula kó lə neḛ keneŋ el.

Néra Njékaḭkulaje 14:17

Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.