Lugu 11:9 - Maktub gə́ To gə Kəmee

⁹ Ma nja m’ula sí, kwɔi deeje né ndá d’a kar sí ɓəi, saŋgje né ndá a kɔsje dɔ sí keneŋ ɓəi, undaje tabidi rəw-kəi ndá d’a kɔr kar sí ya tɔ.

Lugu 11:9 ပူးပေါင်းရင်းမြစ်များ

Pakɔsje 118:5

Dan néurti’g lé Ma m’no̰ m’ɓar ri Njesigənea̰ keneŋ. Njesigənea̰ lé oo ndum Ya̰ ne loo am m’ila rɔm keneŋ rəs.

Pakɔsje 27:4

Ma m’dəji Njesigənea̰ né kára gə́ ma m’ndiŋga lé Ma m’ndəb ndəbee gə mba kiŋga: Ma m’ndigi si kəi lə Njesigənea̰ saar gə nɔm ya Gə mba korè ne kəm ndəŋ dɔ boo-ronduba’g lə Njesigənea̰ ləm, Gə mba kar kəm wəi ne sḭ dɔ kəi-siée’g ləm tɔ.

Pakɔsje 27:8

M’ə̰ji goo ta gə́ i pa pana: Maji kar sí n’saŋgje loo koo kəmi lé ndá Ǝi Njesigənea̰, m’saŋg loo koo kəmi ya to!

Pakɔsje 34:10

Tədje kag Njesigənea̰, Seḭ gə́ yeḛ ɔr sí unda sí gə kəmee lé! Mbata né kára kara a lal deḛ gə́ ɓəlee lé el.

Pakɔsje 34:4

Maji kar sí ɔsje səm gaji Njesigənea̰! Maji kar síjeḛ lai j’ilaje riɓar dɔ ria’g to!

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pa gə́ ur dɔ paje 5:6

Ma m’ɔr tarəw m’ar yeḛ gə́ m’undá dan kəm’g lé Nɛ yeḛ gə́ m’undá dan kəm’g lé Tur giree ɔd par aw. Loo gə́ yeḛ wɔji səm ta lé Ndiləm teḛ kág igi. Ma m’saŋgee nɛ m’iŋgá el, Ma m’ɓaree nɛ yeḛ ndigi tam’g el tɔ.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Jeremi 29:12

Seḭ a no̰je ɓarje rim ləm, a kaw raje tamaji tam’g ləm tɔ ndá m’a koo ndu sí ya.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Loo gə́ killa rea kəm Daniel’g 9:3

Ma m’tel kəm par gə́ rɔ Mbaidɔmbaije Ala’g lé ləm, m’ra tamaji ləm, m’ra ndòo rəa’g ləm, m’ɔg məəm ɓó ləma, m’ula kubu-kwa-ndòo rɔm’g m’isi ne dan bu’g ləm tɔ.

Matiyo 21:22

Né gə́ rara ɓa seḭ a dəjije gə meekun gə ndukwɔi lə sí ndá kara seḭ a kiŋgaje née ya.

Matiyo 21:31

Ŋga see yeḛ gə́ ra ɓa mbuna dee’g ɓa to njera torndu bɔbeeje lé wa. Deḛ tel ndigi təa’g pana: Yeḛ gə́ dəa ɔs naŋg kédé lé nja. Jeju ila dee keneŋ pana: Ma m’ula sí təsərə, njétaa lar-gədɓeeje ləm, gə kaiya-denéje ləm tɔ lé d’a teḛ ɓeeko̰’g lə Ala lé gə́ ŋgaw ta sí kédé ɗo̰joŋ ya.

Matiyo 6:29

Nɛ ma nja m’ula sí, loo ndubarɔ lə Salomo̰ gə kubu gə́ rəa’g kara ur ne dɔ pudu ndujaje’g neelé el.

Mark 11:24

Gelee gə́ nee ɓa ma m’ula sí, loo gə́ seḭ raje tamaji ndá né lai gə́ seḭ kwɔije lé ɔmje meḛ sí dɔ’g to gə́ seḭ toje njékiŋgaje mba̰ ndá a kooje née lé gə kəm sí ya tɔ.

Mark 13:37

Né gə́ ma m’ula sí lé ma m’ula dəwje lai to: sije dɔkəji sí’g kəgəgə ya.

Lugu 11:10

Mbata nana ɓa gə́ kwɔi dee né ndá d’a karee ya ləm, yeḛ gə́ saŋg né ndá a kɔs dəa keneŋ ɓəi ləma, yeḛ gə́ unda tabidi rəw-kəi ndá d’a kɔr karee ya ləm tɔ.

Tagə́maji gə́ Ja̰ ndang 14:13

Né gə́ rara gə́ seḭ a kwɔiyeeje gə rim ndá m’a ra née ya mba kar Bɔ-dəwje lé iŋga ne rɔnduba rɔ Ŋgon’g.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Tagə́maji gə́ Ja̰ ndang 15:7

Ɓó lé seḭ namje kaarm’g ləm, ar ta ləm nai meḛ sí’g ləm tɔ ndá né gə́ rara ɓa gə́ seḭ a kwɔije lé d’a kar sí ya.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

2 Njé gə́ Kɔrḭtə 6:2

Mbata yeḛ pana: Ndɔ noji’g ɓa ma m’oo ndu sí ləm, Ndɔ kaji’g lé ma m’la sə sí ya ləm tɔ. Aa ooje, ɓasinè lé to ndɔ noji lé ya ŋga. Aa ooje ɓasinè lé to ndɔ kaji lé ya tɔ.

Ǝbrəje 11:6

Tɔgərɔ ya, ɓó lé meekun godo ndá dəw kára kara askəm taa kəm Ala el. Mbata kɔm mee dɔ Ala’g kée to gə́ yeḛ si gən ləm, kée gə́ yeḛ gə́ a kar nana gə́ ndolè uba maji ləm tɔ lé yee ɓa gə́ kuma̰ kar dəw rəm ne pər gə́ rɔ Ala’g ya.

Ǝbrəje 4:16

Bèe ndá maji kar sí n’ges pər gə́ mbɔr kalimbai noji’g ləa gə meendakaḭ mba kar mée oso lemsé dɔ sí’g ləm, karee wa sə sí noji la ne sə sí dɔ né gə́ ndée ra sí ləm tɔ.

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.

Maktub gə́ Jak ula ne ar ngan-Allaje 5:15

Ndá tamaji gə́ d’a ra gə meekun lé njerɔko̰ a kaji ne ɓa Mbaidɔmbaije a kundá kuree tar, ɓó lé yeḛ ra nékaiyaje ndá a kiŋga mee-ti-mbidi lé tɔ.

1 Ja̰ 3:22

Né gə́ rara ɓa gə́ jeḛ dəjee kara jeḛ n’taa jia’g ya mbata jeḛ j’aa dɔ godndia kər-kər ləm, jeḛ n’ra né gə́ taa kəmee rəgm ləm tɔ.

Loo gə́ killa rea kəm Ja̰’g 2:24

Seḭ dəwje gə́ raŋg gə́ sije Tiatirə lé seḭ gə́ taaje tandoo neelé el ləm, seḭ gə́ naaje meekuru lə Njekurai gə goo ta gə́ deḛ nja pa el ləm tɔ lé ma nja m’ula sí təsərə m’pana: M’a kunda nékodo gə́ wɔi gə́ raŋg dɔ sí’g el.