Lugu 11:41 - Maktub gə́ To gə Kəmee

⁴¹ Néje gə́ to ŋgaw meḛ sí’g ɓa waje arje njénékəmtondooje ɓa néje lai a to néje gə́ àr mbata lə sí ɓəi tɔ.

Lugu 11:41 ပူးပေါင်းရင်းမြစ်များ

Pakɔsje 112:9

Yeḛ ya̰ meḛ jia tag wa ne noji gə njéndooje pə-pə ləm, Meekarabasur ləa to saar gə no̰ ləma, Rɔnduba lé d’a kula dəa’g ləm tɔ.

Pakɔsje 41:1

Pa lə Dabid gə́ ar bao-pa mba karee ɔs sə dee lé

Gosota-Kəmkàrje 14:31

Yeḛ gə́ ra né gə́ kədərə gə njéndooje lé Ila rɔkul-boo dɔ njekunda dee’g, Nɛ yeḛ gə́ oo kəmtondoo lə njendoo lé Ila riɓar dəa’g.

Gosota-Kəmkàrje 16:6

Mbɔl dɔ meemaji gə ŋgonkoji ɓa D’ɔr ne ta néra gə́ majel dɔ dəw’g ləm, Mbɔl dɔ ɓəl gə́ dəw ɓəl Njesigənea̰ lé ɓa Yeḛ ya̰ ne goo majel ləm tɔ.

Gosota-Kəmkàrje 19:17

Yeḛ gə́ oo kəmtondoo lə njendoo lé To asəna gə yeḛ gə́ ar Njesigənea̰ tona né Ndá yeḛ nja a kuga ɓaŋgee gə goo néreaje.

Loo gə́ killa rea kəm Daniel’g 4:27

ndá mbai lé un ta pa pana: Babilɔn gə́ boo gə́ to neelé see to ma nja gə́ m’unda gelee mba karee to ɓee-si mbai gə goo boo-siŋgamoŋ ləm-ma ləm, gə goo boo-ronduba lə dɔmoŋ ləm-ma ləm tɔ el wa.

Matiyo 26:11

Mbata njéndooje lé deḛ nai sə sí gə ndɔ dee ndɔ dee, nɛ ma lé m’a si sə sí gə ndɔm-ndɔm el.

Matiyo 5:42

Yeḛ gə́ kwɔii né ndá aree ɓó ɔgee el. Yeḛ gə́ ndigi tonai lar əsé ndimai né ləi kara tel giri ila aree el tɔ.

Mark 7:19

Mbata né neelé oso kəi-ɓə̰gəree’g el, nɛ oso jəbəlee’g ɓa aw saar oso looje gə́ to loo-kiya’g, loo gə́ won nésɔje ɔr keneŋ ndɔs-ndɔs lé ɓəi.

Lugu 12:33

Ndogoje néje lə sí ya̰je laree gə́ nékoo kəmtondoo lə njéndooje. Raje ɓɔl-larje gə́ a ŋgisi el, yee ɓa gə́ nébao lə sí gə́ a kaḭ gə́ mán-ŋgur dara to loo gə́ njéɓogoje kɔdee loo ɓogo keneŋ el ləm, dirije d’unda né keneŋ el ləm tɔ.

Lugu 16:9

Ma nja m’ula sí təsərə, odoje nékiŋgaje lə sí gə́ dɔ naŋg nee lé waje ne baokura gə dəwje, mba kar loo gə́ nékiŋgaje lé d’a godo ji sí’g ndá deḛ neelé d’a kwa sí gə́ rɔ dee’g mee kəije gə́ to gə no̰ lé ɓəi.

Lugu 18:22

Loo gə́ Jeju oo ta ləa togə́bè ndá yeḛ ulá pana: I lal ra né kára ɓəi. Ɔd aw ndogo néje ləi, ya̰ laree kai njéndooje, ɓa i a kiŋga nébao ləi lé mee ɓee gə́ dara ɓəi. Tɔɓəi ɔd ree goom’g tɔ.

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.

Néra Njékaḭkulaje 10:15

Ndu dəw ɓar aree oo ɔm gə́ gɔl joo pana: Né gə́ Ala ɓaree né gə́ àr ŋgad-ŋgad lé maji kari ɓaree né gə́ ram el.

Néra Njékaḭkulaje 11:29

Njékwakiláje d’unda kudu dee na̰’d mba kula gə néje lə dee gə goo nékiŋgaje lə dee lə dee mba la ne gə ŋgako̰ deeje gə́ d’isi Jude lé.

Néra Njékaḭkulaje 24:17

Ma lé m’godo ɓee ləm as ləb bula ɓa m’tel m’ree gə mba kun né kwa ne noji gə njéndooje gə́ mee ɓee’g ləm ləm, gə mba kun né kar Ala ləm tɔ.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

Njé gə́ Epesə 4:28

Yeḛ gə́ to gə́ njeɓogo kédé lé maji karee to gə́ njeɓogo el ŋga, nɛ maji karee uru kula gə́ maji’g mbidi ra gə jia ya ndá yeḛ a koo loo gə mba la gə maree gə́ raŋg gə́ aw ndòo né lé tɔ.

Titə 1:15

Deḛ gə́ d’àr lé d’oo néje gə́ d’àr gə́ looje lai. Deḛ gə́ mina̰ lé d’ɔs kankəmta rəw tɔ ndá néje gə́ mina̰ ɓa d’oo gə́ looje lai tɔ. Kəmkàr lə dee ləm, gə ta gə́ meḛ dee’g ləm tɔ lé mina̰ ya.

Ǝbrəje 13:16

Maji kar sí lal ra meemaji gə mar síje el ləm, lal kwa sə dee noji el ləm tɔ, mbata nékinjaməs lə sí gə́ togə́bè ɓa taa kəm Ala ya.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.