Lugu 11:35 - Maktub gə́ To gə Kəmee

³⁵ Bèe ndá məəi dɔ rɔi’g nà banelə lookàr gə́ àr məəi’g lé a tel to bigim ɓəi.

Lugu 11:35 ပူးပေါင်းရင်းမြစ်များ

Gosota-Kəmkàrje 16:25

Rəw gə́ na̰je dəw oo gə́ rəw gə́ maji, Nɛ loo kɔs ko̰ ləa to yoo.

Gosota-Kəmkàrje 26:12

Ɓó lé i oo dəw gə́ oo rəa gə́ njekəmkàr ndá Né gə́ i askəm kunda məəi yel dɔ’g gə mba kiŋga rɔ mbə-dəw’g lé Ur dɔ kea̰-yeḛ’g.

Matiyo 6:22

Kəmi ɓa to néndogó gə́ darɔi àr ne ŋgad-ŋgad, ɓó lé kəmi àr ŋgad-ŋgad ndá darɔi bura kara a sa rəw tɔ.

Lugu 11:34

Kəmi ɓa to néndogó gə́ ar loo àr məəi’g. Ɓó lé kəmi àr ŋgad-ŋgad ndá darɔi bura a sa rəw ya. Nɛ ɓó lé kəmi to bigim ndá məəi a to bigim ya tɔ.

Lugu 11:36

Ɓó lé darɔi bura to dan lookàr’g ar yérkér rɔi gə́ raŋg kára kara nai loondul’g el ndá darɔi bura a ndogó jol-jol asəna gə néndogó gə́ ndɔḭ wər-wər ar rɔi sa ne rəw lé tɔ.

Njé gə́ Rɔmə 1:22

Deḛ ɓar rɔ dee njékəmkàrje nɛ deḛ tel to mbə-dəwje.

2 Piɛrə 1:9

Nɛ yeḛ gə́ lal néje neelé ndá yeḛ to dəw gə́ mée wəi dɔ rəa’g sel ləm, kəmee tɔ sum-sum ləm tɔ, tɔɓəi won kaiya gə́ d’ɔr mée’g kédé lé mée wəi dɔ’g sel tɔ.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

Loo gə́ killa rea kəm Ja̰’g 3:17

Mbata i ə̰ji ta məəi’g pana: I to gə́ bao ləm, i ar nébaoje taa rɔi pəl-pəl ləma, i aw ndòo né kára kara el ləm tɔ. Nɛ némeeko̰ rai ləm, kəmi to ndòo ləm, i si dan ndòo’g ləm, i to gə́ njekəmtɔ ləma, i aw gə kudi dum ləm tɔ nɛ i gər bèe el.