Lugu 11:34 - Maktub gə́ To gə Kəmee

³⁴ Kəmi ɓa to néndogó gə́ ar loo àr məəi’g. Ɓó lé kəmi àr ŋgad-ŋgad ndá darɔi bura a sa rəw ya. Nɛ ɓó lé kəmi to bigim ndá məəi a to bigim ya tɔ.

Lugu 11:34 ပူးပေါင်းရင်းမြစ်များ

Gḭ-Néje 19:11

Tɔɓəi deḛ d’ila kəm tɔ dɔ dəwje gə́ d’aar tarəwkəi’g lé, un kudee dɔ ŋganje gə́ gɔ-gɔ’g saar teḛ ne dɔ dəwje gə́ tɔg-tɔg’d tɔ, ndá deḛ sané siŋga dee kari ba ɓó d’iŋga tarəwkəi lé el.

Pakɔsje 119:18

Maji kari ar kəm inja Mba karm m’orè ne kəm sḭ Dɔ tornduije gə́ maji dum lé ya.

Pakɔsje 81:12

Nɛ koso-dəwje ləm lé d’un mbi dee rəw dɔ ta’g ləm, Israɛlje tədkagm el.

Gosota-Kəmkàrje 21:4

Loo k’aa gə́ gə beelé ləm gə ti-rɔ ləm tɔ lé To pərndɔ lə njémeeyèrje gə́ to kaiya.

Gosota-Kəmkàrje 28:22

Dəw gə́ njekəmkəḭ lé ndəb ndəb tel bao, Nɛ ndòo gə́ a gə teḛ dəa’g lé yeḛ gər el.

Esai 29:10

Mbata Njesigənea̰ ɔm ndil gə́ tɔl sí gə ɓi pərəg dɔ sí’g Yeḛ libi kəm sí. (Rɔta kəm sí neelé wɔji dɔ njéteggintaje.) Yeḛ kə́ dɔ sí gə né. (Rɔta dɔ sí neelé wɔji dɔ njénékooje.)

Esai 42:19

See na̰ ɓa gə́ njekəmtɔ wa, See to gə́ kura ləm el wa. Esé na̰ ɓa to njembikudu Asəna gə njekaḭkula ləm gə́ m’ulá lé wa. See na̰ ɓa to njekəmtɔ to gə́ baokura lə Ala Esé to njekəmtɔ asəna gə kura lə Njesigənea̰ lé wa.

Esai 44:18

Dəwje neelé gər né el ləm, Deḛ d’oo ta el ləm tɔ, Mbata deḛ libi kəm dee Mba kar dee d’oo loo el ləm, D’ar meḛ dee ndər Mba kar dee gər ne gin né el ləm tɔ.

Esai 5:20

Meeko̰ a koso dɔ deḛ gə́ ɓar né Gə́ majel gə́ né gə́ maji ləm, Gə ɓar né gə́ maji gə́ né gə́ majel ləm, Deḛ gə́ d’oo lookàr gə́ loondul ləm, D’oo loondul gə́ lookàr ləm, Deḛ gə́ d’oo né gə́ adə gə́ né gə́ kul ləma, D’oo né gə́ kul gə́ né gə́ adə ləm tɔ.

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Jeremi 5:21

Ooje ta nee, Seḭ koso-dəwje gə́ gosonégər lal sí! Kəm sí to gən nɛ seḭ ooje ne loo el ləm, Mbi sí to gən nɛ seḭ ooje ne ta el ləm tɔ.

Mark 4:12

Mba kar dee d’oo gə kəm dee ya nɛ d’aa gə kaa mbə̰ ləm, Deḛ d’oo gə mbi dee ya nɛ ɓar mbi dee’g gə́ ɓar ɓó gər ginee el ləm tɔ, Ɓa nà d’a kɔs ne badm tel kar mee Ala oso lemsé dɔ dee’g.

Mark 7:22

gə ɓogo ləm, gə kəmkəḭ ləm, gə meeyèr ləm, gə néra gə́ ŋgɔm ləm, gə kaw kori-kori ləm, gə kaa loo gə kəm dɔbee ləm, gə kunda ta ta mari’g ləm, gə kəsta ləma, gə néra gə́ bɔsɔsɔ ləm tɔ.

Mark 8:18

See meḛ sí to gə ndəree siŋ-siŋ ya dɔrɔ ɓəi wa. Kəm sí to gən nɛ see ooje ne loo el wa. Mbi sí to gən nɛ see seḭ ooje ne ta el wa. See meḛ sí tɔ kujita dɔ néje’g el wa.

Lugu 11:35

Bèe ndá məəi dɔ rɔi’g nà banelə lookàr gə́ àr məəi’g lé a tel to bigim ɓəi.

Néra Njékaḭkulaje 13:11

Aa oo, ɓasinè, ji Mbaidɔmbaije a dar dɔi ndá i a to njekəmtɔ kuree əw waga ɓó a koo kàr el. Léegəneeya loondul dəb dəa’g bigim aree mam loo bab-bab mba saŋg dəwje kar dee ndɔree.

Néra Njékaḭkulaje 2:46

Ndɔje kára-kára lai lé deḛ d’aw na̰’d kəi-Ala’g ta teg-teg ləm, d’aw kəi lə na̰ d’o̰ muru na̰’d gə rɔlel gə meendakaḭ ləm tɔ.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

2 Njé gə́ Kɔrḭtə 4:4

Deḛ gə́ meḛ dee ndər dɔ kɔs Ala rəw’g lé njetaa loo-kɔg gə́ dɔ naŋg nee ɓasinè lé yeḛ nja tɔ kəm dee wə-wə nà Tagə́maji gə́ wɔji dɔ rɔnduba lə Kristi gə́ njekɔr rɔ Ala pai-pai lé a ndogó no̰ dee’g.

Njé gə́ Epesə 1:17

Ma m’ra tamaji mba kar Ala lə Jeju Kristi, Mbaidɔmbaije lə sí gə́ to Bɔ rɔnduba lé a kar sí ndil gə́ ka̰ kəmkàr ləm, a kar kəm sí inja kar sí gərje ne ndiaa təsərə ləm tɔ.

Njé gə́ Epesə 6:5

Seḭ kuraje lé ilaje ŋgonkoji dɔ ɓée síje’g gə́ dɔ naŋg nee gə meendakaḭ, ɓəlje ne kəm dee ləm, osoje ne kul no̰ dee’g ləm tɔ, to gə́ seḭ ɓəlje ne Kristi.

Njé gə́ Kolosə 3:22

Seḭ kuraje lé né gə́ rara kara ilaje ŋgonkoji dɔ ɓée síje gə́ dɔ naŋg nee, seḭ a raje togə́bè gə mba kəm dee goo kára ba əsé gə mba taa ne kəm dəwje el nɛ seḭ a raje gə meenda ɓəlje ne Mbaidɔmbaije ya.