Lugu 11:15 - Maktub gə́ To gə Kəmee

¹⁵ Nɛ njé gə́ na̰je mbuna dee’g pana: Mbɔl dɔ Beeljebul, mbai lə ndilje gə́ majel lé ɓa yeḛ tuba ne ndilje gə́ majel lé meḛ dəwje’g.

Lugu 11:15 ပူးပေါင်းရင်းမြစ်များ

Matiyo 10:25

Né gə́ deḛ ra gə mbai lé d’a ra gə njekwakilá ləm, né gə́ deḛ ra njekəi lé kara d’a ra gə ŋgonjelookisi ləa ləm tɔ. Njekəi ya ɓəi deḛ ɓaree Beeljebul ŋga see d’a ɓar njémeekəije ləa yèr-dəwje kundá yeḛ el wa.

Matiyo 12:22

Deḛ d’aw gə dəw gə́ ndil gə́ majel rəa ar kəmee tɔ ləm, ar gwɔsee udu ləm tɔ lé rɔ Jeju’g. Ndá Jeju ajee aree pata ləm, aree oo loo ləm tɔ.

Matiyo 4:24

Nea̰ oso loo mbidi-mbidi ɓeeko̰ gə́ Siri. Deḛ d’odo njérɔko̰je, gə deḛ gə́ d’isi gə meeko̰ gə́ gə ria-ria ləm, gə deḛ gə́ ndilje gə́ majel to meḛ dee’g d’ula kəm dee ndòo ləm, gə deḛ gə́ kɔr ra dee ləma, gə deḛ gə́ yoo-ndag unda dee ləm tɔ, d’odo dee lai-lai ree sə dee rəa’g ndá yeḛ aji dee ya.

Matiyo 9:34

Nɛ Parisiḛje pana: Mbɔl dɔ mbai lə ndilje gə́ majel ɓa Jeju tuba ne ndilje gə́ majel meḛ dəwje’g.

Tagə́maji gə́ Ja̰ ndang 10:20

Njé gə́ na̰je mbuna dee’g bula pana: Ndil gə́ yèr to mée’g ləm, kɔr rəa ləm tɔ. See ban ɓa seḭ tugaje mbi sí dɔ ta’g ləa wa.

Tagə́maji gə́ Ja̰ ndang 7:20

Boo-dəwje d’ilá keneŋ pana: Ndil gə́ yèr to məəi’g. See na̰ ɓa saŋg rəw gə mba tɔli wa.

Tagə́maji gə́ Ja̰ ndang 8:48

Jibje tel dəjee pana: See ta gə́ jeḛ m’pa kédé m’pana: I to gə́ dəw gə́ Samari gə́ ndil gə́ yèr to məəi’g lé see jeḛ m’pa rəbee’g el wa.

Tagə́maji gə́ Ja̰ ndang 8:52

Jibje d’ilá keneŋ pana: Ɓasinè jeḛ n’gər gao, ndil gə́ yèr ɓa to məəi’g ya. Abrakam lé wəi mba̰ ləm, njéteggintaje kara d’wəi mba̰ ləm tɔ. Nɛ i pana: Dəw gə́ rara ɓa lé a kaa dɔ ta ləi kər-kər ndá kara yoo a ɓar ria el.