Lugu 11:10 - Maktub gə́ To gə Kəmee

¹⁰ Mbata nana ɓa gə́ kwɔi dee né ndá d’a karee ya ləm, yeḛ gə́ saŋg né ndá a kɔs dəa keneŋ ɓəi ləma, yeḛ gə́ unda tabidi rəw-kəi ndá d’a kɔr karee ya ləm tɔ.

Lugu 11:10 ပူးပေါင်းရင်းမြစ်များ

Pakɔsje 31:22

Maji kar dɔ ri Njesigənea̰ ai səgərə! Mbata yeḛ riba səm dɔ meenoji ləa Am m’isi ne asəna gə dəw gə́ si mee ɓee-boo gə́ d’ula ŋgalaŋ gugu ne dəa bèe.

Nɔ̰-ndôo gə́ wɔji dɔ Jerusalem 3:18

Tɔɓəi m’pana: Siŋgam godo ya, Meem to yel gə́ dɔ Njesigənea̰’g el ŋga.

Nɔ̰-ndôo gə́ wɔji dɔ Jerusalem 3:8

Ma m’ila boo-ndum naŋg M’no̰ m’ɓar-ɓar Mba kar dee la səm nɛ pi ləm, Yeḛ un mbia rəw dɔ tamaji’g ləm ləm tɔ.

Matiyo 5:42

Yeḛ gə́ kwɔii né ndá aree ɓó ɔgee el. Yeḛ gə́ ndigi tonai lar əsé ndimai né ləi kara tel giri ila aree el tɔ.

Matiyo 7:8

Mbata nana ɓa gə́ kwɔi dee né ndá d’a karee ya ləm, yeḛ gə́ saŋg né ndá a kɔs dəa keneŋ ɓəi ləma, yeḛ gə́ unda tabidi rəw-kəi ndá d’a kɔr karee ya ləm tɔ.

Lugu 11:11

See bɔ ŋgon gə́ ra ɓa mbuna sí’g lé ɓó lé ŋgonee a kwɔiyee muru ndá a kun pil mbal ɓa karee wa. Esé see lé yeḛ a kwɔiyee ka̰ji ndá a kun li ɓa karee tor ka̰ji’g wa.

Lugu 11:9

Ma nja m’ula sí, kwɔi deeje né ndá d’a kar sí ɓəi, saŋgje né ndá a kɔsje dɔ sí keneŋ ɓəi, undaje tabidi rəw-kəi ndá d’a kɔr kar sí ya tɔ.

Lugu 18:1

Jeju un ta ula dee gə gosota tɔji dee gə mba kar dee d’oo, lé riri kara d’a ra tamaji ta Ala’g ta-ta ɓó d’a kar rɔ dee wəi dɔ’g sululu pai godo.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.

Maktub gə́ Jak ula ne ar ngan-Allaje 5:11

Aa ooje, jeḛ m’pana: Deḛ gə́ d’ai meḛ dee sam-sam dan némeeko̰’g lé a maji dɔ dee’g. Seḭ ooje ta meekai sam-sam lə Jɔb ləm, tɔɓəi seḭ ooje né gə́ Mbaidɔmbaije aree ndɔ gə́ rudee un’g lé ləm tɔ mbata Mbaidɔmbaije lé koo kəmtondoo gə meekɔrjol taa rəa pəl-pəl ya.