Lugu 10:41 - Maktub gə́ To gə Kəmee

⁴¹ Mbaidɔmbaije tel ilá keneŋ pana: Martə, Martə, i ar məəi pélé wəs-wəs ləm, jɔg rɔi yaa̰ ləm gə mba néje bula ya.

Lugu 10:41 ပူးပေါင်းရင်းမြစ်များ

Njekillamber 6:11

Loo gə́ taje bula yaa̰ ndá Néje gə́ gə mḭdé ba bula yaa̰ tɔ. See ɗi ɓa dəw iŋga keneŋ wa.

Mark 4:19

nɛ tor ta gə́ dɔ naŋg nee ɓa deḛ la̰ji ləm, tor nébaoje gə́ dɔ naŋg nee ɓa deḛ la̰ji ləma, mal néje gə́ ɓəd-ɓəd ɓa wa meḛ dee ləm tɔ ndá d’ula ne sul dɔ ta’g neelé d’ɔgee ne loo teḛkɔr, ŋgina ne ŋgɔsɔrɔ.

Lugu 10:38

Loo gə́ Jeju gə njékwakiláje d’isi d’aw rəbə lé deḛ teḛ mee ɓee gə́ kára bèe ndá dené kára bèe gə́ ria lə Martə wá gə́ rəa’g mee kəi’g ləa, rəa mbá.

Lugu 10:40

Martə lé jɔg rəa unda kunda nésɔ mba ra karee ndá yeḛ ɔd ree dɔ Jeju’g ulá pana: Mbaidɔmbaije, ŋgokɔm gə́ dené gə́ uba kula nee gə́ m’aar m’ra gə mba kar sí neelé ya̰ dɔm’g lé see i oo gə́ né el wa. Ulá aree ḭ ree la səm ɓa.

Lugu 12:22

Tɔɓəi yeḛ un ta ula njékwakiláje pana: Gelee gə́ nee ɓa ma m’ula sí ne təsərə: Arje meḛ sí pélé wəs-wəs dɔ rɔ sí’g el wɔji ne dɔ nésɔ sí’g əsé dɔ né ko̰ rɔ sí’g el.

Lugu 21:34

Meḛ sí dɔ rɔ sí’g nà banelə meḛ sí a to dɔ nésɔ’g gə dɔ nékai’g ya ɓa bururu ləm, gə dɔ néje lai gə́ dɔ naŋg nee gə́ njékar meḛ sí pélé wəs-wəsje ləm tɔ ɓa ndəa neelé a kuba sí naŋg bus.

Lugu 8:14

Njé gə́ teḛ ɔm naŋg mee kunje’g lé wɔji dɔ deḛ gə́ d’oo ta lé ndá d’ɔd par d’aw d’ar mal néje gə́ ɓəd-ɓəd ləm, gə nébaoje gə́ dɔ naŋg ləma, gə rɔlelje gə́ dɔ naŋg nee ləm tɔ lé d’udu dɔ ta neelé lusu d’aree to asəna gə kandə né gə́ andə gə́ kuree bèe ya.

Tagə́maji gə́ Ja̰ ndang 11:1

Dəw kára ria lə Lajarə oso gə rɔko̰ mee ɓee gə́ Betani, to ɓee lə Mari gə ŋgokea̰ Martə lé tɔ.

Tagə́maji gə́ Ja̰ ndang 11:5

Jeju lé unda Martə deḛ gə ŋgokea̰ gə Lajarə lé dan kəmee’g ya.

Tagə́maji gə́ Ja̰ ndang 12:2

Lée neelé deḛ ra nésɔ keneŋ d’aree, Martə ɓa gə́ njekun nésɔ lé kar dee ndá Lajarə ɓa si mbuna deḛ gə́ d’isi səa ta ka-nésɔ’g lé.

Njé gə́ Pilibə 4:6

Arje meḛ sí pélé wəs-wəs dɔ né gə́ kára kara el, nɛ né gə́ rara kara maji kar sí dəjije Ala gə tamaji lə sí ləm, gə ndòo gə́ seḭ raje ndòo rəa’g ləma, gə ta oiyo gə́ seḭ reaje ləm tɔ.