Lugu 10:4 - Maktub gə́ To gə Kəmee

⁴ Maji kar sí unje ɓɔl-lar əsé ɓɔl-mbá ji sí’g el ləm, əsé markob kula gɔl sí’g el ləm tɔ. Maji kar sí raje dəw kára kara lapia gə kag-rəw el.

Lugu 10:4 ပူးပေါင်းရင်းမြစ်များ

Gḭ-Néje 24:33

Tɔɓəi deḛ ree gə nésɔ d’unda nea̰’g. Nɛ yeḛ pana: M’a sɔ né el ɓəi saar m’a kulai ta gə́ to məəm’d gə́ kəm kulai lé ɓa. Laba̰ ulá pana: Maji, gə́ pa ya!

Gḭ-Néje 24:56

Yeḛ tel ila dee keneŋ pana: Ɔgmje naŋg el mbata Njesigənea̰ ar mbá ləm gə́ m’aw lé wam maji. Ya̰’mje am m’tel m’aw rɔ ɓémje’g ya ɓa.

2 Mbaije 4:24

Yen ŋga yeḛ ar dee tɔ kali gir ko̰-mulayḛ̀je’g ləa ndá ula kura ləa pana: Ojee gə́ kédé ar sí j’awje, ɓó lé m’ulai el ndá am m’aar naŋg rəw’g el.

2 Mbaije 4:29

Bèe ɓa Elije ula Gehaji pana: Tɔ ndar ɓəri’g, un kag-tɔs ləm jii’g ndá ɔd aw. Ɓó lé i iŋga dəw rəbə ndá rəa lapia el ləm, ɓó lé dəw rai lapia kara ilá keneŋ el ləm tɔ. I a kila kag tɔs ləm kəm ŋgon’g lé.

Gosota-Kəmkàrje 4:25

Maji kar kəmi aa loo gə́ nɔḭ’g ya njoroŋ, Ar kəmi oo loo gə́ nɔḭ’g ya.

Mark 6:7

Yen ŋga Jeju ɓar deḛ gə́ dɔg-gir-dee-joo lé ndá yeḛ wa dee joo-joo ula dee, un ndia ar dee gə mba kar dee dum ne dɔ ndilje gə́ yèr.

Lugu 22:35

Yeḛ ula dee tɔɓəi pana: Loo gə́ ma m’ula sí m’ar sí awje lal ɓɔl-lar gə ɓɔl-kawmbá gə markob gə́ gɔl sí’g lé see seḭ lalje né keneŋ wa. Deḛ d’ilá keneŋ pana: Jeḛ n’lal né kára kara el.

1 Samel 21:8

Mee ndəa’g neelé kura lə Sawul kára ɔg rəa naŋg no̰ Njesigənea̰’g. Yeḛ to dəw gə́ Edɔm, ria lə Doɛg gə́ to mbai dɔ njekul nékulje lə Sawul.