Lugu 10:39 - Maktub gə́ To gə Kəmee

³⁹ Ŋgokea̰ gə́ dené kára ria lə Mari si naŋg ŋgira gɔl Mbaidɔmbaije’g si oo ta ləa.

Lugu 10:39 ပူးပေါင်းရင်းမြစ်များ

2 Mbaije 4:38

Elije tel aw Gilgal. Lée gə́ neelé ɓoo-boo oso keneŋ. Loo gə́ koso njéteggintaje d’isi nea̰’g ndá yeḛ ula kura ləa pana: Unda jo-muru gə́ boi pər’d ula ne lɔ-mḭji mbata lə koso njéteggintaje neelé.

Gosota-Kəmkàrje 8:34

Rɔlel nai gə dəw gə́ oo ta ləm ləm, Yeḛ gə́ si kəmba tarəwkɔgje’g ləm Gə ndɔje kára-kára lai Gə mba kaa ne dɔ looje kər-kər ləm tɔ!

Lugu 10:42

Né kára ba gə́ ndée to lé yee ɓa gə́ né gə́ maji gə́ Mari orè kəmee dɔ’g nja, to né gə́ dəw a kwa rəa’g kɔr pai godo.

Lugu 2:46

Ndɔ munda lə dee ɓa d’iŋgá mee kəi-Ala’g, yeḛ ta̰ pə̰ njégərgosɔ godnduje si dan dee’g si oo tapa dee ləm, yeḛ kara dəji dee ta ləm tɔ.

Lugu 8:35

Yen ŋga koso-dəwje teḛ budu-budu d’aw gə mba koo né gə́ teḛ togə́bè lé. Loo gə́ deḛ teḛ rɔ Jeju’g lé ndá d’aa loo d’oo dəw gə́ ndilje gə́ yèr teḛ mée’g lé ula kubu rəa’g si ne gɔl Jeju’g ləm, si maji ar rəa tḭja péd-péd ləm tɔ ndá ɓəl unda dee badə gaŋg dee.

Tagə́maji gə́ Ja̰ ndang 11:1

Dəw kára ria lə Lajarə oso gə rɔko̰ mee ɓee gə́ Betani, to ɓee lə Mari gə ŋgokea̰ Martə lé tɔ.

Tagə́maji gə́ Ja̰ ndang 11:19

ndá Jibje bula ree ne rɔ Martə gə Mari mba gɔl dee mbata nan-ŋgan deeje gə́ wəi lé.

Tagə́maji gə́ Ja̰ ndang 12:3

Yen ŋga Mari un ubu gə́ ə̰də sululu gə́ gadee al dɔ loo lé as gə ges litər kára ndá yeḛ wa ne gɔl Jeju rugu-rugu ɓa tel bɔr gɔlee gə yiŋga dəa ɓəi ar baḭ ubu neelé taa mee kəi birim-birim.

Néra Njékaḭkulaje 22:3

Ma m’to Jib gə́ d’ojim Tarsə dɔ naŋg gə́ Silisi nɛ kodo ɓa deḛ d’odəm mee ɓee’g neelé ləm, m’isi naŋg gɔl Gamaliel’g m’ndoo ne né m’un ne gel négər gə́ wɔji dɔ godndu ka̰ bɔ síje-je lé lad ləma, m’tədkag loo gə mbata lə Ala lé to gə́ seḭje bèe ɓogənè ya ləm tɔ.

Tel tura Godndu 33:3

Oiyo, yeḛ unda koso-dəwje lé dan kəmee’g, Deḛ gə́ to gə kəmee ləa lai to meḛ jia’g. Deḛ d’isi gel gɔlee’g ləm, Deḛ taa taje ləa ləm tɔ.