Lugu 10:31 - Maktub gə́ To gə Kəmee

³¹ Njekinjanéməs gə́ kára bèe gə́ aw gə rəw neelé gə́ kaw lé loo gə́ yeḛ ree ɔs dəa rɔ dəw’g neelé ndá yeḛ ga̰ gə ŋgəŋgərə rəw unda loo ləa tar gaŋg aw.

Lugu 10:31 ပူးပေါင်းရင်းမြစ်များ

2 Samel 1:6

Ndá basa gə́ njekulá taje neelé tel ilá keneŋ pana: Ma m’aar dɔ mbal gə́ Gilboa ndá aa oo, Sawul man rəa dɔ niŋga-ndəi’g ləa tɔɓəi aa oo, pusu-rɔje gə njérɔ gə kundaje ree gə́ rəa’g.

Pakɔsje 142:4

Loo gə́ ndiləm unda bala məəm’g lé I nja gər kila rəw-kabm gao, Deḛ d’iya gum dɔ rəw gə́ m’njaa keneŋ lé.

Pakɔsje 69:20

I lé gər taji gə́ deḛ tajim ləm, Gə rɔkul gə kəm sɔḭ gə́ m’isi danee’g gao ya ləm tɔ, Njéba̰je ləm lai lé kara d’aar nɔḭ’g.

Gosota-Kəmkàrje 21:13

Yeḛ gə́ udu mbia jigi dɔ ndu no̰’g lə njendoo lé Yeḛ nja kara a no̰ ya to nɛ d’a kilá keneŋ el saar.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Esai 58:7

Ar dəw gə́ ɓó tɔlee muru ləi o̰ səi ləm, Ar njenékəmndoo gə́ kəi-kula-dəa godo aw mee kəi’g ləi ləm, Ɓó lé i oo dəw gə́ aw kudee dum ba ndá Aree né ula rəa’g ləma, Tel giri ila ar yeḛ gə́ to tana səi lé el ləm tɔ.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Ojee 6:9

Kudu njékinjanéməsje to d’asəna gə gayim-dəwje gə́ d’um loo Gə mba tɔl dəwje gə́ d’aw gə rəw gə́ aw gə́ Sikem, Mbata deḛ d’ula ne rɔ dee mbiriri dan néra gə́ majel’g.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Lugu 10:30

Jeju un ta ulá pana: Dəw kára ḭ Jerusalem si aw gə́ Jeriko ndá yeḛ uru dan gayim-ɓogoje ar dee d’ubá d’wá kundá mbugu-mbugu tɔr néje rəa’g mbad-mbad d’ubá wɔg d’yá̰ naŋg gə́ yée d’ɔd par-par d’aw.

Lugu 10:32

Dəw gə́ to Lébi kára bèe gə́ aw gə́ rəw neelé loo gə́ yeḛ aa loo ée ndá yeḛ kara ga̰ gə ŋgəŋgərə rəw unda loo ləa tar gaŋg aw tɔ.

Rudu 2:3

Togə́bè ɓa yeḛ ɔd aw wa ne ɓuru mee ndɔ’g goo njékinjakoje’g lé tɔ. Tɔɓəi né unda maji ar ndɔ neelé to ka̰ Boaj, yeḛ gə́ to njenoji lə Elimelek lé.