Lugu 10:28 - Maktub gə́ To gə Kəmee

²⁸ Jeju tel ilá keneŋ pana: I ilam keneŋ maji ya, ra togə́bè ndá i a kisi ne gə kəmə lé ya.

Lugu 10:28 ပူးပေါင်းရင်းမြစ်များ

Nehemi 9:29

I ndəji dee kɔr mba kar dee tel ree dɔ godndui’g Nɛ deḛ d’aar njaŋg dɔ beelé’g lə dee ləm, D’un mbi dee rəw dɔ godnduije’g ləm, Ndukunje ləi gə́ a kar dəw gə́ njera née a kisi ne kəmba lé Deḛ ra kaiya d’ɔs ne rəw ləm, Deḛ d’ɔs bag dee gə́ tar-tar d’ɔs ne ta ləi rəw ləm, Deḛ d’uba gwɔbkelkwɔi ləma, Deḛ mbad kila ŋgonkoji saar ləm tɔ.

Gosota-Kəmkàrje 19:16

Dəw gə́ aa dɔ godndu lé Aa dɔ kankəmrea, Yeḛ gə́ oo rəw-kabeeje gə́ né el lé a kwəi.

Ejekel 20:11

Neḛ n’ar dee godnduje lə neḛ ləm, n’ar dee gər ndukunje lə neḛ ləm tɔ gə mba kar dəw gə́ ra née ndá a si ne kəmba.

Ejekel 20:13

Nɛ gel-bɔje lə Israɛl d’ḭ sə neḛ d’ɔs ta lə neḛ rəw dɔdilaloo’g. Deḛ d’un goo godnduje lə neḛ el ləm, d’uba ndukunje lə neḛ gə́ dəw ra née ndá a si ne kəmba lé d’ya̰ ləma, deḛ d’ula sul dɔ ndɔ-kwa-rɔje’g lə neḛ ləm tɔ. Bèe ɓa neḛ n’wɔji mba ɓugu boo-oŋg lə neḛ dɔ dee’g dɔdilaloo’g kar dee d’udu guduru tɔ.

Ejekel 20:21

Nɛ ŋganje neelé d’ḭ sə neḛ d’ɔs ta lə neḛ rəw. Deḛ d’un goo godnduje lə neḛ lad-lad el ləm, deḛ d’aa dɔ ndukunje lə neḛ ra née gə́ dəw ra ndá a si ne kəmba lé el ləma, d’ila ndɔl ɓa dɔ ndɔ-kwa-rɔje’g lə neḛ ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, kar oŋg lə neḛ aw lée’g béréré dɔ dee’g dɔdilaloo’g ləm tɔ.

Ləbije 18:5

Seḭ a kaaje dɔ godndumje ləm, gə ndukunje ləm ləm tɔ: Dəw gə́ ra née ndá a si ne kəmba ya. Ma m’to Njesigənea̰.

Matiyo 19:17

Yeḛ tel ilá keneŋ pana: See ban ɓa i dəjim loo néra gə́ maji wa. Dəw kára ba ɓa to dəw gə́ maji. Ɓó lé i ndigi kula dɔi gə́ loo gə́ a si gə kəmə keneŋ lé ndá godnduje lé i a tɔs kəmi dɔ dee’g bao-bao ya.

Mark 12:34

Loo gə́ Jeju oo to gə́ yeḛ ndigi təa’g gə kəmkàree ndá yeḛ tel ulá pana: Ɓeeko̰ lə Ala lé nai əw səi el ŋga. Loo gə́ yeḛ pa togə́bè lé ndá dəw kára kara oo loo kila ɗigi kaaree’g dəjee ne ta el ŋga.

Lugu 7:43

Simo̰ ndigi təa’g pana: Yeḛ gə́ ɓaŋg to dəa’g yaa̰ ɓa d’ɔr dəa’g lé ɓa ma m’ə̰ji m’pana: Yeḛ ɓa a kundá dan kəmee’g yaa̰ kunda maree. Jeju ulá pana: I gaŋg rəbee maji ya.

Njé gə́ Rɔmə 10:4

Kristi ɓa gə́ rudu godndu mba kɔr ne ta dɔ deḛ gə́ d’ɔm meḛ dee dəa’g ya.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Njé gə́ Rɔmə 7:10

Togə́bè ɓa godndu gə́ a gə kar dəw ur loo gə́ a gə si gə kəmə lé keneŋ ndá ɔrm ilam ta yoo’g ɓa.

Njé gə́ Galati 3:12

Godndu lé gə meekun d’aw na̰’d el, mbata godndu lé pana: Néje neelé dəw gə́ ra née ndá a si ne kəmba.

Tel tura Godndu 6:24

Njesigənea̰ un ndia mba kar godnduje lai neelé jeḛ n’raje née ləm, kar sí m’ɓəlje ne Ala lə sí gə́ Njesigənea̰ ləm tɔ, bèe ɓa j’a si ne dan rɔlel’g saar-saar ləm, j’a si ne kəmba gə kur sí waga ləm tɔ gə́ yeḛ ra mee ndɔ gə́ ɓogənè lé tɔ.