Lugu 10:2 - Maktub gə́ To gə Kəmee

² Yeḛ ula dee pana: Dɔ kó gə́ ka̰ kinja lé to yaa̰, nɛ njékḭjaje bula lam ba bèe. Bèe ndá raje tamaji ta mbai gə́ njeko’g lé gə mba karee ula njékḭjaje bula loo-kinja-kó’g ləa.

Lugu 10:2 ပူးပေါင်းရင်းမြစ်များ

1 Mbaije 18:22

Tɔɓəi Eli ula koso-dəwje pana: Ma nja m’nai gə karm ba gə́ njetegginta lə Njesigənea̰ nɛ njéteggintaje lə Baal ɓa deḛ tɔl-sɔ-dɔ-dee-rɔ-mi (450).

Pakɔsje 68:11

Lée neelé koso-dəwje ləi lé Ra loo-si dee keneŋ, To loo gə́ i Ala wa dɔ gɔlee ar njénékəmndooje Gə goo meemaji ləi bèe ya.

Jeremi 3:15

M’a kar sí njékul síje to gə́ məəm ndigi. Deḛ d’a kul sí gə gosonégər ləm, gə kəmkàr ləm tɔ.

Jakari 11:17

Meeko̰ a koso dɔ njekulbadje gə́ gə mḭdé ba Gə́ tusu badje ləa ya̰ dee. Maji kar kiambas tuji kag jia gə kəmee gə́ dɔkɔl! Maji kar kag jia tudu kurum ləm, Kar kəmee gə́ dɔkɔl tɔ kab ya ləm tɔ.

Jakari 11:5

Deḛ gə́ ndogo dee lé tḭja gwɔs dee lal né gə́ bèe. Yeḛ gə́ rab dee lé pana: Maji kar dɔ ri Njesigənea̰ ai səgərə mbata ma m’tel ne bao. Nɛ njékulbadje d’oo kəmtondoo lə dee el.

Bula lə Israɛlje 11:17

M’a ree kwɔji səi ta lée’g neelé ndá m’a kai ndil gə́ to dɔi’g lé kɔm dɔ dee-deḛ’g to mba kar dee taa ne səi nékodo gə́ wɔi gə́ to koso-dəwje lé to ɓó kari-i ɓa odo dee gə kari ba el ŋga.

Bula lə Israɛlje 11:29

Moyis ilá keneŋ pana: See i ra kəmkəḭ dɔ dee’g mbata ləm-ma wa. Né gə́ m’ndiŋga lé to mba kar koso-dəwje lə Njesigənea̰ lai ya to gə́ njéteggintaje ɓa, maji kar Njesigənea̰ ɔm Ndilee dɔ dee’g ya!

Matiyo 20:1

Ɓeeko̰ gə́ dara to asəna gə njekəi gə́ ḭta gə ndɔ rad aw iŋga njékulaje ɓar dee gə mba kɔm dee loo-ndɔ-nduú’g ləa.

Mark 13:34

To kára ba asəna gə dəw gə́ uba kəi ləa ya̰ sí aw gə mbá’g. Yeḛ un ndia ar kuraje ləa ləm, yeḛ wɔji dee kula gə lée-lée ləma, yeḛ un ndia ar njeŋgəm takəi mba karee sí dɔkəjee’g kəgəgə tɔ.

Mark 16:15

Tɔɓəi yeḛ ula dee pana, awje gə loo-loo dɔ naŋg nee ilaje mber tagə́maji lé arje dəw-kundaje lə Ala lé lai.

Mark 16:20

Deḛ d’ḭ d’aw gə loo lai d’ila mber tagə́maji lé ya. Mbaidɔmbaije orè dee més loo kula ra dee’g ya ndá yeḛ ar dee ra némɔrije d’orè ne kaar ta ləa gə́ deḛ d’ɔr lé aree to gə́ kankəmta ya.

Lugu 9:1

Jeju ɓar deḛ gə́ dɔg-gir-dee-joo lé rəa’g ndá ar dee ndukun gə siŋgamoŋ gə mba dum ne dɔ ndilje gə́ yèr lai ləm, ar dee siŋgamoŋ gə mba kɔr ne rɔko̰ rɔ njérɔko̰je’g ləm tɔ.

Néra Njékaḭkulaje 11:19

Deḛ gə́ d’aḭ sanéna̰ gə mbata kəm dee gə́ d’ula ndòo ndɔ kwəi’g lə Etien lé d’aḭ saar teḛ Penisi ləm, d’aw dɔgoré-loo gə́ Siprə ləma, d’aw Antiɔs ləm tɔ. Jibje ya gə kar dee ba ɓa d’aw d’ila mber tagə́maji lé d’ar dee.

Néra Njékaḭkulaje 13:2

Loo gə́ d’wa dɔ na̰ gə mba kwa Mbaidɔmbaije meḛ dee’g, d’ɔg ne meḛ dee ɓoo keneŋ ndá Ndilmeenda ula dee pana: Maji kar sí ɔrje Barnabas gə Sool unda deeje gə kəmee loo kula gə́ m’ɓar dee keneŋ lé.

Néra Njékaḭkulaje 13:4

Barnabas gə Sool gə́ Ndilmeenda ula dee lé d’ar dee taa rəw gə́ aw gə́ Selusi, lée neelé deḛ d’uru mee bato’g keneŋ mba kaw dɔgoré-loo gə́ Siprə.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 22:21

Yen ŋga Mbaidɔmbaije ulam pana: Maji kam m’ɔd m’aw ndá neḛ nja n’a gə kulam kam m’aw əw par gə́ rɔ ginkoji dəwje gə raŋg gə́ to njépole-magəje ya.

Néra Njékaḭkulaje 8:4

Deḛ gə́ sanéna̰ lé d’aw gə loo-loo d’ila mber tagə́maji lé keneŋ ya.

1 Njé gə́ Kɔrḭtə 12:28

Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Pilibə 2:21

Tɔgərɔ ya, deḛ lai d’ə̰ji dɔ né gə́ wɔji dɔ rɔ dee-deḛ ɓó d’ə̰ji dɔ né gə́ wɔji dɔ Jeju Kristi el.

Njé gə́ Pilibə 2:25

Ma m’ə̰ji məəm’g mba kula Epaproditə, ŋgokɔm gə́ njeboakula ləm, gə njeboarɔ ləm rɔ sí’g, yee ɓa m’oo gə́ né kəm ra. Yeḛ lé seḭ nja ɔreeje areeje ree rɔm’g mba karm né gə́ m’aw ndée.

Njé gə́ Pilibə 2:30

Mbata kula lə Kristi ɓa ta yée nai ne tebdé bèe gə mbəa, yeḛ ya̰ rəa ar yoo mba nai ne gə́ darɔ sí-seḭ rɔm’g, tɔl ne ta kula lə sí gə́ seḭ ooje loo rəa el lé tɔ.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.

Njé gə́ Kolosə 4:12

Epapras, ŋgoko̰ sí gə́ kojikəi lé ra sí lapia tɔ. Yeḛ to kura lə Jeju Kristi gə́ rɔ gə tamaji-ra ləa ta-ta mbata lə sí ɓó əw rəa el mba kar sí telje ne dəwje gə́ maji ɔrje njoroŋ ləm, gə mba kar sí aarje dɔ gɔl sí’g njaŋg mba ra ne torndu Ala karee ɔr rɔd ləm tɔ.

1 Njé gə́ Tesalonikə 2:9

Ŋgako̰ síje, kula ra sí gə́ jeḛ j’ula ne rɔ sí ndubu dṵda’d gə dan kàrá mba kar sí j’wɔi ne dəw kára kara mbuna sí’g el lé meḛ sí a kolé dɔ’g ya, togə́bè ɓa, j’ɔr ne gin Tagə́maji lə Ala lé j’ar sí.

1 Njé gə́ Tesalonikə 5:12

Ŋgako̰ síje, jeḛ n’ra ndòo rɔ sí’g mba kar sí ilaje ŋgonkoji dɔ deḛ gə́ ra kula mbuna sí’g d’ɔr ne no̰ sí gin Mbaidɔmbaije’g, deḛ gə́ ndəji sí bər-bər lé.

2 Njé gə́ Tesalonikə 3:1

Ŋgakɔmje, ges ta gə́ nai lé ɓa nee: Raje tamaji mbata lə sí mba kar ta lə Mbaidɔmbaije oso ne gə loo mbidi-mbidi nduba ne rəa gə́ raga, to gə́ yee ra ɓee lə sí bèe

1 Timote 4:10

Jeḛ j’oma̰ gə kula gə́ jeḛ n’raje lé mbata jeḛ j’unda meḛ sí yel gə́ dɔ Ala gə́ njesikəmba gə́ to njekaji dəwje lai nɛ to ka̰ deḛ gə́ d’ɔm meḛ dee dəa’g goo kára ba sur lé tɔ.

2 Timote 4:5

Nɛ i lé unda kəmkàr dɔ rɔi’g gə mba néje lai ləm, ai məəi sam-sam dan némeekonje’g ləm, ra kula gə́ wɔji dɔ kila mber Tagə́maji lé ləma, ɔr suna kula ləi lai lé ləm tɔ.

Piləmɔ̰ 1:1

Ma Pool, dəw daŋgai lə Jeju Kristi, jeḛ gə ŋgoko̰ sí Timote lé jeḛ ndaŋg maktub j’ari-i Piləmo̰, njeboakula lə sí gə́ jeḛ j’undai dan kəm sí’g ləm,

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

Loo gə́ killa rea kəm Ja̰’g 2:1

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Epesə pana: Aa oo, yeḛ gə́ kéréméje gə́ siri to jikɔlee’g lé yeḛ gə́ njaa dan kag pərndɔje gə́ siri gə́ ra gə larlɔr neelé yeḛ nja ɓa pana: