Lugu 10:19 - Maktub gə́ To gə Kəmee

¹⁹ Aa ooje, ma m’ar sí siŋgamoŋ gə mba kar sí tubaje ne dɔ lije ləm, gə dɔ mbai-yḭje ləma, gə dɔ siŋgamoŋ lə njeba̰ bura ləm tɔ. Né kára kara a ra sí karee al dɔ siŋga sí el.

Lugu 10:19 ပူးပေါင်းရင်းမြစ်များ

2 Sôrta Gḭka Israɛlje 10:11

Ɓasinè, bɔbije unda nékodo gə́ wɔi dɔ dee’g nɛ i lé a kila maree dɔ’g karee wɔi dee unda njé gə́ kédé, bɔbije unda dee gə ndəije nɛ i ndá a kunda dee gə mbai-yḭje ɓa.

Pakɔsje 91:13

I a tuba toboḭ naŋg puduru-puduru ləm, I a rəd li-meewai naŋg ləma, Ŋgon toboḭ əsé da-kɔb kara I a tuba dee naŋg gə gɔli mbə̰ji-mbə̰ji ləm tɔ.

Esai 11:8

Ŋgon gə́ ta mbà’g a ndam ta bwa li-meewai’g ləm, Ŋgon gə́ mbad mbà a kula jia mee bwa li-ŋgɔrŋgo̰d’g ləm tɔ.

Ejekel 2:6

Nɛ ma ŋgon-dəw lé lé kun pɔrɔrɔje gə kunje to mbɔrm’g ləm, m’isi gə mbai-yḭje na̰’d ləm tɔ kara maji kam m’ɓəl dee el ləm, maji kam m’ɓəl tapa dee el ləm tɔ. Deḛ to gel-bɔje lə njékɔsta-rəwje ya nɛ lé bèe kara maji kam m’ɓəl tapa dee el ləm, m’ɓəl kəm dee el ləm tɔ.

Mark 16:18

d’a kwa ne lije gə ji dee peb-peb ləm, lé d’ai kuma̰ yoo lé a ra dee majel el ləma, d’a kila ji dee dɔ njérɔko̰je’g ndá njérɔko̰je lé d’a kaji kəbərə-kəbərə ya ləm tɔ.

Lugu 11:12

Esé lé a kwɔiyee kawkṵja ndá a kun mbai-yḭ ɓa kula jia’g wa.

Néra Njékaḭkulaje 28:5

Pool biri li undá ilá dan pər’g bib, nɛ rɔ Pool to̰ njaam el.

Njé gə́ Rɔmə 16:20

Ala gə́ njeyelko meelɔm lé waga ba ya a gə rəd Njekurai lé gel gɔl sí’g mbə̰ji-mbə̰ji tɔ. Maji kar sí sije dan noji’g lə Mbaidɔmbaije lə sí Jeju Kristi lé tɔ. Amen.

Loo gə́ killa rea kəm Ja̰’g 11:5

Ɓó lé nana ɓa ndigi ra sə dee némeeyèr ndá pər a teḛ ta dee’g roo ne njéba̰je lə dee. Ɓó lé nana ɓa gə́ ndigi ra sə dee némeeyèr ndá yoo-pər neelé ɓa gə́ kuma̰ yoo dee ya.