Lugu 1:9 - Maktub gə́ To gə Kəmee

⁹ Deḛ ra né asəna gə téḛ d’wɔji ne dɔ kula kḭjanémes mba karee andə ne mee kəi gə́ wɔji dɔ Mbaidɔmbaije, mba tuu gə né gə́ ə̰də sululu.

Lugu 1:9 ပူးပေါင်းရင်းမြစ်များ

1 Sôrta Gḭka-Israɛlje 23:13

Ŋgalə Amram ɓa ri dee to nee: Aaro̰ gə Moyis. Aaro̰ lé d’ɔree d’unda gə kəmee doi, yeḛ gə ŋganeeje saar-saar gə no̰, mba roo ne néje gə́ ə̰də sululu no̰ Njesigənea̰’g ləm, gə mba ra ne kula karee ləma, gə mba tɔr ne ndu dee dɔ dəwje’g gə ri Njesigənea̰ saar-saar gə no̰ ləm tɔ.

1 Sôrta Gḭka-Israɛlje 6:49

Israɛlje d’ar Ləbije ɓee-booje lə dee gə looje gə́ gugu dɔ dee.

2 Sôrta Gḭka Israɛlje 26:16

Nɛ loo gə́ yeḛ tel to njesiŋgamoŋ ndá mée ɔsee ɓɔḭ-ɓɔḭ gə mba karee tuji ne. Yeḛ ra kaiya ɔs ne ta lə Njesigənea̰ Ala ləa rəw. Yeḛ ḭ gə dɔrea ya andə mee kəi’g lə Njesigənea̰ tuu néje gə́ ə̰də sululu dɔ loo-nékinjaməs’d gə́ to loo-tuu-néje gə́ ə̰də sululu lé.

2 Sôrta Gḭka Israɛlje 29:11

Ɓasinè, ŋganəmje, maji kar sí əwje rɔ sí ndoo bao dɔ’g, mbata Njesigənea̰ mbər sí gə mba kar sí aarje nea̰’g raje ne kula ləa ləm, gə mba kar sí toje kuraje ləa ləma, gə mba tuuje néje gə́ ə̰də sululu kaareeje ləm tɔ.

Matiyo 27:5

Yen ŋga Judas ula lar lé yag ɔm naŋg mee kəi-Ala’g, unda loo paar-paar teḛ aw ila kúla wəi.

Ǝbrəje 9:6

Loo gə́ deḛ gɔl dɔ néje neelé lai d’ar dee to lée’g mba̰ ndá njékinjanéməsje gə́ ra kula lé d’aw mee kəi-kubu gə́ to par gə́ kédé lé ta-ta ya.

1 Samel 2:28

To ma nja m’ɔree mbuna ginkoji’g lə Israɛlje lai mba karee to njekinjanéməs ləm ləm, mba karee aw loo-nékinjaməs’g ləm ləm, mba karee roo né gə́ ə̰də sululu ləma, mba karee ula kubu épod kaar ne no̰m’g ləm tɔ. Tɔɓəi ma nja m’ar ŋgaka bɔbije lé nékinjanéməsje lai gə́ ka̰ roo gə́ Israɛlje d’un d’ar lé tɔ.