Lugu 1:8 - Maktub gə́ To gə Kəmee

⁸ Ndɔ kára bèe Jakari si ra kula nékinjaməs no̰ Ala’g lé, ra ne né gə́ wɔji dɔ kudu-dəwje’g ləa keneŋ.

Lugu 1:8 ပူးပေါင်းရင်းမြစ်များ

1 Sôrta Gḭka-Israɛlje 24:19

Togə́bè ɓa deḛ kai dee ne mbata kula lə dee gə mba kar dee d’andə ne mee kəi’g lə Njesigənea̰ gə goo rəbee gə Aaro̰ gə́ to bɔ deeje wɔji ne dɔ dee gə goo ndukun gə́ Njesigənea̰ Ala lə Israɛlje un aree lé.

1 Sôrta Gḭka-Israɛlje 24:2

Nadab gə Abihu d’wəi kédé ɓa bɔ deeje wəi ɓəi lal koji ŋganje, ndá Eləajar gə Itamar ɓa ra kula kinja néməs.

2 Sôrta Gḭka Israɛlje 11:14

mbata Ləbije d’uba ŋgaŋ looje lə dee gə dɔ naŋgje lə dee d’ya̰ d’aw Juda ləm, gə Jerusalem ləm tɔ mbata Jeroboam deḛ gə ŋganeeje d’ɔg dee loo ra kula lə dee gə́ wɔji dɔ njékinjanéməsje lə Njesigənea̰ lé.

2 Sôrta Gḭka Israɛlje 31:19

Ŋgaka Aaro̰ gə́ to njékinjanéməsje gə́ d’isi wala mee looje gə́ gugu dɔ ɓee-booje lé d’ɔr diŋgamje gə goo ri dee mbata lə dee gə mba kar dee kai diŋgamje gə́ njékinjanéməsje gə Ləbije gə́ ndaŋg ri dee ta néje’d gə́ wɔji dɔ dee dɔ dee lé.

2 Sôrta Gḭka Israɛlje 31:2

Ejekias unda njékinjanéməsje gə Ləbije gə kudu dee kudu dee gə goo kai gə́ kai dee lé nana kara gə goo kula rəa-rəa ndá njékinjanéməsje gə Ləbije ɓa kula lə dee wɔji dɔ kinja nékinjanéməsje gə́ ka̰ roo gə́ ka̰ kɔm na̰’d ləm, gə mba ra kula gə́ raŋg ləma, gə mba kɔs paje gə pa pidije ləm tɔ loo-si Njesigənea̰’g lé.

2 Sôrta Gḭka Israɛlje 8:14

Yeḛ unda kudu njékinjanéməsje gə́ lée-lée loo-kulaje’g to gə́ bɔbeeje gə́ Dabid wɔji ne lé kédé gə goo kula ra dee ləm, gə Ləbije gə goo kula gə́ d’ɔm ji dee’g gə mba pidi ne Njesigənea̰ ra ne kula lə dee gə ndɔje kára-kára lai no̰ njékinjanéməsje’g ləma, gə njéŋgəm tarəwkəije gə́ kai dee gə kudu dee kudu dee mba kar dee ŋgəm tarəwkəije kára-kára lai ləm tɔ, yee ɓa gə́ ndukun lə Dabid, dəw lə Ala.

Esdras 6:18

Deḛ d’unda njékinjanéməsje gə kudu dee kudu dee ləm, Ləbije kara d’unda dee gə goo kai na̰ kula lə dee ləm tɔ mba ra kula kar Ala mee ɓee gə́ Jerusalem to gə́ deḛ ndaŋg ne taree mee maktub’g lə Moyis lé tɔ.

Teḛ-Raga 28:1

Maji kari ar ŋgokɔḭ Aaro̰ gə ŋganeeje gə́ diŋgam rəm pər gə́ rɔi’g ndá ɔr dee mbuna Israɛlje’g mba kunda dee gə kəmee gə mba karee ra kula gə́ wɔji dɔ nékinjaməs kam. Aaro̰ gə ŋganeeje gə́ diŋgam gə́ Nadab, gə Abihu, gə Eləajar, gə Itamar tɔ.

Teḛ-Raga 28:41

I Moyis a kula kubuje neelé rɔ ŋgokɔḭ Aaro̰’d gə rɔ ŋganeeje gə́ diŋgam’g səa na̰’d. D’a kwa dɔ dee gə ubu ləm, i a kɔr dee kunda dee ɓəd mbata lə Ala ləma, i a kunda dee gə kəmee doi ləm tɔ ndá d’a si gə mba ra kula gə́ wɔji dɔ nékinjaməs lé kam ya.

Teḛ-Raga 29:1

Aa oo, né gə́ i a ra mba kunda dee ne gə kəmee mba kar dee ra ne kula gə́ wɔji dɔ nékinjaməs kam lé ɓa nee: I a kwa bɔ maŋg kára gə bàl badje joo gə́ rɔ dee mina̰ el.

Teḛ-Raga 29:44

Kəi-kubu-kiŋga-na̰ gə́ to gə kəmee ləm, gə loo-nékinjaməs ləm tɔ lé m’a kunda dee gə kəmee doi, m’a kunda Aaro̰ gə ŋganeeje gə́ diŋgam gə kəmee mba kar dee ra kula gə́ wɔji dɔ loo-nékinjaməs kam tɔ.

Teḛ-Raga 29:9

I a tɔ gagəra reŋ Aaro̰’g gə reŋ ŋganeeje gə́ diŋgam’g ləm, a tula jɔgje dɔ ŋgalə Aaro̰’g ləm tɔ. Kula nékinjaməs neelé a to ka̰ dee-deḛ gə goo godndu gə́ to gə no̰. Togə́bè ɓa i a kɔr ne Aaro̰ gə ŋganeeje gə́ diŋgam kunda dee ne gə kəmee ya.

Teḛ-Raga 30:30

I a tər ubu dɔ Aaro̰ gə ŋganeeje gə́ diŋgam’g neelé ləm, i a kɔr dee kunda dee gə kəmee mba kar dee ra kula gə́ wɔji dɔ nékinjaməs lé ləm tɔ.

Bula lə Israɛlje 18:7

I seḭ gə ŋganije na̰’d lé a tɔsje kəm sí bao-bao dɔ kula ra sí gə́ wɔji dɔ nékinjaməs ləm, mbata lə néje lai gə́ wɔji dɔ loo-nékinjaməs ləma, gə mbata lə né gə́ to mee kubu-gaŋg-mee-kəi’g ləm tɔ: yee ɓa to kula ra sí gə́ seḭ a raje. Kula gə́ wɔji dɔ nékinjaməs lé to nojimeenda gə́ ma m’wa sə sí. Dəw-dɔ-ɓee gə́ tibi mbɔree ndá d’a tɔlee gə́ tɔl ya.

Lugu 1:5

Ləb ko̰ɓee lə Herɔdə, yeḛ gə́ to mbai gə́ ɓee gə́ Jude ndá njekinjanéməs ria lə Jakari gə́ si gin njé’g lə Abia’g lé si keneŋ. Dené ləa to ŋgoka Aaro̰ ria lə Elijabed.

Lugu 1:7

Deḛ lé d’oji ŋgon el mbata Elijabed lé aw kad. Deḛ joo bɔr d’aw gə́ ɓuga jɔgmje ŋga ɓó d’askəm koji ŋgon el ŋga.