Lugu 1:79 - Maktub gə́ To gə Kəmee

⁷⁹ Mba ndogó dɔ dəwje gə́ d’isi loo gə́ ndul njudu-njudu’g Gə d’isi loo gə́ ndil yoo dəb dɔ dee’g bigim ləm, Mba kar sí j’oo loo kila gɔl sí rəw meekulɔm’g lé ləm tɔ.

Lugu 1:79 ပူးပေါင်းရင်းမြစ်များ

Maktub gə́ wɔji dɔ Jɔb 10:22

To ɓee gə́ loo gə́ ndul kɔl-kɔl O̰ ɓee dɔ néra gə́ ndəl-ndəl’g ləm, To loo gə́ lookàr to asəna gə loondul gə́ ndul njudu-njudu keneŋ ləm tɔ.

Maktub gə́ wɔji dɔ Jɔb 3:5

Maji kar loo gə́ ndul njudu-njudu təa lai gə́ kea̰-yeḛ ləm, Maji kar mum on dəa ləma, Maji kar néɓəl gə́ on kəm kàr lé aree ɓəl ndəb pəd-pəd ləm tɔ.

Pakɔsje 107:10

Deḛ gə́ d’isi dan loo gə́ ndul’g Gə d’isi ta yoo’g lé Deḛ to ɓərje gə́ d’isi dan nékəmndooje’g gə kúla lar gwɔb dee’g

Pakɔsje 107:14

Yeḛ nja ɓa ɔr dee dan loo gə́ ndul’g gə ta yoo’g ləm, Kula gə́ tɔ dee ne lé Yeḛ gaŋg gwɔb dee’g ya ləm tɔ.

Pakɔsje 23:4

Loo gə́ m’njaa mee wəl-yoo gə́ ndul’g lé ndá M’a ɓəl némajel kára kara keneŋ el Mbata i nja nai səm, Ɗuguru-kag gə kag-ɗugu gə́ to jii’g lé Ar məəm oso ne naŋg po̰.

Pakɔsje 25:12

See dəw gə́ ra ɓa ɓəl Njesigənea̰ wa. Njesigənea̰ a tɔjee rəw gə́ kəm karee njaa keneŋ.

Pakɔsje 44:19

Meḛ sí ɔs səi ŋgwɔḭ el ləm, Gɔl sí kara uba rəw ləi ya̰ gə goo ŋgalee el ləm tɔ

Gosota-Kəmkàrje 3:17

Rəwje ləa lai to rəwje gə́ ar mee dəw lelee ləm, Kila-rəwje ləa lai lé kara To kila-rəw meelɔmje ləm tɔ.

Gosota-Kəmkàrje 8:20

Ma m’njaa rəw néra gə́ gə dɔ najee’g, Dan kila-rəwje’g lə néra gə́ danasur

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 48:22

Njesigənea̰ pana: Njémeeyèrje lé meekulɔm lə dee godo.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 49:9

Mba kula dee gə́ d’wa dee ɓər lé pana: Undaje loo teḛje ləm, Mba kula dee gə́ d’isi dan loondul’g pana: Aarje raga ndəgəsə ləm tɔ. Ndá d’a sɔ né dan kag-rəwje’g ləm, D’a kiŋga nékulrɔ dee dɔdərlooje’g lai ləm tɔ.

Esai 59:8

Rəw meelɔm lé Kəm dee tɔ dɔ’g sum-sum, Néra gə́ gə dɔ najee kara Godo rəw-kaw dee’g tɔ, Deḛ d’un rəwje gə́ nduni koŋ-koŋ, Nana ɓa gə́ taa rəw-kaw dee njaa keneŋ ndá Iŋga meekulɔm nda̰ el.

Esai 9:2

I ar bula lə koso-dəwje ḭ dɔ maree’d gə́ kédé-kédé ləm, I ar dee boo-rɔlelje ləm tɔ, Deḛ ra ne rɔlel nɔḭ’g To gə́ ra ne rɔlel naḭ kinja kó’g bèe ləm, To gə́ d’al ne rɔ dee loo-kai-na̰ nébanrɔ’g bèe ləm tɔ.

Jeremi 2:6

Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Matiyo 4:16

Dəwje neelé gə́ d’isi dan loondul’g lé Deḛ nja d’oo loo gə́ ndogó wər-wər ləm, Deḛ neelé gə́ ndil yoo dəb dɔ dee’g bigim lé Loo un kudu ndogó dɔ dee’g ləm tɔ.

Lugu 2:32

Yee neelé to lookàr gə́ a ndogó jol-jol dɔ ginkoji dəwje gə raŋg’g ləm, A kula rɔnduba dɔ koso-dəwje ləi gə́ Israɛl lé ləm tɔ.

Tagə́maji gə́ Ja̰ ndang 1:9

Lookàr lé ɓa to lookàr gə́ gəd gə́ ar loo inja ne kəm dəw gə́ rara gə́ d’ojee dɔ naŋg nee.

Tagə́maji gə́ Ja̰ ndang 12:46

M’ree dɔ naŋg nee asəna gə lookàr mba kar nana ɓa gə́ ɔm mée dɔm’g ndá a nai dan loondul’g el.

Tagə́maji gə́ Ja̰ ndang 8:12

Jeju un ta gə́ raŋg ula dee pana: Ma m’to lookàr lə njé gə́ naŋg nee. Yeḛ gə́ un rəw goom’g ndá a njaa loondul’g el nɛ yeḛ a nai dan lookàr’g gə́ ka̰ si ne gə kəmə lé.

Tagə́maji gə́ Ja̰ ndang 9:5

Loo gə́ ma m’nai dɔ naŋg nee ɓəi lé ma m’to lookàr lə dəwje gə́ dɔ naŋg nee ya.

Néra Njékaḭkulaje 10:36

Ta neelé yeḛ unda ne kula ar Israɛlje gə mba kar dee gər gao gin Jeju Kristi lé ɓa d’a kiŋga meekulɔm keneŋ mbata yeḛ to Mbaidɔmbaije lə dəwje lai-lai ya.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

Njé gə́ Rɔmə 3:17

Rəw meelɔm lé kəm dee tɔ dɔ’g sum-sum.

Njé gə́ Epesə 5:8

Kédé lé seḭ toje gə́ ka̰ loondul, nɛ ɓasinè seḭ ɔmje na̰’d gə Mbaidɔmbaije toje ne ka̰ lookàr ya. Bèe ndá njaaje asəna gə ŋgan lookàrje.