Lugu 1:77 - Maktub gə́ To gə Kəmee

⁷⁷ Mba kar koso-dəwje ləa gər ne gin kaji gə́ yeḛ a kaji dee Kɔr ne ɓaŋg kaiyaje lə dee ləm tɔ.

Lugu 1:77 ပူးပေါင်းရင်းမြစ်များ

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Lugu 3:3

Ja̰ lé aw gə dɔɓee-dɔɓee gə́ gugu dɔ Jurdɛ̰ lé ila mber ta ra batɛm ar dəwje d’wa ndòo rɔ dee dɔ kaiya’g lə dee mba kɔr ne ɓaŋg kaiya dɔ dee’g.

Lugu 3:6

Dəw-kundaje lə Ala lai gə́ dɔ naŋg nee d’a koo kaji lə Ala lé gə kəm dee nda̰-nda̰ ya.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Tagə́maji gə́ Ja̰ ndang 1:34

Ma lé m’ée bèe ndá m’ɔr ginta neelé m’pana: Yeḛ to Ŋgon-Ala lé nja.

Néra Njékaḭkulaje 10:43

Njéteggintaje lai d’ɔr goo ta ləa pana: Nana ɓa gə́ ɔm mée dəa’g ndá mbɔl dɔ ria-yeḛ nja ɓa ɓaŋg kaiya a kɔr ne dɔ njea’g neelé ɓəi.

Néra Njékaḭkulaje 19:4

Yen ŋga Pool ula dee pana: Batɛm gə́ wɔji dɔ kwa ndòo rɔ dɔ kaiya’g ɓa Ja̰ ra dəwje ula ne koso-dəwje gə mba kar dee d’ɔm meḛ dee dɔ yeḛ gə́ si ree gée’g, yee ɓa gə́ Jeju.

Néra Njékaḭkulaje 2:38

Piɛrə ila dee keneŋ pana: Waje ndòo rɔ sí dɔ kaiya’g lə sí ləm, ar deeje ra sí batɛm gə ri Jeju Kristi ləm tɔ mba kar mée ti mbidi dɔ kaiyaje’g lə sí. Bèe ɓa seḭ a kiŋgaje ne Ndilmeenda gə́ d’wɔji-kwɔji kar sí gə́ kar lé ya.

Néra Njékaḭkulaje 3:19

Bèe ndá waje ndòo rɔ sí dɔ kaiya’g lə sí ɔsje badm telje mba kar kaiya lə sí ɔr ndɔs-ndɔs ləm,

Néra Njékaḭkulaje 5:31

Ala lé unee gə jikɔlee undá tar aree to gə́ Mbai ləm, gə Njekaji dəwje ləm tɔ, gə mba kar Israɛlje d’wa ne ndòo rɔ dee dɔ kaiya’g lə dee kar mée ti ne mbidi dɔ’g.

Njé gə́ Rɔmə 3:25

Jeju Kristi lé nja Ala ɔree undá ne gə́ nékinjaməs gə mba kuga ne dɔ kaiya lə deḛ gə́ d’ɔm meḛ dee dəa’g. Yee ɓa Ala ar meekarabasur ləa kila ne kɔd mbata kédé lé yeḛ un kəmee rəw dɔ kaiya’g lə dəwje gə́ ra loo kila mée’g ləa.

Njé gə́ Epesə 1:7

Mbɔl dɔ məsee-yeḛ nja ɓa jeḛ j’iŋga ne nékoga dɔ sí gə́ ɔr kaiya dɔ sí’g gə goo boo-noji ləa