Lugu 1:7 - Maktub gə́ To gə Kəmee

⁷ Deḛ lé d’oji ŋgon el mbata Elijabed lé aw kad. Deḛ joo bɔr d’aw gə́ ɓuga jɔgmje ŋga ɓó d’askəm koji ŋgon el ŋga.

Lugu 1:7 ပူးပေါင်းရင်းမြစ်များ

Gḭ-Néje 17:17

Abrakam oso naŋg bəbərə dəb kəmee naŋg. Yeḛ kogo ndá pa mée’g pana: See diŋgam gə́ ra ləb tɔl (100) a koji ŋgon loo gə́ ra tɔɓəi wa. Sara kara ləbee aḭ rɔ-jinaikara (90) tɔ, nɛ see yeḛ a koji ŋgon ya tɔɓəi wa.

Gḭ-Néje 18:11

Abrakam gə Sara lé deḛ ɓuga yaa̰ d’ar ləb dee dəs mba̰ ndá Sara askəm kunda mee yel dɔ kiŋga ŋganje’g el ŋga.

Gḭ-Néje 25:21

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

Gḭ-Néje 30:1

Loo gə́ Rasel oo to gə́ yeḛ as koji ŋgon gə Jakob el ndá yeḛ ra kəmkəḭ dɔ ŋgokea̰ gə́ dené’g ndá yeḛ ula Jakob pana: Am ŋganje nà m’a kwəi!

1 Mbaije 1:1

Mbai Dabid lé ləbee bula yaa̰ aree ɓuga jɔ-jɔ, lé d’ɔm kubuje dəa’g ya kara rəa nuŋga so el.

2 Mbaije 4:14

Elije dəji Gehaji pana: Ŋga see ɗi ɓa j’a ra karee wa. Gehaji ilá keneŋ pana: Né kára ba lé ŋgonee godo tɔɓəi ŋgabeeje kara ɓuga tɔ.

Lugu 1:5

Ləb ko̰ɓee lə Herɔdə, yeḛ gə́ to mbai gə́ ɓee gə́ Jude ndá njekinjanéməs ria lə Jakari gə́ si gin njé’g lə Abia’g lé si keneŋ. Dené ləa to ŋgoka Aaro̰ ria lə Elijabed.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Lugu 1:8

Ndɔ kára bèe Jakari si ra kula nékinjaməs no̰ Ala’g lé, ra ne né gə́ wɔji dɔ kudu-dəwje’g ləa keneŋ.

Njé gə́ Rɔmə 4:19

Goo meekun ləa yɔr el ləm, nai lam ba kar ləb kojee aḭ tɔl ar Sara kara ɓuga yaa̰ gə́ kəm koji ŋgon el ŋga ləm tɔ nɛ yeḛ wa rəa gə́ ɓuga el.

Ǝbrəje 11:11

Meekun lé ɓa Sara gə́ to gə́ ɓuga dené kara iŋga siŋga oji ne ŋgon aree oji ne ŋgakeaje mbata yeḛ ɔm mée dɔ njemeenda londoŋ gə́ un ndia aree.

1 Samel 1:2

Denéje ləa deḛ joo, dené ləa gə́ kára lé ria lə An, yeḛ gə́ njekɔm’g joo lé ria lə Penina tɔ. Penina ɓa oji ŋganje nɛ An ndá ŋganeeje godo.