Lugu 1:48 - Maktub gə́ To gə Kəmee

⁴⁸ Mbata ma gə́ m’to kura ləa gə́ dené ba lé yeḛ nja ila kəm toro’g. Aa ooje, un kudee ɓasinè lé ŋgaka dəwje-dəwje lai-lai lé d’a ɓarm njḛgɔ-ronduba,

Lugu 1:48 ပူးပေါင်းရင်းမြစ်များ

Gḭ-Néje 30:13

Ndá Lea pana: Rɔm lelm boi! Mbata ŋganje gə́ dené d’a ɓarm njerɔlel! Ndá yeḛ unda ri ŋgon neelé lə Aser.

2 Samel 7:8

Ɓasinè i a kula kura ləm Dabid pana: Njesigənea̰ gə́ njeboo-néje pa togə́bè pana: To ma ɓa m’ɔri goo badje’g loo-ko̰-mu’g lə dee mba kari to mbai dɔ koso-dəwje ləm gə́ Israɛl ya.

Pakɔsje 102:17

Tɔgərɔ ya, Njesigənea̰ lé a tel kunda Sio̰ lé tar gogo ya, Yeḛ a riba dɔ rɔnduba ləa gə́ raga.

Pakɔsje 136:23

Yeḛ ar mée olé teḛ dɔ sí’g loo gə́ d’ula sul dɔ sí’g Mbata meekɔrjol ləa lé to saar-saar gə no̰.

Pakɔsje 138:6

Njesigənea̰ lé si tar sab, Nɛ yeḛ ila kəmee oo ne deḛ gə́ d’ula dɔ dee ləm, Deḛ gə́ to gə́ njébeeleje lé loo gə́ deḛ nai əw ya ɓəi ndá Yeḛ gər dee gao ya ləm tɔ.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Malasi 3:12

Ginkoji dəwje gə raŋg lai lé d’a pa pana: Rɔlel nai sə sí ya. Mbata dɔ naŋg lə sí a to ɓee rɔlel. Njesigənea̰ gə́ njeboo-néje lé ɓa pa bèe.

Lugu 1:28

Kura gə́ dara neelé andə aw loo gə́ Mari sí keneŋ ndá ulá pana: Lapia ɓòo, i gə́ si dan noji’g bèdèg: Mbaidɔmbaije lé jia nai rɔi’g ɓəi.

Lugu 1:42

Yeḛ pata gə ndəa gə́ boi ɓəgəgə pana: Maji kar dɔ rii ai səgərə mbuna dené marije’g lé, kèm gə́ to məəi’g lé kara dɔ ria a kai səgərə tɔ.

Lugu 1:45

Rɔlel nai gə yeḛ gə́ unda mée dɔ né’g neelé mbata ta gə́ Mbaidɔmbaije ar dee d’ulá lé a ra née karee aw lée’g béréré ya.

Lugu 1:49

Mbata Bao-siŋgamoŋ lé boo-meemaji ɓa yeḛ ra səm. Ria-yeḛ nja to gə kəmee ɓəd.

Lugu 11:27

Loo gə́ Jeju si pata néje neelé təa’g bèe-bèe ndá dené kára bèe aar mbuna boo-dəwje’g neelé pata wəl pana: Yeḛ gə́ odi gə gel kumee ləm, gə ari mbà il ləm tɔ lé rɔlel nai səa ya!

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.