Lugu 1:46 - Maktub gə́ To gə Kəmee

⁴⁶ Mari pana: M’ɔs gaji Mbaidɔmbaije gə ŋgaw məəm bura.

Lugu 1:46 ပူးပေါင်းရင်းမြစ်များ

Pakɔsje 35:9

Nɛ ma lé m’a ndá məəm kaḭ dɔ Njesigənea̰’g ləm, Kaji gə́ yeḛ ajim lé m’a kal ne rɔm ya ləm tɔ.

Esai 45:25

Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

1 Njé gə́ Kɔrḭtə 1:31

ɓó gə mba kar ta gə́ ndaŋg mee maktub’g lé to ne lée’g béréré pana: Nana ɓa gə́ ti rəa ndá maji karee ti rəa gə ri Mbaidɔmbaije ɓa.

2 Njé gə́ Kɔrḭtə 2:14

Maji ra Ala oiyo mbata mbɔl dɔ Kristi lé ɓa yeḛ ar sí n’dum ne loo ta-ta ləm, yeḛ ar sí j’unda ne baḭ gər ndiaa gə loo-loo ləm tɔ.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.