Lugu 1:20 - Maktub gə́ To gə Kəmee

²⁰ Aa oo, ɓasinè lé gwɔsi a kudu mbərəg ɓó i a kaskəm pata el saar néje neelé d’a ra kàree a kwəi ndəg ɓa mbata i ɔm məəi dɔ ta gə́ m’ulai’g gə́ d’a gə kaw lée’g béréré lé el.

Lugu 1:20 ပူးပေါင်းရင်းမြစ်များ

2 Mbaije 7:19

Tɔɓəi ɓé-njérɔje lé ila dəw lə Ala keneŋ pana: Ɓó lé Mbaidɔmbaije ra kəmbolèje dan dara’g ya kara see né gə́ bèe lé a teḛ ya wa. Ndá Elije ulá pana: Yeḛ a koo né neelé gə kəmee ya nɛ sɔ ɓa yeḛ a sɔ el.

2 Mbaije 7:2

Ɓé-njérɔje gə́ mbai gəd rəa dɔ jia’g lé ila dəw lə Ala keneŋ pana: Lée Njesigənea̰ ra kəmbolèje dan dara’g ya kara see né gə́ bèe lé a teḛ ya wa. Ndá Elije pana: I a koo né neelé gə kəmi ya nɛ sɔ ɓa i a sɔ el tɔ.

Teḛ-Raga 4:11

Njesigənea̰ dəjee pana: See na̰ ɓa unda ta dəw wa. See na̰ ɓa ar rəw gwɔs dəw əsé mbi dəw udu ləm, ar kəmee oo loo əsé ar kəmee tɔ ləm tɔ wa. See to ma Njesigənea̰ lé el wa.

Esai 7:9

Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Ejekel 24:27

Mee ndəa’g neelé tam a teḛ kam m’pata gə dəw neelé ndá m’a pata ɓó m’a si mundu el ŋga. M’a to nétɔji mbata lə dee ndá deḛ d’a gər to gə́ neḛ n’to Njesigənea̰ ya.

Ejekel 3:26

N’a kar ndo̰m tia̰ mee kilm’g gə mba kam m’tel m’to njegwɔbkudu mba karm m’askəm ndaŋg dee el mbata deḛ to gel-bɔje gə́ njékɔsta-rəwje.

Loo gə́ killa rea kəm Daniel’g 10:15

Loo gə́ yeḛ sí ulam taje neelé bèe-bèe ndá ma m’tuga kəm naŋg m’isi mundu.

Bula lə Israɛlje 20:12

Yen ŋga Njesigənea̰ ula Moyis gə Aaro̰ pana: Mbata kɔm gə́ seḭ ɔmje meḛ sí dɔm’g gə mba kundam gə kəmee kəm Israɛlje’g el lé gelee gə́ nee ɓa, seḭ a karje koso-dəwje neelé d’andə ne mee ɓee gə́ ma m’ar dee lé el gə mbəa.

Mark 16:14

Waga tɔɓəi ndá Jeju teḛ kəm deḛ gə́ dɔg-gir-dee-kára gə́ d’isi ta ka-nésɔ’g lé, yeḛ ndaŋg dee dɔ meendər’g lə dee ləm, gə dɔ kɔstarəw’g lə dee ləm tɔ, mbata d’ɔm meḛ dee dɔ ta’g lə deḛ gə́ d’ée loo gə́ yeḛ unda loo teḛ dan njé gə́ d’wəi’g lé el.

Mark 9:19

Yen ŋga Jeju tel ila dee keneŋ pana: Seḭ ginkoji dəwje gə́ njéndɔjitaje, see m’a nai sə sí ndɔm ka̰da tɔɓəi wa. See ndɔ gə́ ra ɓa m’a kəw rɔm kila məəm dɔ sí’g ɓəi wa. Waje ŋgon lé gə́ rɔm’g nee.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 1:21

Koso-dəwje neelé d’isi ŋgina Jakari, kaar dee wa dee paḭ mbata kaw gə́ yeḛ aw mee kəi-Ala’g lé yeḛ uru keneŋ mbidi teḛ dəb el.

Lugu 1:22

Loo gə́ Jakari lé unda loo teḛ rɔ dee’g raga ndá yeḛ oo loo pata el ndá deḛ gər gao né gə́ mḭdi teḛ dəa’g mee kəi-Ala’g, yeḛ jeŋ jia gə́ jeŋ ɓa si gə́ njegwɔskudu ŋga.

Lugu 1:45

Rɔlel nai gə yeḛ gə́ unda mée dɔ né’g neelé mbata ta gə́ Mbaidɔmbaije ar dee d’ulá lé a ra née karee aw lée’g béréré ya.

Lugu 1:64

Léegəneeya gwɔs Jakari inja bərəŋ ar ndəa̰ tudu wərərə aree pata yororo pidi ne Ala ya.

Njé gə́ Rɔmə 3:3

Ɓó lé njé gə́ na̰je mbuna dee’g d’ɔm meḛ dee dɔ’g el ndá see meembɔrè lə dee a tuji meenda londoŋ lə Ala wa.

2 Timote 2:13

Ɓó lé jeḛ n’tel n’to gə́ majikojije el Ndá yeḛ lé to njemeenda londoŋ njaŋg gə no̰ Ɓó yeḛ askəm tel rəa raŋg el.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.