Lugu 1:17 - Maktub gə́ To gə Kəmee

¹⁷ Yeḛ a kaw no̰ Ala’g gə goo ndil gə siŋgamoŋ gə́ ka̰ Eli mba gɔl ne meḛ bɔ ŋganje kar dee d’wa ne ŋgan deeje gə́ rɔ dee’g ləm, mba gɔl ne meḛ njékaltaje kar dee taa ne kəmkàr lə njémeekarabasurje lé ləm tɔ. Togə́bè ɓa, yeḛ a gɔl dəwje gə mba kar dee to majikojije kar Mbaidɔmbaije ya.

Lugu 1:17 ပူးပေါင်းရင်းမြစ်များ

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

1 Mbaije 18:18

Eli tel ilá keneŋ pana: To ma ɓa m’ula kəm Israɛlje ndòo el, nɛ to i seḭ gə njémeekəije lə bɔbije ya, mbata seḭ ubaje godnduje lə Njesigənea̰ ya̰je, tɔɓəi i aw goo magə-Baalje’g tɔ.

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

2 Mbaije 1:16

Yeḛ ulá pana: Njesigənea̰ pa togə́bè pana: Mbata kula gə́ i ula njékulaje ar dee d’aw dəji Baal-Jebub, magə lə Ekro̰je ta to gə́ lə Ala gə́ kəm dəjee ta godo ɓee lə Israɛlje bèe neelé, dɔ tira gə́ i to keneŋ lé i a kḭ keneŋ kur naŋg el ŋga, i a kwəi kən ya.

1 Sôrta Gḭka-Israɛlje 29:18

Ǝi Njesigənea̰, Ala lə Abrakam, gə Isaak, gə Israɛl gə́ to bɔ síje-je lé maji kari ar meḛ koso-dəwje ləi tɔ kujita ləm, ar takə̰jije lə deḛ gə́ togə́bè to njaŋg gə́ kédé-kédé dɔi’g ləm tɔ.

2 Sôrta Gḭka Israɛlje 29:36

Ejekias gə koso-dəwje lai d’al rɔ dee gə mba né gə́ Ala ra gɔl ne meḛ koso-dəwje mbata né neelé deḛ ra tɔl kalaŋ ya.

Pakɔsje 10:17

Ǝi Njesigənea̰, i oo ndu ndiŋga rɔ lə deḛ gə́ né ula kəm dee ndòo lé. I orè meḛ dee més ləm, I tuga mbii oo ne ta lə dee ləm tɔ

Pakɔsje 111:10

Ɓəl Njesigənea̰ ɓa to gin kəmkàr gə́ dɔtar, Deḛ lai gə́ d’aa dəa kər-kər lé takə̰ji lə dee inja paw. Rɔnduba ləa to saar-saar gə no̰ tɔ.

Pakɔsje 78:8

Ɓó gə mba kar dee ra ne né to gə́ bɔ deeje-je bèe el, Mbata deḛ lé to gə́ mbim-oo-ta-elje gə njékɔsta-rəwje ləm, D’wa meḛ dee kɔgərɔ el ləma, Deḛ to majikojije lə Ala el ləm tɔ.

Esai 29:24

Deḛ gə́ takə̰ji lə dee gə́ àr godo lé D’a tel to njégosonégərje ləm, Deḛ gə́ njejémta gə ŋgan gwɔs deeje lé kara D’a kya̰ rɔ dee kar dee ndoo dee né ləm tɔ.

Amɔs 4:12

Gelee gə́ nee ɓa, seḭ Israɛlje lé, N’a gə ra sə sí né gə́ bèe ya, Bèe ndá ɓó lé n’a gə ra sə sí né gə́ bèe Ndá əi Israɛlje, maji kar sí waje dɔ gɔl rɔ sí, Gə mba teḛje kaarje no̰ Ala’g lə sí ya.

Matiyo 11:14

Ɓó lé seḭ ndigi taaje ta neelé ndá yeḛ nja to gə́ Eli gə́ a gə ree lé.

Matiyo 14:4

Mbata Ja̰ ula Herɔdə pana: To dené gə́ kəm karee-yeḛ təa el.

Matiyo 3:3

Ja̰ lé to yeḛ gə́ Esai, njetegginta ɔr ta ləa loo gə́ yeḛ pa ne pana: To ndu yeḛ gə́ njekilamber gə dɔdilaloo lé pana: Gɔlje rəw lə Mbaidɔmbaije lé Gɔlje kila rəwje ləa ar deeje d’aar dana njoroŋ.

Matiyo 3:4

Ja̰ ula kubu gə́ d’ṵji gə bḭ jambal rəa’g, wa mée gə ndar. Gabəraje ɓa gə́ nésəa ləm, ubu tə̰jije gə́ walá ɓa gə́ néko̰ ləa ləm tɔ.

Lugu 1:16

Yeḛ a kar Israɛlje bula d’ɔs badm tel gə́ rɔ Mbaidɔmbaije’g Ala lə dee ya.

Lugu 1:76

Nɛ i ŋgonkas lé d’a ɓari njetegginta lə Njekurdɔloo’g Mbata i a njaa no̰ Mbaidɔmbaije’g mba gɔl ne rəw kabee ləm,

Tagə́maji gə́ Ja̰ ndang 1:13

Gin koji lə debeeje neelé ḭ məs dəw əsé malee gə́ rəa el nɛ gin koji dee lé to ka̰ Ala nja.

Tagə́maji gə́ Ja̰ ndang 1:34

Ma lé m’ée bèe ndá m’ɔr ginta neelé m’pana: Yeḛ to Ŋgon-Ala lé nja.

Tagə́maji gə́ Ja̰ ndang 3:28

Seḭ nja seḭ ooje goo ta ləm loo gə́ m’pana: Ma m’to Kristi el nɛ d’ulam nea̰’g gə kula lé.

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

Njé gə́ Kolosə 1:12

Bɔ síje gə́ gɔl sí mba kar sí iŋgaje nédɔji lə sí na̰’d gə deḛ gə́ to gə kəmee gə́ d’isi dan lookàr’g lé maji kar sí reaje oiyo.

2 Timote 2:21

Bèe ndá ɓó lé dəw kára aa dɔ rəa kər-kər ləm, sa rəa rəw dɔ né gə́ mina̰’g ləm tɔ ndá yeḛ a to asəna gə jo ra mbai-kula gə́ d’unda gə kəmee doi ləm, yeḛ a to gel néra kula lə ɓéeje gə́ yeḛ a kaskəm ra ne kula gə́ maji gə́ rara kara gə lée-lée ləm tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Ja̰ 2:28

Ɓasinè lé ŋganəmje, maji kar sí naije səa ya mba kar loo gə́ yeḛ a teḛ təsərə ndá j’a kaarje nea̰’g gə meendakaḭ ɓó rɔ sí a kul el ləm, mba kar loo gə́ yeḛ a ree lé yeḛ a kuba sí kya̰ sí gə goo ŋgalee el ləm tɔ.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.

1 Samel 7:5

Samel pana: Mbo̰je Israɛlje lai dɔ na̰’d loo gə́ Mispa ndá m’a ra tamaji ta Njesigənea̰’g mbata lə sí.