Lugu 1:14 - Maktub gə́ To gə Kəmee

¹⁴ Yeḛ a to gə́ nérɔlel ləi ləm, gə nékalrɔ ləi ləm tɔ. Tɔɓəi dəwje bula d’a kal rɔ dee gə mba koji gə́ seḭ a kojije ŋgon lé tɔ.

Lugu 1:14 ပူးပေါင်းရင်းမြစ်များ

Gḭ-Néje 21:6

Ndá Sara pana: Ala am m’isi gə ŋgaŋ kogo. Nana ɓa gə́ a koo soree kara a kogo səm na̰’d tɔ.

Gosota-Kəmkàrje 15:20

Ŋgon gə́ kəmee àr lé To nérɔlel lə bɔbeeje, Nɛ mbə-dəw oo kea̰je gə́ né el.

Gosota-Kəmkàrje 23:15

Ŋgonəm, ɓó lé kəmkàr to məəi’g ndá Meem-ma kara rɔlel a taa pəl-pəl tɔ.

Gosota-Kəmkàrje 23:24

Bɔ njemeekarabasur lé si dan boo-rɔkal’g ləm, Yeḛ gə́ oji ŋgon gə́ njekəmkàr lé a kiŋga rɔlel ya ləm tɔ.

Jeremi 20:15

Maji kar ndɔl wa dɔ dəw Gə́ njekula bɔm pana: To ŋgoni gə́ diŋgam Ar rɔlelee taa mée pəl-pəl lé.

Lugu 1:13

Nɛ kura gə́ dara lé ulá pana: Jakari, ɓəl el ɓó, mbata tamaji ləi gə́ i ra lé oso mbi Ala’g pad ya. Elijabed, dené ləi lé a koji səi ŋgon gə́ diŋgam ndá i a kunda ria lə Ja̰.

Lugu 1:15

Mbata yeḛ a to dəw gə́ boo kəm Mbaidɔmbaije’g lé. Yeḛ a kai mán-nduú gə́ mḭ el ləm, nékai gə́ mḭ kára kara a kɔs təa’g el ləm tɔ. Ndilmeenda ɓa a rusu mée njḭ-njḭ loo gə́ yeḛ a nai ne mee kea̰je’g ya ɓəi tɔ.

Lugu 1:58

Njéboatakəije ləa ləm, gə njénojije ləa ləm tɔ lé d’oo to gə́ Mbaidɔmbaije ra səa boo-meemaji ndá deḛ ra rɔlel səa na̰’d tɔ.