Lugu 1:13 - Maktub gə́ To gə Kəmee

¹³ Nɛ kura gə́ dara lé ulá pana: Jakari, ɓəl el ɓó, mbata tamaji ləi gə́ i ra lé oso mbi Ala’g pad ya. Elijabed, dené ləi lé a koji səi ŋgon gə́ diŋgam ndá i a kunda ria lə Ja̰.

Lugu 1:13 ပူးပေါင်းရင်းမြစ်များ

Gḭ-Néje 17:10

Ta manrɔ ləm gə́ seḭ a kaaje dəa kər-kər gə́ a to mbuna sí jeḛ səi’g ləm, gə mbuna ŋgakaije gə́ d’a gə korè gooi ləm tɔ lé ɓa to nee: Diŋgam gə́ rara kara mbuna sí’g lé d’a kinja tamɔdee.

Gḭ-Néje 17:19

Ala pana: Tɔgərɔ ya, Sara gə́ dené ləi lé a koji səi ŋgon ndá i a kunda ria lə Isaak. Maa̰ gə́ m’a man rɔm karee lé a to manrɔ gə́ a to saar-saar gə no̰ gə mbata lə ŋgakeaje gə́ gée’g.

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

Gḭ-Néje 25:21

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

Pakɔsje 113:9

Yeḛ gə́ to gə́ kawkad lé Yeḛ nja aree kəi-siée ləm, Yeḛ aree to ko̰ ŋganje gə́ njerɔlel Mbuna ŋganeeje’g ləm tɔ. Pidije Njesigənea̰ ya.

Pakɔsje 118:21

M’ɔs gajii mbata i am né gə́ m’dəjii ləm, Mbata i ajim ləm tɔ.

Esai 8:3

Ma m’aw rɔ njetegginta gə́ dené ndá yeḛ taa kèm tɔɓəi yeḛ oji ŋgon gə́ diŋgam. Njesigənea̰ ulam pana: Maji kam m’unda ria lə Maher-salal-Has-Baj.

Loo gə́ killa rea kəm Daniel’g 10:12

Yeḛ ulam pana: I Daniel lé, maji kari ɓəl el. Mbata un kudee mee ndɔ gə́ dɔtar gə́ i wa məəi kɔgərɔ mba koo gin ta ləm, gə mba koso kul no̰ Ala’g lé ləi ləm tɔ ndá Ala oo ne taje ləi ya. Yee ɓa ma m’ree ne gə mbata taje ləi ya.

Ojee 1:4

Ndá Njesigənea̰ ulá pana: Maji kari unda ri ŋgon neelé lə Jisreel, Mbata waga ndá məs gə́ Jehu ila mee ɓee gə́ Jisreel lé M’a kar bea̰ ɔs ta gel-bɔje’g lə Jehu. Tɔɓəi m’a kar rudu ɓeeko̰ lə Israɛl un ɗiao tɔ.

Ojee 1:6

Gomer tel taa kèm tɔɓəi ndá oji ŋgon gə́ dené ndá Njesigənea̰ ula Ojee pana: Maji kari unda ria lə Lo-Ruhama (kɔr gelee pana: Yeḛ gə́ d’oo kəmtondoo ləa el) Mbata m’a koo kəmtondoo lə koso-dəwje gə́ Israɛl el ŋga ləm, M’a kar məəm ti mbidi dɔ dee’g el ŋga ləm tɔ.

Matiyo 1:21

Yeḛ nja a kaji dəwje ləa kɔr dee ne dan kaiyaje’g lə dee.

Matiyo 14:27

Léegəneeya Jeju ula dee pana: Ǝwje rɔ sí ɓəlje, to ma nja. Ɓəlje el ŋga.

Matiyo 28:5

Kura lə Ala lé gə́ dara un ta ula denéje neelé pana: Seḭ ɓa yḛ̀, ɓəlje nda̰ el mbata ma m’gər gao Jeju gə́ deḛ ɗaree kaar kag’d lé ɓa seḭ ndoleeje ya.

Mark 16:6

Yeḛ ula dee pana: Ɓəlje el ɓòo, seḭ saŋgje Jeju gə́ Najaret gə́ deḛ ɗaree lé, nɛ yeḛ unda loo teḛ mba̰ ɓó yeḛ to loo gə́ nee’g el ŋga: aaje loo ooje loo gə́ d’ilá keneŋ lé tɔ.

Lugu 1:14

Yeḛ a to gə́ nérɔlel ləi ləm, gə nékalrɔ ləi ləm tɔ. Tɔɓəi dəwje bula d’a kal rɔ dee gə mba koji gə́ seḭ a kojije ŋgon lé tɔ.

Lugu 1:30

Yen ɓa kura gə́ dara lé ulá pana: Mari, ɓəl el mbata Ala ila kəmi toro’g.

Lugu 2:21

Loo gə́ ndɔ aḭ jinaijoo ndá deḛ d’inja tamɔd ŋgon neelé keneŋ ɓa d’unda ria ɓəi, ria gə́ d’unda gə́ Jeju lé to ri gə́ kura gə́ dara unda dəa’g kédé ɓa kea̰je əskèmee ɓəi tɔ.

Néra Njékaḭkulaje 10:31

Kɔrnəi, tamaji gə́ ma m’ra lé taa né am ya ar mee Ala to dɔ nojikwam’g bururu.

Njéga̰g-Rəwtaje 6:23

Bèe ɓa Njesigənea̰ ulá pana: Ar məəi to lɔm ɓó ɓəl el, i a kwəi el.

1 Samel 2:21

Njesigənea̰ ar mée olé dɔ An’g ndá yeḛ əskèm, tɔɓəi oji ŋganje gə́ diŋgam munda gə njé gə́ dené joo goo dee’g ləm tɔ. Nɛ Samel, ŋgon lé ra tɔg no̰ Njesigənea̰’g pir-pir tɔ.