Lugu 1:11 - Maktub gə́ To gə Kəmee

¹¹ Yen ŋga kura lə Mbaidɔmbaije gə́ dara teḛ dɔ Jakari’g wai ndá aar tar gə ŋgalee gə́ kel dɔ kum loo tuu né gə́ ə̰də sululu’g lé par gə́ dɔkɔl.

Lugu 1:11 ပူးပေါင်းရင်းမြစ်များ

Ləbije 16:13

Yeḛ a kɔm né gə́ ə̰də sululu neelé dɔ pər’g no̰ Njesigənea̰’g mba kar sia tuu ɔn dɔ kidata sa̰duk kɔrgoota gə́ wɔji dɔ meekoso lemsé lé ndá a kwəi ne el.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 1:28

Kura gə́ dara neelé andə aw loo gə́ Mari sí keneŋ ndá ulá pana: Lapia ɓòo, i gə́ si dan noji’g bèdèg: Mbaidɔmbaije lé jia nai rɔi’g ɓəi.

Lugu 2:10

Nɛ kura gə́ dara lé ula dee pana: Ɓəlje el ɓòo! Mbata ta gə́ maji ɓa ma m’ula sí ya, taree lé a to gin kalrɔ gə́ boo mbata lə dəwje mbad-mbad ya.

Lugu 2:9

Aa ooje kura lə Mbaidɔmbaije ḭ dara teḛ dɔ dee’g təsərə ar rɔnduba lə Mbaidɔmbaije ndogó gugu dɔ dee sub. Ɓəl unda dee badə gaŋg dee ar dee d’unda bala tigi-tigi tɔ.

Néra Njékaḭkulaje 5:19

Nɛ kura lə Mbaidɔmbaije gə́ dara ɔr tarəwkəi loondul’g, ar dee d’unda loo teḛ raga ndá ula dee pana:

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Loo gə́ killa rea kəm Ja̰’g 9:13

Kura gə́ dara gə́ njekɔm dee’g misa̰ im to̰to̰ ɓa m’oo ndu dəw ɓar gə́ par gə́ gaji gə́ to loo sɔ kum loo-nékinjaməs larlɔr gə́ to no̰ Ala’g.

Njéga̰g-Rəwtaje 13:3

Kura lə Njesigənea̰ teḛ dɔ dené’g neelé ulá pana: Aa oo, i to kawkad, oji ŋgon el nɛ ɓasinè i a taa kèm ndá i a koji ŋgon gə́ diŋgam.

Njéga̰g-Rəwtaje 13:9

Ala oo tamaji lə Manoa ya ndá kura lə Ala gə́ dara lé tel ree rɔ dené’g lé ya ɓəi tɔ. Yeḛ lé si mee ndɔ’g nɛ Manoa gə́ to ŋgabeeje lé ɓa si səa el.