Nɔ̰-ndôo gə́ wɔji dɔ Jerusalem 5:20 - Maktub gə́ To gə Kəmee

²⁰ See gelee ban ɓa i a kar məəi wəi dɔ sí’g ləm, A kuba sí kya̰ sí gə no̰ ləm tɔ wa.

Nɔ̰-ndôo gə́ wɔji dɔ Jerusalem 5:20 ပူးပေါင်းရင်းမြစ်များ

Pakɔsje 13:1

Pa lə Dabid gə́ ar bao-pa mba karee ɔs sə dee lé.

Pakɔsje 13:2

Njesigənea̰, see saar ndɔ gə́ ra ɓa i a kar məəi wəi dɔm’g wa. See i a ko̰ kəmi səm saar ndɔ ka̰da wa.

Pakɔsje 42:10

Ma m’ula Ala gə́ to biri mbal ləm m’pana: See ban ɓa yeḛ ar mée wəi dɔm’g wa. See ban ɓa ma m’aw dan meeko̰’g Gin kula kəm loondoo’g lə njeba̰ lé wa.

Pakɔsje 44:24

Mbaidɔmbaije, maji kari ḭta. See ban ɓa i toɓi wa. Maji kari teḛ kəmi ɓó ɔs sí rəw saar gə no̰ el.

Pakɔsje 74:1

Pakɔs lə Asap. Ǝi Ala, see gelee ban ɓa i uba dee ya̰ dee gə no̰ ɓəi wa. See gelee ban ɓa oŋg ləi ḭ səi gə́ kédé-kédé Ari ḭ ne gə koso-nékulje ləi Gə́ d’aar loo-ko̰-mu’g ləi lé tɔɓəi wa.

Pakɔsje 79:5

Njesigənea̰, see ndɔ gə́ ra ɓa a kunda ŋgaŋ meekḭ jugugu ləi ɓəi wa. See ndɔ gə́ ra ɓa oŋg ləi gə́ taa pər bilim-bilim lé a kwəi bèm wa.

Pakɔsje 85:5

I Ala gə́ to njekaji lə sí lé Maji kari tel gɔl sí unda sí gə́ majee gogo, Oŋg ləi gə́ ari ḭ ne sə sí lé Maji kari ya̰ gée ya.

Pakɔsje 89:46

Ndɔ basa ləa lé I aree aw ne gə kuree waga ba, I ar rɔkul dəb dəa’g tɔ.

Esai 49:14

Sio̰ pana: Njesigənea̰ ubam ya̰’m ləm, Mee Mbaidɔmbaije wəi dɔm’g ləm tɔ!

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 14:9

See gelee ban ɓa i to Asəna gə dəw gə́ aar jim əsé Asəna gə bao-rɔ gə́ askəm kaji sí el bèe wa. Lé bèe kara əi Njesigənea̰, I lé si dan sí’g ləm, Rii kara ɓar dɔ sí’g ləm tɔ. Maji kari uba sí ya̰ sí el!