Nɔ̰-ndôo gə́ wɔji dɔ Jerusalem 5:19 - Maktub gə́ To gə Kəmee

¹⁹ I Njesigənea̰ lé to mbai ya saar-saar gə no̰ ləm, Kalimbai ləi kara to gə ləbee-ləbee gə no̰ ləm tɔ.

Nɔ̰-ndôo gə́ wɔji dɔ Jerusalem 5:19 ပူးပေါင်းရင်းမြစ်များ

Pakɔsje 10:16

Njesigənea̰ to mbai gə́ gə ləbee-ləbee saar-saar gə no̰, Ginkoji dəwje gə raŋg gə́ to njémeeyèrje lé D’udu bo̰ mee ɓeeko̰’g ləa lé.

Pakɔsje 102:12

Ndɔje ləm lé to asəna gə ndil kag gə́ godo loo gə́ kàr sí andə bèe, M’tudu ne kurum-kurum to gə́ mu bèe ya tɔ.

Pakɔsje 145:13

Ko̰ɓee ləi lé to ko̰ɓee gə́ to gə ləbee-ləbee ləm, Dum dɔ loo ləi lé kara to njaŋg gə ləbee-ləbee ya ləm tɔ.

Pakɔsje 146:10

Njesigənea̰ lé o̰ ɓee saar-saar gə no̰. Ǝi Sio̰, Ala ləi lé si gə ləbee-ləbee saar gə no̰. Maji kar sí pidije Njesigənea̰ ya.

Pakɔsje 29:10

Njesigənea̰ lé si dɔ kalimbai’g ləa Mee ndəa gə́ mán bélm taa ne loo lé ləm Njesigənea̰ si gə́ mbai dɔ kalimbai’g ləa O̰ ne ɓee saar-saar gə no̰ ya ləm tɔ.

Pakɔsje 45:6

Ndo̰ ɓandaŋgje ləi adə njal-njal, Koso-dəwje d’a toso naŋg gɔli’g ləm, Ndo̰ ɓandaŋgje ləi lé d’a tɔs ɓəŋgərə njéba̰je lə mbai ləm tɔ.

Pakɔsje 9:7

Njéba̰je godo! Deḛ tuji gə no̰! Ɓee-booje lé i nja tɔ dee pɔs-pɔs! Mee dəw a kolé dɔ dee’g el ŋga.

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Pakɔsje 93:2

Kalimbai ləi to njaŋg kédé gə́ ləw-ləw ya saar ɓasinè ləm, I nja kara si gən kédé gə́ ləw saar gə nɔḭ ya ləm tɔ.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Loo gə́ killa rea kəm Daniel’g 7:27

Ko̰ɓee ləm, gə dum dɔ loo ləma, gə boo-ronduba lə ɓeeko̰je gə́ dɔ naŋg neelé ləm tɔ lé d’a kar koso-dəwje gə́ to njémeendaje lə Njekurdɔloo lé tɔ. Ko̰ɓee ləa to ko̰ɓee gə́ to gə no̰ ləm, njédumdɔlooje lai d’a ra né karee ləma, d’a kila ne ŋgonkoji dəa’g ləm tɔ.

Habakuk 1:12

Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Tagə́maji gə́ Ja̰ ndang 1:38

Jeju kel gée oo dee d’orè gée ndá yeḛ dəji dee pana: Seḭ lé see saŋgje na̰ ɓəi wa. Deḛ d’ilá keneŋ pana: Rabi, (tel ta koji sí pana: Mbai), see loo-sii ɓa ra wa.

Tel tura Godndu 33:27

Ala gə́ njesi gə ləbee-ləbee gə nea̰ lé To gə́ njo̰loo-kula-dɔ lə sí, Gel kag jia gə́ to gə no̰ lé To njo̰loo lə sí tɔ. Yeḛ tuba njéba̰je lé no̰ sí’g Pa ne pana: Maji kar dee tuji pugudu ya.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

Ǝbrəje 13:8

Jeju Kristi lé loo rəa gə́ tagə́nè ya ləm, to bèe ɓogənè ləma, to bèe ya saar-saar gə no̰ ləm tɔ.

Loo gə́ killa rea kəm Ja̰’g 1:4

Ma Ja̰ m’ula gə maktub m’ar Eglisəje gə́ siri gə́ to Asi. Maji kar meemaji gə meelɔm nai sə sí ya, ka̰ yeḛ gə́ si gən, gə si dɔtar lé, si ree ləm, ka̰ ndilje gə́ siri gə́ d’aar no̰ kalimbai’g ləa ləma,

Loo gə́ killa rea kəm Ja̰’g 1:8

Ma m’to Alpa ləm, gə Omega ləm tɔ, Ala Mbaidɔmbaije ɓa pa bèe. Ma m’to yeḛ gə́ si gən gə si dɔtar lé ləm gə si ree ləm tɔ. Ma m’to Bao-siŋgamoŋ ya.