Nɔ̰-ndôo gə́ wɔji dɔ Jerusalem 5:17 - Maktub gə́ To gə Kəmee

¹⁷ Ɓó lé ɓəŋgərə sí ti dus ləm, Ɓó lé no̰ tɔ kəm sí wə-wə ləm tɔ ndá

Nɔ̰-ndôo gə́ wɔji dɔ Jerusalem 5:17 ပူးပေါင်းရင်းမြစ်များ

Maktub gə́ wɔji dɔ Jɔb 17:7

Néɓəŋgərəti ar kəm to bidig, Barkəmrɔmje lai to asəna gə ndil kag bèe.

Pakɔsje 31:9

Bèe ɓa i a kilam ji njeba̰’g ləm el, Nɛ i a kam m’ɔm gɔlm loo gə́ tad ila rəs’g ya.

Pakɔsje 38:8

Dunm nuŋga ne kəd-kəd ləm, Darɔm si gə́ majee gə́ tḛ́-tḛ́ bèe el ləm tɔ.

Pakɔsje 6:7

M’sané siŋgam loo tuma̰ ŋgururu-ŋgururu’g lé Loondulje kára-kára lai lé mán-no̰ ula loo-toom’g, Man-no̰ gə́ kəm’g ruba tira-tom’g ya tɔ.

Pakɔsje 69:3

Ma lé m’ur dan bɔrɔ dubu’g Ar loo kam m’uba gə mba kaar ne tar lé godo. Ma lé m’oso dan ɓul mán gə́ ɓiri’g Ar paŋgəm manee dəs dɔm’g.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 38:14

Ma m’no̰ njiriri-njiriri to gə́ ləbm-siri gə́ ḭ nar bèe ləm, Ma m’tuma̰ ŋgururu-ŋgururu to gə́ dərnda bèe ləm tɔ, M’un kəm gə́ dara nɛ kəm to bidig, Ǝi Njesigənea̰, m’isi dan néɓəŋgərə-ti’g, Taam ajim!

Jeremi 46:5

See ɗi ɓa m’oo nee wa! Deḛ ɓəl, deḛ rəm gogo, Njéba̰je lə dee dum dɔ dəwje lə dee Gə́ njésiŋgamoŋje lé, Deḛ d’aḭ lal kɔm rəd ... Ɓəl-boo taa looje pəl-pəl. Njesigənea̰ ɓa pa bèe.

Jeremi 8:18

Ma m’ndiŋga rɔm Gə mba kar meeko̰ ləm tel kul lɔm, Dɔ ɓəŋgərəm ndiri njigi-njigi.

Nɔ̰-ndôo gə́ wɔji dɔ Jerusalem 1:13

Yeḛ ula gə pər gə́ ḭ dara Aree sɔ siŋgam yɔm-yɔm Mbata yeḛ nja to dəw dəa Yeḛ ila ba̰də loo-kabm’g Ɓa wam ne am m’oso ne gaŋnda, Yeḛ telm gə dəw gə́ gə mḭdé ba ləm, Yeḛ ar siŋgam yɔ ne gə ndɔje lai ləm tɔ.

Nɔ̰-ndôo gə́ wɔji dɔ Jerusalem 1:22

Maji kar némeeyèrje lə deḛ lai To raga ndəgəsə nɔḭ’g, Ndá maji kari ra sə dee To gə́ i ra ne səm bèe Mbata kaltaje ləm lai lé! Mbata ndu tuma̰je ləm bula yaa̰ ləm, Ɓə̰gərəm kara ndiri njigi-njigi ləm tɔ.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Ejekel 21:15

D’ɔlee d’aree adə làm-làm Mba tɔl ne dəwje mburug-mburug ləm, D’usu mba karee ndɔḭ lèd-lèd ləm tɔ. See jeḛ j’a kalje ne rɔ sí wa. Kag-mbai lə ŋgon neḛ ə̰ji kagje gə́ raŋg lai bəḭ-bəḭ.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Ləbije 26:36

Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Misee 6:13

Gelee gə́ nee ɓa n’a kunda sí ne gə nékəmndoo ləm, N’a tuji sí ne mbata lə kaiyaje lə sí ləm tɔ.

Tel tura Godndu 28:65

Mbuna ginkoji dəwje gə raŋg’g neelé seḭ a kiŋgaje loo-kwa-rɔ gə́ kəm kila dabla gɔl sí keneŋ godo. Njesigənea̰ a kar dɔɓəŋgərə sí unda bala ləm, kəm sí a to ndòo ləma, rɔ sí a si dan meeko̰’g ləm tɔ.