Nɔ̰-ndôo gə́ wɔji dɔ Jerusalem 4:19 - Maktub gə́ To gə Kəmee

¹⁹ Njékula kəm sí ndooje lé Rɔ dee wɔilɔ pélé-pélé unda niŋgatə̰dəje Gə́ d’aw pə̰ dara’g bèe, Deḛ korə sí dɔ mbalje’g ləm, Deḛ d’um sí dɔdilaloo’g ləm tɔ.

Nɔ̰-ndôo gə́ wɔji dɔ Jerusalem 4:19 ပူးပေါင်းရင်းမြစ်များ

Jeremi 16:16

Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Nɔ̰-ndôo gə́ wɔji dɔ Jerusalem 1:13

Yeḛ ula gə pər gə́ ḭ dara Aree sɔ siŋgam yɔm-yɔm Mbata yeḛ nja to dəw dəa Yeḛ ila ba̰də loo-kabm’g Ɓa wam ne am m’oso ne gaŋnda, Yeḛ telm gə dəw gə́ gə mḭdé ba ləm, Yeḛ ar siŋgam yɔ ne gə ndɔje lai ləm tɔ.

Ojee 8:1

Unje to̰to̰ undaje ta sí’g! Njeba̰ lé nar kalaŋ Gə́ dɔ kəi’g lə Njesigənea̰ to gə́ niŋgatə̰də bèe. Mbata deḛ d’uba ta manrɔ ləm d’ya̰ ləm, Deḛ d’al ne dɔ godndum ləm tɔ.

Ojee 8:3

Israɛlje lé d’uba né gə́ maji d’yá̰ nai njḛ̀, Bèe ɓa njeba̰ lə dee a tuba dee ne.

Ləbije 26:36

Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Amɔs 2:14

Dəw gə́ njerɔkwɔilɔ lé a kaskəm kaḭ el ləm, Dəw gə́ njesḭga lé a kaskəm ra né gə siŋgá el ləma, Yeḛ gə́ to bao-rɔ kara a kaji rəa el ləm tɔ.

Habakuk 1:8

Kundaje lə dee d’aiŋgwɔd kalaŋ d’unda daje gə́ tana gə da-kàgje bèe ləm, Deḛ d’ila riŋga d’unda jagmjərje gə́ kàrkemetag bèe ləma, Njérɔ gə kundaje lə dee ti rɔ dee D’aw ne kəm dee gə́ kédé-kédé ləm tɔ. Njérɔ gə kundaje lə dee lé d’ḭ əw ɓa ree ləm, Deḛ d’aw gə tɔg dee to gə́ niŋgatə̰də Gə́ nar gə bagee dəb dɔ nékwa’g ləa bèe ləm tɔ.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,