Nɔ̰-ndôo gə́ wɔji dɔ Jerusalem 3:59 - Maktub gə́ To gə Kəmee

⁵⁹ Njesigənea̰, i oo kəm gə́ d’ula ndòo lé gao ya, Maji kari gaŋg rəwta ləm gə goo rəbee am.

Nɔ̰-ndôo gə́ wɔji dɔ Jerusalem 3:59 ပူးပေါင်းရင်းမြစ်များ

Gḭ-Néje 30:6

Rasel pana: Ala oo ndum ɔr ne ta dɔm’g ya ndá yeḛ am ŋgon gə́ diŋgam. Gelee gə́ nee ɓa yeḛ unda ne ria lə LkD.

Gḭ-Néje 31:42

Ɓó lé Ala lə bɔmje, Ala lə Abrakam, yeḛ gə́ Isaak ɓəlee lé nai səm el ndá ɓasinè kara i a tubam gə jim kari kari-kari ya. Ala oo kəm lootondoo’g ləm, gə kula gə́ m’ra gə jim ləm tɔ ndá tagə́nè til’g lé yeḛ nja gaŋg rəbee.

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 26:1

Pakɔs lə Dabid. Njesigənea̰, maji kari gaŋgta ləm gə goo rəbee Mbata m’njaa gə goo rəw gə́ to gə dɔ najee. Ma m’ɔm məəm dɔ Njesigənea̰’g Bèe ndá m’a kunda ndolé nda̰ el.

Pakɔsje 35:1

Pa lə Dabid Njesigənea̰, maji kari aḭ bada dɔm’g Ɔs ne njéba̰je ləm rəw ya ləm, Rɔ ne gə njékoma̰ səmje ləm tɔ.

Pakɔsje 35:23

Maji kari teḛ kəmi, Gə́ teḛ kəmi gə mba kɔr kəm ta ləm gə goo rəbee! Ala ləm gə́ to Mbaidɔmbaije ləm, Maji kari ra rəwta ləm ya!

Pakɔsje 43:1

Ǝi Ala, maji kari ɔr kəm ta ləm gə goo rəbee, Oso gelm’g ɔs ne ta lə ginkoji dəwje gə́ to majikojije el lé rəw! Maji kari taam ji dəwje gə́ njéŋgɔmje’g ləm, gə njéra né kori-korije’g ləm tɔ.

Pakɔsje 9:4

Njéba̰je ləm lé rəm gə goo dee goo dee, Deḛ ləŋg ta sə-sə, d’udu ne nɔḭ’g bo̰ ya.

Jeremi 15:10

Kɔm, meeko̰ oso dɔm’g Mbata i ojim Gə́ njemaḭta gə njekunda tar Mbata lə dəwje lai! Ma m’ar dee tonam né el ləm, M’tona dee né el ləm tɔ, Nɛ lé bèe kara deḛ lai d’ila ndɔl dɔm’g.

Nɔ̰-ndôo gə́ wɔji dɔ Jerusalem 3:36

Loo gə́ deḛ d’ila ta lə dəw gel gə mḭdé ba loo-gaŋg-rəwta’g ləm tɔ lé See Njesigənea̰ oo el wa.

Nɔ̰-ndôo gə́ wɔji dɔ Jerusalem 3:60

I oo né dalba̰ gə́ deḛ ra səm ləm, Gə njuma̰je lai gə́ d’ula meḛ na̰’d dɔm’g ləm tɔ.

1 Piɛrə 2:23

Deḛ tajee nɛ yeḛ tel taji dee gogo el ləm, deḛ rəa meeyèr nɛ yeḛ tel gə́ ta gə́ yèr ila dee keneŋ el ləm tɔ. Nɛ yeḛ ya̰ rəa ar yeḛ gə́ njekɔrkəmta gə goo rəbee lé.