Nɔ̰-ndôo gə́ wɔji dɔ Jerusalem 3:43 - Maktub gə́ To gə Kəmee

⁴³ I dolè rɔi gə oŋg ləi ɓa orè ne goo sí ndəŋ Saar tɔl sí ne lal koo kəmtondoo lə sí.

Nɔ̰-ndôo gə́ wɔji dɔ Jerusalem 3:43 ပူးပေါင်းရင်းမြစ်များ

Pakɔsje 44:19

Meḛ sí ɔs səi ŋgwɔḭ el ləm, Gɔl sí kara uba rəw ləi ya̰ gə goo ŋgalee el ləm tɔ

Pakɔsje 80:5

Njesigənea̰, Ala gə́ njeboo-néje See ndɔ gə́ ra ɓa i a kunda ŋgaŋ kar məəi ḭ səi pu Kari ɔs ne tamaji lə koso-dəwje ləi rəw lé ɓəi wa.

Pakɔsje 83:15

Asəna gə pər gə́ o̰ mee kag-kɔr’g bèe ləma, Asəna gə ndo̰ pər gə́ ɔn dɔ mbalje’g bilim-bilim bèe ləm tɔ.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Nɔ̰-ndôo gə́ wɔji dɔ Jerusalem 3:66

Ar oŋg ləi orè goo dee ndəŋ ləm, Tuji dee pugudu dɔ naŋg nee ləm tɔ.

Nɔ̰-ndôo gə́ wɔji dɔ Jerusalem 3:8

Ma m’ila boo-ndum naŋg M’no̰ m’ɓar-ɓar Mba kar dee la səm nɛ pi ləm, Yeḛ un mbia rəw dɔ tamaji’g ləm ləm tɔ.

Ejekel 7:9

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí nda̰ el ləm, n’a kar ta gə́ wɔji dɔ rəw-kaw síje wa dɔ sí ləma, néra síje gə́ mina̰ a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰, yeḛ gə́ njekunda sí lé.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.