Nɔ̰-ndôo gə́ wɔji dɔ Jerusalem 3:39 - Maktub gə́ To gə Kəmee

³⁹ See ban ɓa dəw gə́ si kəmba ɓəi lé a no̰ rəa wa. Maji kar nana kara no̰ no̰ kaiyaje ləa-yeḛ nja.

Nɔ̰-ndôo gə́ wɔji dɔ Jerusalem 3:39 ပူးပေါင်းရင်းမြစ်များ

2 Mbaije 3:13

Elije dəji mbai gə́ Israɛl pana: See ta ɗi ɓa to mbuna síjeḛ səi’g wa. Aw rɔ njéteggintaje’g lə bɔbije gə njéteggintaje’g lə kɔinje. Mbai gə́ Israɛl ilá keneŋ pana: Wah! Bèe el mbata Njesigənea̰ ɓar mbaije gə́ munda neelé na̰’d mba kɔm dee ji Moabje’g.

2 Mbaije 6:32

Nɛ Elije si mee kəi’g ləa gə njé gə́ tɔgje na̰’d. Ndá mbai ula dəw kára rəa’g. Nɛ kédé ɓa gə mba kar dəw neelé ree ɓəi ndá, Elije ula njé gə́ tɔgje neelé pana: See seḭ ooje to gə́ ŋgolə njetɔl-dəw neelé ula dəw kára mba karee ree gaŋg dɔm ya wa. Ooje, loo gə́ njekula neelé a ree ndá maji kar sí uduje rəw dəa’g, tɔɓəi ɔseeje ne gə́ raga: See dəw a koo kaa gɔl ɓéeje gə́ a ɓar gée’g el wa.

2 Mbaije 6:33

Yeḛ ar pata ar dee ya ɓəi ndá léegəneeya njekula lé ree rəa’g ulá pana: Aa oo, tuji neelé ḭ rɔ Njesigənea̰’g ŋga see ɗi tɔɓəi ɓa m’a kunda ne məəm yel dɔ Njesigənea̰’g gə mbəa ɓəi wa.

Esdras 9:13

Nɛ gə goo néje lai gə́ teḛ dɔ sí’g mbata lə néra gə́ yèr lə sí, gə ta gə́ boo gə́ wa dɔ sí lé əi Ala lə sí, i ar bo̰ néra sí ɔs ta sí’g gə goo bula lə kaiya ra sí el, ar ɓasinè kara i ŋgəm njé gə́ na̰je ar dee teḛ dan né gə́ bèe’g tɔ.

Maktub gə́ wɔji dɔ Jɔb 11:6

Esé ɓó lé yeḛ riba səi dɔ kəmkàr ləa to gə́ to loo-kiya’g Gə́ to kəmkàr ləa gə́ dum dɔ loo ləm tɔ Ndá i a gər to gə́ Ala ra səi gə goo néra kori-kori ləi el.

Maktub gə́ wɔji dɔ Jɔb 15:13

Kwii, to Ala ɓa i tel oŋg ləi ɔsee ne ŋgərəŋ ləm, Gə́ tai ɓar ne dɔ taje gə́ togə́bè ila dəa’g ləm tɔ.

Pakɔsje 107:17

Mbə-dəwje lé panjaa dee ɓa ar ta wa ne dɔ dee ləm, Néra kori-korije lə dee lé Ar dee tel to ne njénékəmndooje ləm tɔ.

Gosota-Kəmkàrje 19:3

Néra mbə lə dəw lé ar rəw-kabee to ne kori-kori, Ar mée ḭ səa pu dɔ Njesigənea̰’g.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Jeremi 10:19

Meeko̰ oso dɔm’g am m’tuji mba̰! Doo lé tom yaa̰! Kédé ma m’pana: To rɔko̰ gə́ ram Ndá m’a kila məəm po̰.

Jeremi 30:15

See ban ɓa i no̰ njim-njim Mbata doo gə́ i iŋga ləm, Gə to gə́ tooi əw el ləm tɔ lé wa. To mbata néra kori-kori ləi Gə́ ɔs dɔ na̰-na̰ lé ləm, Mbata kaiya raije gə́ bula Dum tura lé ləm tɔ, Ɓa ma m’ra ne səi néje neelé gə mbəa.

Nɔ̰-ndôo gə́ wɔji dɔ Jerusalem 3:22

Némeemajije lə Njesigənea̰ lé Rudu dee godo ləm, Némeekaw taḭ-taḭje ləa kara D’unda ŋgaŋ dee el ləm tɔ.

Ləbije 26:41

kaiya ra dee gə́ togə́bè ɓa a karm ma nja kara m’a kɔs dee ne rəw ləm, m’a ndɔr dee ne kɔm dee ne ɓee’g lə njéba̰je lə dee ləm tɔ. Yen ɓa deḛ gə́ meḛ dee tɔ kujita el lé d’a tel kula ne dɔ dee ləm, d’a kuga ne ɓaŋg néra kori-korije lə dee ləm tɔ.

Ləbije 26:43

D’a kuba ɓee lə dee kya̰, tɔɓəi dɔ naŋg a kal rəa mee ləb-kwa-rɔje’g ləa loo gə́ yee a nai ne gə́ dɔ nduba gə́ əw sə dee, d’a kuga ɓaŋg néra gə́ kori-korije lə dee mbata deḛ d’ə̰ji ndukunje ləm bəḭ-bəḭ ləm, d’oo godndumje gə́ né gə́ ram kəm dee’g ləm tɔ.

Misee 7:9

Jeḛ j’waje meḛ sí mbidi n’tije dɔ oŋg’d lə Njesigənea̰ Mbata jeḛ n’raje kaiya j’ɔsje ne ta ləa rəw ya, Saar loo gə́ yeḛ a koso gel sí’g Kɔr ne ta lə sí gə goo rəbee lé Yeḛ a kɔr no̰ sí teḛ sə sí dan lookàr’g ləa Ndá j’a kooje néra gə́ gə dɔ najee ləa.

Bula lə Israɛlje 11:11

ndá Moyis ula Njesigənea̰ pana: See gelee ban ɓa i ula ne kəm kura ləi ndòo bèe wa, see ma m’taa kəmi el ɓa i ɔm ne koso-dəwje nee lai dɔm’g asəna gə nékodo gə́ wɔi bèe wa.

Bula lə Israɛlje 17:12

Aaro̰ un əb to gə́ Moyis ulá lé ndá yeḛ aiŋgwɔd ree ne mbuna koso-dəwje’g, ndá aa oo, yoo-koso un kudu taa loo mba̰ ŋga. Yeḛ tuu né gə́ ə̰də sululu ləm, yeḛ ra né mba kuga ne dɔ kaiya lə koso-dəwje ləm tɔ.

Loo gə́ killa rea kəm Ja̰’g 16:9

pər-boo lé o̰ dəwje ya ndá d’ila ndɔl dɔ ri Ala gə́ njedum dɔ tuji-booje’g neelé. Nɛ deḛ d’ɔs badm tel dɔ néra deeje gə́ majel mba kula rɔnduba dəa’g el.