Nɔ̰-ndôo gə́ wɔji dɔ Jerusalem 3:38 - Maktub gə́ To gə Kəmee

³⁸ See gə goo godndu Njekurdɔloo ɓa néurtije əsé némaji teḛ ne el wa.

Nɔ̰-ndôo gə́ wɔji dɔ Jerusalem 3:38 ပူးပေါင်းရင်းမြစ်များ

2 Samel 16:10

Nɛ mbai lé pana: Seḭ ŋgalə Seruja lé see ta ɗi lə sí to keneŋ wa. Ɓó lé yeḛ ila ndɔl dɔm’g ndá to mbata Njesigənea̰ ulá pana: Ila ndɔl dɔ Dabid’g! Ŋga see na̰ ɓa a dəjee pana: See ban ɓa i ra togə́bè wa.

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Pakɔsje 75:7

Mbata kun dəw kundá tar ɗaŋg lé Ḭ bər əsé dɔ-gó el ləm, Esé ḭ dɔdilaloo’g el ləm tɔ.

Gosota-Kəmkàrje 29:26

Dəwje bula saŋg loo taa kəm njeko̰ɓee, Nɛ Njesigənea̰ ɓa to njekɔrkəmta lə nana kara gə goo rəbee.

Njekillamber 7:14

Mee ndɔ si dan maji’g lé Arje rɔ sí lel sí ləm, Mee ndɔ si dan meeko̰’g lé kara Ǝ̰jije ta meḛ sí’g ləm tɔ. Ala nja ɓa gə́ njera dee joo bɔr Gə mba kar dəw gər ne né Gə́ a gə teḛ dəa’g gogo lé el.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Jeremi 32:42

Mbata Njesigənea̰ pa togə́bè pana: To gə́ ma m’ar boo-némeekonje nee lai teḛ dɔ koso-dəwje’g neelé ndá m’a kar meemajije lai gə́ m’pa taree m’wɔji ne dɔ dee lé ree dɔ dee’g togə́bè ya tɔ.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.