Nɔ̰-ndôo gə́ wɔji dɔ Jerusalem 3:37 - Maktub gə́ To gə Kəmee

³⁷ See na̰ ɓa a pata kar né teḛ Lal kar Njesigənea̰ un ndia dɔ’g wa.

Nɔ̰-ndôo gə́ wɔji dɔ Jerusalem 3:37 ပူးပေါင်းရင်းမြစ်များ

2 Samel 16:10

Nɛ mbai lé pana: Seḭ ŋgalə Seruja lé see ta ɗi lə sí to keneŋ wa. Ɓó lé yeḛ ila ndɔl dɔm’g ndá to mbata Njesigənea̰ ulá pana: Ila ndɔl dɔ Dabid’g! Ŋga see na̰ ɓa a dəjee pana: See ban ɓa i ra togə́bè wa.

1 Mbaije 22:34

Nɛ dəw kára ur ɓandaŋg ləa gə́ kur ya ndá wa mbai gə́ Israɛl lé mbuna kəm kubu-rɔ’g ləa. Mbai lé ula njekɔrno̰ pusu-rɔ ləa lé pana: Tel am m’teḛ loo-rɔ’d gə́ raga mbata m’iŋga doo.

2 Mbaije 6:33

Yeḛ ar pata ar dee ya ɓəi ndá léegəneeya njekula lé ree rəa’g ulá pana: Aa oo, tuji neelé ḭ rɔ Njesigənea̰’g ŋga see ɗi tɔɓəi ɓa m’a kunda ne məəm yel dɔ Njesigənea̰’g gə mbəa ɓəi wa.

Maktub gə́ wɔji dɔ Jɔb 10:13

Lée togə́bè kara aa oo né gə́ i iya dɔ ɓəŋgəri’g, Aa oo ma m’gər gao, yee ɓa gə́ né gə́ i wɔji məəi’g ya.

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Teḛ-Raga 10:10

Parao̰ ula dee pana: Maji kar Njesigənea̰ nai sə sí to gə́ m’a gə kya̰ loo kar sí awje lé ya, seḭ ləm, gə ŋgan síje ləm tɔ. Meḛ sí dɔ rɔ sí’g mbata tuji to no̰ sí’g.

Gosota-Kəmkàrje 16:9

Mee dəw wɔji rəw-kabee, Nɛ Njesigənea̰ ɓa wɔji loo tila gɔlee keneŋ.

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Jeremi 23:32

Njesigənea̰ pana: Aa ooje, njéteggin ni-ŋgɔmje gə́ d’ɔr gée d’ar koso-dəwje lə neḛ ndəm ne gə goo taŋgɔmje gə́ lel ta dee’g lé neḛ n’aw sə dee gə ta, Njesigənea̰ ɓa pa bèe. Neḛ n’ula dee el ləm, n’un ndu neḛ n’ar dee el ləma, maji dee gə́ tḛ́ bèe ya kara to mba koso-dəwje el ləm tɔ.

Njé gə́ Rɔmə 9:15

Mbata yeḛ ula Moyis pana: Yeḛ gə́ neḛ ndigi kwa səa noji lé ndá n’a kwa səa noji ləm, yeḛ gə́ neḛ ndigi koo kəmtondoo ləa ndá n’a koo kəmtondoo ləa nja ləm tɔ.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji