Nɔ̰-ndôo gə́ wɔji dɔ Jerusalem 3:24 - Maktub gə́ To gə Kəmee

²⁴ Ma m’pa məəm’g m’pana: Njesigənea̰ to nébao ləm, Gelee gə́ nee ɓa M’ar məəm to ne yel gə́ dəa’g tɔ.

Nɔ̰-ndôo gə́ wɔji dɔ Jerusalem 3:24 ပူးပေါင်းရင်းမြစ်များ

1 Sôrta Gḭka-Israɛlje 5:20

Deḛ d’iŋga yeḛ gə́ njela sə dee ndá Hagareje gə deḛ lai gə́ rɔ sə dee lé d’oso ne meḛ ji dee’g. Mbata loo gə́ d’ar rɔ lé ndá deḛ no̰ ɓar Ala ndá yeḛ ila dee keneŋ mbata deḛ d’ɔm meḛ dee dəa’g tɔ.

Maktub gə́ wɔji dɔ Jɔb 13:15

Aa oo, yeḛ a tɔlm, nékṵdamee-yel dɔ’g ləm godo, Nɛ nea̰-yeḛ’g lé m’a kɔr ta gə́ wɔji dɔ panjaam ya.

Maktub gə́ wɔji dɔ Jɔb 22:25

Yen ɓa Bao-siŋgamoŋ a to larlɔr ləi ləm, Gə larnda ləi ləma, gə nébaoje ləi ləm tɔ.

Pakɔsje 119:57

Ǝi Njesigənea̰, ma m’pana: Né gə́ kəm karm m’ra lé To mba kaa dɔ taje ləi kər-kər ya.

Pakɔsje 130:7

Seḭ Israɛlje, maji kar sí undaje meḛ sí yel gə́ dɔ Njesigənea̰’g ya. Mbata meekoso lemsé to gə́ rɔ Njesigənea̰’g ləm, Nékoga dɔ dəwje taa rəa pəl-pəl ləm tɔ.

Pakɔsje 142:5

Maji kari un kəmi par gə́ dɔ jikɔl aa ne loo oo ya: Dəw kára kara tel gərm el ləm, Njo̰loo mba kaḭ kula dɔm keneŋ godo ləma, Dəw kára kara ə̰ji dɔm’g bèe el ləm tɔ.

Pakɔsje 16:5

Njesigənea̰ ɓa to nénduba ləm, gə ŋgo-kai-mán ləm ləm tɔ, I nja ar né gə́ wɔji dɔm to njaŋg,

Pakɔsje 31:24

Seḭ majikojije lé Maji kar sí undaje Njesigənea̰ dan kəm sí’g. Mbata Njesigənea̰ lé Aa dɔ deḛ gə́ d’ɔm meḛ dee dəa’g, Nɛ yeḛ ar bo̰ néra njébeeleje Ɔs ta dee’g bɔsɔrɔ ya.

Pakɔsje 33:18

Aa ooje, kəm Njesigənea̰ lé To dɔ deḛ gə́ ɓəlee’g Gə́ d’unda meḛ dee yel dɔ meemaji’g ləa

Pakɔsje 42:11

Loo gə́ njékula kəm ndooje d’ula sul dɔm’g Ar dee d’ulam ne lal kwa ta dee kəw pana: See Ala ləm si ra ɓəi wa. Ndá siŋgarɔmje d’iri ne njigi-njigi.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pakɔsje 43:5

See gelee ban ɓa ŋgaw məəm təd mán Am m’tuma̰ ne ŋgururu-ŋgururu wa. Maji karm m’ɔm məəm dɔ Ala’g lé Mbata m’a gə pidee ya ɓəi, Yeḛ lé to gin kaji ləm ləm, gə Ala ləm ləm ya ləm tɔ.

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Pakɔsje 71:14

Nɛ ma lé m’a kunda məəm yel gə ndɔje kára-kára lai, M’a pidii, m’a tel pidii ya gə́ kédé-kédé.

Pakɔsje 73:26

Dakasrɔm gə ɓəŋgərəm lé d’askəm tuji pugudu ya, Nɛ Ala a to biri mbal gə́ m’gəd rɔm dɔ’g ləm, Gə nédɔji ləm-ma ya saar-saar gə no̰ ləm tɔ.

Pakɔsje 84:12

Mbata Njesigənea̰, Ala to kàr ləm, gə dər-rɔ ləm tɔ, Meenoji gə rɔnduba lé Njesigənea̰ ɓa ar dee, Deḛ gə́ njaa gə goo rəw gə́ danasur lé Yeḛ ɔg dee némaji kára kara bèe el.

Pakɔsje 94:19

Loo gə́ takə̰jije gə́ məəm’g d’ḭ d’ɔs goo na̰ ŋgɔg-ŋgɔg ndá I nja gɔl məəm ar rɔm lelm ne.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Nɔ̰-ndôo gə́ wɔji dɔ Jerusalem 3:21

Aa oo, ta gə́ m’ə̰ji məəm’g Mba kiŋga ne né gə́ m’aw ŋgina lé ɓa nee:

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Njé gə́ Rɔmə 15:12

Esai kara pa togə́bè tɔ pana: Barkəmrɔ Isai a kḭ Ndá yeḛ a kḭ mba ko̰ɓee dɔ ginkoji dəwje gə raŋg ya. Bèe ɓa ginkoji dəwje gə raŋg lé d’a kunda meḛ dee yel gə́ dəa’g.

Tel tura Godndu 18:2

D’a kiŋga nédɔji lə dee mbuna ŋgako̰ deeje’g el: Njesigənea̰ ɓa a to nédɔji lə dee to gə́ yeḛ pa ne taree ar dee lé tɔ.

1 Piɛrə 1:21

Mbɔl dəa-yeḛ nja seḭ ɔmje ne meḛ sí dɔ Ala gə́ njeteḛ səa dan njé gə́ d’wəi’g ula ne rɔnduba dəa’g. Yee ɓa seḭ unje ne meḛ sí arje Ala ləm, meḛ sí to ne yel gə́ dəa’g ləm tɔ.

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.