Nɔ̰-ndôo gə́ wɔji dɔ Jerusalem 3:17 - Maktub gə́ To gə Kəmee

¹⁷ I ɔr meekulɔm ləm ləm, I ar rɔlel ləm kara godo ləm tɔ.

Nɔ̰-ndôo gə́ wɔji dɔ Jerusalem 3:17 ပူးပေါင်းရင်းမြစ်များ

Gḭ-Néje 41:30

Nɛ mee ləbje gə́ siri gə́ d’a gə korè gée lé ɓoo-boo a ko̰ ya. Yee ɓa meḛ dəwje lai a kwəi dɔ kó gə́ unda kəm yaa̰ mee ɓeeko̰ gə́ Ejiptə’g kédé lé ndá ɓoo-boo neelé a tuji dɔ naŋg neelé tɔ.

Maktub gə́ wɔji dɔ Jɔb 7:7

Ǝi Ala, ar məəi olé dɔ’g to gə́ kəmə ləm tɔ asəna gə lel bèe, Kəm a tel koso dɔ si dan maji’g el ŋga.

Pakɔsje 119:155

Kaji lé to əw gə njémeeyèrje Mbata deḛ lé saŋg goo godnduije el.

Esai 38:17

Aa oo, némeekonje ləm lé Tel to gə́ meekulɔm ləm, Gə mba kunda gə́ I undam dan kəmi’g lé ɓa I ɔrm ne dan bwa-tuji’g ya Mbata i ɔm kaiya ramje lai giri’g gogo.

Esai 54:10

Lée mbalje d’a ŋgəs gə́ raŋg ləm, Lée dɔdərlooje d’a yə ləm tɔ kara Meenoji ləm a ŋgəs rɔ sí’g nda̰ el ləm, Maa̰ rɔ ləm gə́ wɔji dɔ meekulɔm lé M’a kya̰ gée el ləm tɔ, Njesigənea̰ gə́ to njekoo kəmtondoo lə sí ɓa pa bèe.

Esai 59:11

Jeḛ lai j’injaje miḭ to gə́ da-urs bèe ləm, Jeḛ n’tuma̰je ŋgururu-ŋgururu to gə́ dərndaje bèe ləm, Jeḛ ŋginaje kɔr dɔ sí kúla’g nɛ lé godo ləma, Jeḛ ŋginaje kaji nɛ nai sə sí əw ləm tɔ.

Jeremi 12:12

Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 16:5

Mbata Njesigənea̰ pata togə́bè pana: A k’aw mee kəi-kwa-ndòo-yoo’g el ləm, a no̰ gə mán-no̰ kəm’g sii ne mbigi-mbigi sə dee el ləm tɔ, mbata koso-dəwje neelé neḛ n’a rəm gə meenoji lə neḛ gə meemaji lə neḛ gə meekɔrjol lə neḛ rɔ dee’g. Njesigənea̰ ɓa pa bèe.

Jeremi 8:15

Jeḛ j’undaje meḛ sí yel Mba kiŋga meelɔm, Nɛ nérɔlel kára kara ree el, Jeḛ j’undaje meḛ sí yel dɔ kaji’g, Nɛ né gə́ to ɓəl kədm-kədm ɓa teḛ!

Nɔ̰-ndôo gə́ wɔji dɔ Jerusalem 1:16

Néje neelé ɓa am m’no̰ ne, Ar mán-no̰ ndum ne kəm Mbata dəw gə́ njegɔl məəm ləm, Gə́ to njekarm siŋgam ləm tɔ lé Sa rəa rɔm’g rəw. Ŋganəmje lai d’isi dan no̰ ndòo’g Mbata njeba̰ lé siŋgá dum dɔ loo.

Jakari 8:10

Mbata mee ndəa gə́ kédé lé Dəw ra kula ndá iŋga nédɔjiá el ləm, Nékulje kara d’iŋga né gə́ wɔji dɔ dee el ləm tɔ. Meekulɔm gə́ téḛ bèe kara godo Mbata lə deḛ gə́ d’andə kəi əsé deḛ gə́ teḛ raga Mbata lə njéba̰je lé, Bèe ɓa neḛ n’ya̰ dəwje lai N’ar dee d’oma̰ ne gə na̰ gə mbəa.