Nɔ̰-ndôo gə́ wɔji dɔ Jerusalem 2:21 - Maktub gə́ To gə Kəmee

²¹ Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Nɔ̰-ndôo gə́ wɔji dɔ Jerusalem 2:21 ပူးပေါင်းရင်းမြစ်များ

2 Sôrta Gḭka Israɛlje 36:17

Togə́bè ɓa Njesigənea̰ ar mbaije lə Kaldeje d’ḭ rɔ sə dee ndá yeḛ tɔl basaje gə kiambas mee loo’g lə deḛ gə́ to gə kəmee’g. Yeḛ ya̰ basa əsé ŋgoma̰də əsé ɓuga əsé dəw gə́ dəa pudu lé kəmba el nɛ yeḛ ya̰ deḛ lai jia’g ya.

Este 3:13

Maktub lé d’ula ne njékaḭkulaje mee dəb ɓeeko̰je’g lə mbai lé lai, gə mba kar dee tɔl ne Jibje lai, basaje gə ɓugaje ləm, ŋganje gə denéje ləm tɔ, d’ar dee d’udu guduru, mee ndɔ gə́ kára ba ya, mee ndɔ gə́ njekɔm’g dɔg-giree-munda, lə naḭ gə́ njekɔm’g dɔg-giree-joo gə́ to naḭ Adar ləm, gə mba kar dee d’unda némajije lə dee banrɔ ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 11:22

Gelee gə́ nee ɓa Njesigənea̰ gə́ njeboo-néje lé pa ne pana: Aa oo, m’a gə kar bo̰ néra dee ɔs ta dee’g ya. Basaje d’a kwəi yoo-kiambas ləm, ŋgan deeje gə́ diŋgam gə njé gə́ dené d’a kwəi yoo ɓoo-boo ləm tɔ.

Jeremi 13:14

Njesigənea̰ pana: N’a kunda dee dɔ na̰’d kar dee təd njigi-njigi, bɔ ŋganje gə ŋgan deeje na̰’d, n’a koo kəmtondoo lə dee el ləm, n’a kar mee neḛ oso lemsé dɔ dee’g el ləm, meekɔrjol a to mbata lə dee el ləma, né kára kara a kɔg neḛ dɔ tuji dee’g el ləm tɔ.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 21:7

Njesigənea̰ pana: Gée’g gogo ndá n’a kuba Sedesias, mbai gə́ Juda, gə kuraje ləa, gə koso-dəwje gə́ teḛ ta yoo-koso’g gə ta kiambas’g, gə ji njéba̰je’g lə dee lé kya̰ dee ji Nebukadnesar, mbai gə́ Babilɔn’g ləm, gə ji njéba̰je’g lə dee ləma, gə ji deḛ gə́ ndigi kar dee d’wəi ləm tɔ. Yen ɓa Nebukadnesar a tɔl dee gə kiambas ɓó yeḛ a kya̰ dee el ləm, a koo kəmtondoo lə dee el ləma, mée a kaw taḭ-taḭ mbata lə dee el ləm tɔ.

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Jeremi 51:22

I ɓa m’uni m’tuji ne diŋgam gə dené ləm, I ɓa m’uni m’tuji ne ɓuga gə ŋgon ləm, I ɓa m’uni m’tuji ne basa gə ŋgoma̰də ləm tɔ.

Jeremi 6:11

Oŋg-boo lə Njesigənea̰ Rusu məəm njḭ-njḭ. M’askəm kwa ŋgaŋgee el, Maji kari ɓugu oŋg neelé dɔ ŋganje’d Gə́ d’aw mba̰-rəw’g ləm, Gə dɔ basaje gə́ mbo̰ dɔ na̰ ləm tɔ. Mbata oŋg neelé a kwa diŋgamje Gə denéje ləm, Dɔ ɓugaje gə dɔ dee Gə́ ləb dee bula ləm tɔ.

Jeremi 9:20

Mbata yoo andə kəmbolè kəije’g lə sí ləm, Yee andə mee kəi-mbaije’g lə sí ləm tɔ, Yee tɔl ŋganje mba̰-rəwje’g ləm, Yee tɔl basaje ndaa-looje’g ləm tɔ.

Jeremi 9:21

Jeremi, maji kari ula dee pana: Njesigənea̰ pa togə́bè pana: Nin dəwje d’a to naŋg To gə́ siḭ néje to ne mee ndɔje’g bèe ləm, To gə́ dɔ koje nai ne goo njekinjako’d Gə́ dəw odo dee el bèe ləm tɔ.

Nɔ̰-ndôo gə́ wɔji dɔ Jerusalem 1:15

Bao-rɔje ləm lai lé Mbaidɔmbaije tal dee ras-ras rɔm’g, Yeḛ mbo̰ kudu njérɔje dɔm’g Mba tuji ne basaje ləm, Ma ŋgoma̰də gə́ to ŋgolə Juda lé Njesigənea̰ orəm njḛ́-njḛ́ To gə́ Kandə-nduú bèe loo-mbula-’g.

Nɔ̰-ndôo gə́ wɔji dɔ Jerusalem 1:18

Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Nɔ̰-ndôo gə́ wɔji dɔ Jerusalem 3:43

I dolè rɔi gə oŋg ləi ɓa orè ne goo sí ndəŋ Saar tɔl sí ne lal koo kəmtondoo lə sí.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 5:11

Gelee gə́ nee ɓa Mbaidɔmbaije gə́ Njesigənea̰ un ne ndia njaŋg pana: Neḛ lé n’to Njesikəmba! To gə́ seḭ arje magəje lə sí lai gə néje lə sí lai gə́ mina̰ d’ar loo lə neḛ gə́ to gə kəmee lé mina̰ ndá neḛ kara n’a kun kəm neḛ dɔ sí’g ləm, kəm neḛ a kas ŋgɔgərɔ dɔ sí’g ləm tɔ ɓó n’a koo kəmtondoo lə sí nda̰ el.

Ejekel 7:4

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí el ləm tɔ. Nɛ n’a kar ta gə́ wɔji dɔ rəw-kaw sí wa dɔ sí ləm, néra sí gə́ mina̰ lé a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰ ya.

Ejekel 7:9

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí nda̰ el ləm, n’a kar ta gə́ wɔji dɔ rəw-kaw síje wa dɔ sí ləma, néra síje gə́ mina̰ a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰, yeḛ gə́ njekunda sí lé.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Amɔs 4:10

Neḛ n’ula gə yoo-ndag, Karee yee gə́ tuji ɓee gə́ Ejiptə kédé dɔ ɓee’g lə sí, Neḛ n’tɔl ŋgan síje gə́ basa gə kiambas ləm N’ar dee t’wa kundaje lə sí ləm tɔ. Neḛ n’ar baḭ néje gə́ ndum loo-si sí’g lé Uru rəw əm sí’g ya. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Amɔs 8:13

Mee ndəa’g neelé ŋgama̰dje gə́ maji péd-péd ləm, gə basaje ləm tɔ lé D’a kwəi yoo-kunda mán ya.

Jakari 11:6

Mbata n’a koo kəmtondoo lə dəwje gə́ mee ɓee’g neelé el ŋga, Njesigənea̰ ɓa pa bèe. Nɛ aa ooje, n’a kya̰ dee ji na̰’d gə́ yo gə́ nee ləm, n’a kya̰ na̰ na̰ kara ji mbai’g ləa-ləa ləm tɔ. D’a tuji ɓee neelé nɛ n’a taa dəw kára kara ji dee’g el.

Tel tura Godndu 28:50

deḛ to gə́ ginkoji dəwje gə́ kəm dee to gəsəsə ləm, deḛ təd kag ɓugaje el ləm, gə d’oo kəmtondoo lə ŋganje el ləm tɔ.

Tel tura Godndu 32:25

Loo gə́ raga lé d’a kwəi Yoo-kiambas ləm, Loo gə́ kəi kara d’a kwəi Yoo-ɓəl ləm tɔ: A to togə́bè mbata lə basaje Gə ŋgama̰dje ləm, Mbata ŋganje gə́ ta mbà’g Gə ɓugaje ləm tɔ.

Jujé 6:21

Deḛ tuji néje lai-lai gə́ to mee ɓee’g neelé gə kiambas, diŋgamje gə denéje ləm, ŋganje gə ɓugaje ləma, maŋgje gə badje gə mulayḛ̀je-je kara ləm tɔ.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.