Nɔ̰-ndôo gə́ wɔji dɔ Jerusalem 2:19 - Maktub gə́ To gə Kəmee

¹⁹ Ḭta gə gel-kàr Ar ndu tuma̰ ləi ɓar wəl! Né gə́ to dɔ ɓəŋgəri’g lé Teḛ ne gə́ raga to gə́ mán bèe no̰ Njesigənea̰’g. Ula jii par gə́ rəa’g Mba kar ŋganije gə́ d’isi d’wəi yoo-ɓoo gə kag-rəwje lé D’isi ne kəmba!

Nɔ̰-ndôo gə́ wɔji dɔ Jerusalem 2:19 ပူးပေါင်းရင်းမြစ်များ

Maktub gə́ wɔji dɔ Jɔb 3:24

Tuma̰ ŋgururu-ŋgururu ɓa gə́ muru ko̰ ləm ləm, Ndu kii ləm ɓa taa loo pəl-pəl to gə́ mán bèe ləm tɔ.

Pakɔsje 119:55

Ǝi Njesigənea̰, loondul’g ya lé M’ar məəm olé dɔ rii’g ndá Arm m’aa dɔ godndui ya.

Pakɔsje 134:2

Odoje ji sí gə́ tar par gə́ loo gə́ ləa gə́ to gə kəmee doi’g lé Undaje ne no̰ dɔkaisəgərə lə Njesigənea̰.

Pakɔsje 141:2

Maji kar tamaji ləm tɔ nɔḭ’g Asəna gə né gə́ ə̰də sululu bèe ləm, Maji kar jim gə́ m’odo gə́ tar rəw lé To asəna gə nékar gə́ d’ari dɔ kàr’g bèe ya ləm tɔ.

Pakɔsje 142:2

Ma m’ra né gə ndum wəl gə́ rɔ Njesigənea̰’g ləm, Ma m’ra ndòo rɔ Njesigənea̰’g gə ndu no̰ ləm ya ləm tɔ.

Pakɔsje 142:3

M’ree gə ta no̰ ləm nea̰’g ləm, M’ɔr sor néurti gə́ ram lé m’aree ləm tɔ.

Pakɔsje 28:2

Maji kari oo ndu ra ndòo ləm Loo gə́ m’no̰ m’ɓari ləm, Loo gə́ m’odo jim par gə́ kəi ləi gə́ to gə kəmee ləm tɔ.

Pakɔsje 42:3

M’aw ndòo Ala gə́ to Ala gə́ Njesikəmba lé Asəna gə dəw gə́ kṵdaman tɔlee bèe. See ndɔ gə́ ra ɓa m’a teḛ kaar no̰ Ala’g lé wa.

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 42:8

Ɓul mán ɓar ɓul mán maree Loo gə́ kaa manje ləi ɓar, Paŋgəm-manje ləi gə ɓul manje ləi lai dəs dɔm’g ya.

Pakɔsje 62:8

Ala nja kára ba ɓa kaji ləm gə rɔnduba ləm d’ḭ rəa’g. Biri mbal gə́ to siŋgam ləm, gə njo̰loo-kula-dɔ ləm ləm tɔ lé to rɔ Ala’g lé ya.

Pakɔsje 63:4

Mbata meemaji ləi lé maji yaa̰ unda kisi gə́ m’isi ne kəmba lé, Tam ɓa ma m’pidii ne ya.

Esai 26:9

Loondul’g lé ma m’ndiŋgai ləm, Ma m’ndoli gə ŋgaw məəm bura ləm tɔ, Mbata loo gə́ rəwta-gaŋgje ləi taa dɔ naŋg nee pəl-pəl lé Ndá njé gə́ dɔ naŋg nee ndoo ne né gə́ danasur.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 9:20

Mbata yoo andə kəmbolè kəije’g lə sí ləm, Yee andə mee kəi-mbaije’g lə sí ləm tɔ, Yee tɔl ŋganje mba̰-rəwje’g ləm, Yee tɔl basaje ndaa-looje’g ləm tɔ.

Ejekel 5:10

Gelee gə́ nee ɓa bɔ ŋganje d’a sɔ ŋgan deeje mbuna sí’g ləm, ŋganje d’a sɔ bɔ deeje ləm tɔ, n’a gaŋgta dɔ sí’g tɔɓəi n’a sané ne ges sí lai gə́ nai lé kad-kad dan lel’g.

Ejekel 5:16

Loo gə́ n’a rɔ dee gə ɓandaŋgje lə ɓoo-boo gə́ d’adə njel-njel gə́ wa dəw ndá wəi lé ɓandaŋgje neelé n’a rɔ gə mba tuji sí ne pugudu-pugudu mbata n’a kila ɓoo-boo dɔ nékəmndooje’g lə sí, ndá n’a tuji nésɔje lə sí gə́ ŋgəmje lé mbad-mbad.

Misee 1:16

Maji kar sí ndisaje dɔ sí ŋgori-ŋgori. Mbata lə ŋgan síje gə́ seḭ unda deeje dan kəm sí’g! Ndisaje dɔ sí ŋgori-ŋgori Areeje to asəna gə́ dɔ malje bèe Mbata d’isi d’aw sə dee gə́ ɓee-ɓər’d gə́ əw.

Nahum 3:10

Lée togə́bè kara dəw-mee-ɓeeje gə́ keneŋ d’aw sə dee ɓee-ɓər’g ləm, Ŋganeeje kara kunda dee vaga-vaga tɔl dee tɔ-rəwje’g lai ləm, Deḛ ra né asəna gə téḛ dɔ dəwje gə́ boo’d ge keneŋ ləma, Mbaije lə dee kara deḛ tɔ dee gə kúla larje ləm tɔ.

Matiyo 14:25

Gel bagbee ndá Jeju ḭ aw gə́ rɔ dee’g, yeḛ njaa dɔ mán baa-boo gə́ no̰ tar mbiao̰-mbiao̰ lé.

Mark 1:35

Taginloo gə́ loo àr el nja ɓəi ndá Jeju teḛ aw dɔdilaloo’g mba ra tamaji keneŋ.

Mark 13:35

Bèe ndá maji kar sí síje dɔkəji sí’g kəgəgə mbata seḭ gərje ndɔ ree lə mbai gə́ njekəi lé el. Kàrkemetag əsé dan loo bab əsé gə kona gə́ no̰, əsé teḛ gə ndɔ rad kara seḭ gərje el.

Lugu 6:12

Mee ndəa’g neelé Jeju ɔd aw dɔ mbal’g gə mba ra tamaji ta Ala’g ndá yeḛ ar keneŋ saar ar loo àr dəa’g təsərə.

1 Timote 2:8

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.

Njéga̰g-Rəwtaje 7:19

Gedeo̰ gə njérɔje gə́ tɔl (100) gə́ d’aw səa lé teḛ mbɔr loo-si dee’g dəb gə kàr-ŋgəm-loo gə́ to dan loo bab, to kàr gə́ ree d’ar njéŋgəmlooje taa ne tor na̰ lé. Deḛ d’im to̰to̰je lé ləm, deḛ kunda kulum manje gə́ to ji dee’g lé tɔ ləm tɔ.

1 Samel 1:15

An tel ilá keneŋ pana: Wah! mbai ləm, ma m’to dené gə́ m’isi dan kəmndoo’g ɓó m’ai kido əsé nékai gə́ mḭ el. Nɛ ma m’ila rɔm no̰ Njesigənea̰’d gə́ kila ya.

1 Samel 7:6

Togə́bè ɓa deḛ mbo̰ dɔ na̰ loo gə́ Mispa ya tɔ. Deḛ to mán d’aw tər naŋg no̰ Njesigənea̰’g ləm, d’ɔg meḛ dee ɓoo mee ndəa’g neelé ləm tɔ pa ne pana: Jeḛ n’raje kaiya j’ɔsje ne Njesigənea̰ rəw ya! Ndá Samel gaŋg rəwta lə Israɛlje loo’d gə́ Mispa ya.