Nɔ̰-ndôo gə́ wɔji dɔ Jerusalem 2:18 - Maktub gə́ To gə Kəmee

¹⁸ Deḛ no̰ wəl dɔɓəŋgərə dee’g par gə́ rɔ Njesigənea̰’g. I ndògo-bɔrɔ lə Sio̰ lé Ar mán-no̰ gə́ kəmi’g ruba to gə́ ŋgira-mán bèe dan kàrá gə loondul’g! Ǝw rɔi el ləm, Ar gel mán-no̰ gaŋg kəmi’g el ləm tɔ.

Nɔ̰-ndôo gə́ wɔji dɔ Jerusalem 2:18 ပူးပေါင်းရင်းမြစ်များ

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Pakɔsje 119:145

Njesigənea̰, ma m’ɓar rii gə ŋgaw məəm bura, Maji kari ilam keneŋ mba karm m’aa ne dɔ godnduije lé kər-kər.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Nɔ̰-ndôo gə́ wɔji dɔ Jerusalem 1:16

Néje neelé ɓa am m’no̰ ne, Ar mán-no̰ ndum ne kəm Mbata dəw gə́ njegɔl məəm ləm, Gə́ to njekarm siŋgam ləm tɔ lé Sa rəa rɔm’g rəw. Ŋganəmje lai d’isi dan no̰ ndòo’g Mbata njeba̰ lé siŋgá dum dɔ loo.

Nɔ̰-ndôo gə́ wɔji dɔ Jerusalem 1:2

Yee no̰ loondul’g Ar mán-no̰ tɔ kəmee wə-wə, Nɛ mbuna deḛ gə́ ndigee’g kédé lé Dəw kára bèe gə́ njegɔl mée godo, Baokuraje ləa lai tel d’ubá d’yá̰ Ndá deḛ tel to njéba̰je ləa.

Nɔ̰-ndôo gə́ wɔji dɔ Jerusalem 2:8

Njesigənea̰ wɔji mée’g Mba tuji ndògo-bɔrɔ lə ŋgoma̰də gə́ Sio̰, Yeḛ wɔjee gə kúla Nɛ yeḛ ɔr jia keneŋ el saar Aree tuji lai-lai ya, Kəi-kaar-kɔgərɔje gə ndògo-bɔrɔje kara No̰-yoo ɓa taa loo keneŋ pəl-pəl Ar deḛ gə́ d’isi keneŋ kara D’isi gə kəmndooyoo tɔ.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

Habakuk 2:11

Mbata kɔr mbal gə́ mee ndògo-bɔrɔ’g ra né wəl ləm, Kagje gə́ tɔ ne kag dɔ kəi’g na̰’d kara d’ilá ta’g ləm tɔ.