Nɔ̰-ndôo gə́ wɔji dɔ Jerusalem 1:7 - Maktub gə́ To gə Kəmee

⁷ Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Nɔ̰-ndôo gə́ wɔji dɔ Jerusalem 1:7 ပူးပေါင်းရင်းမြစ်များ

Maktub gə́ wɔji dɔ Jɔb 29:2

Ǝi ma m’ndiŋga rɔm mba to to gə́ mee naḭje gə́ dəs, Gə mee ndɔje gə́ kédé gə́ Ala aa ne dɔm lé

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 77:3

Ndɔ néurti’g ləm lé Ma m’saŋg Mbaidɔmbaije ya, Loondul lé m’ula jim ndiŋ gə́ tar lal kwa gə́ naŋg, Ma mbad taje lai gə́ deḛ pa gɔl ne məəm lé.

Pakɔsje 79:4

Jeḛ n’tel n’toje nérɔkul kəm njéboataɓeeje lə sí ləm, N’toje nékunda-kogo gə nédəjindu lə dee-deḛ Gə́ gugu dɔ sí sub neelé ləm tɔ.

Esai 64:10

Kəi lə sí gə́ to gə kəmee gə maji dum Loo gə́ bɔ síje-je d’ula rɔnduba dɔi’g keneŋ lé Pər rée dula-dula ya, Néje lə sí lai gə́ gad dee to yaa̰ lé Tuji pugudu-pugudu tɔ.

Esai 64:11

Gə goo néje neelé əi Njesigənea̰, See i a kɔg rɔi ra né wa. See i a si bèe-bèe ya gə mba kula kəm sí ndòo Karee al dɔ sí sula wa.

Jeremi 37:7

Njesigənea̰, Ala lə Israɛlje pa togə́bè pana: Seḭ a kulaje mbai gə́ Juda gə́ ula sí ar sí reeje rɔm’g lé pajena: Aa ooje, njérɔje lə Parao̰ gə́ d’aw ree gə mba la sə sí lé d’ɔs tel d’aw ɓee lə dee Ejiptə gogo.

Jeremi 48:27

See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Nɔ̰-ndôo gə́ wɔji dɔ Jerusalem 4:17

Kəm sí lé wa kor kor-kor ya ɓəi Ar sí j’isi ŋginaje ne njela sə sí kərm Nɛ jeḛ ŋginaje pi. Jeḛ n’telje kəm sí lai gə meekundayel Par gə́ rɔ ginkoji dəwje gə́ raŋg kára’g Nɛ deḛ ree taa dɔ sí el tɔ.

Ejekel 25:3

I a kula Amo̰je pana: Maji kar dee d’oo ta lə Mbaidɔmbaije gə́ Njesigənea̰. Mbaidɔmbaije gə́ Njesigənea̰ pa togə́bè pana: Mbata seḭ paje pana: Bèe ya ɓa! Bèe ya ɓa dɔ loo’g lə neḛ gə́ to gə kəmee gə́ d’ula sul dɔ’g ləm, gə dɔ naŋg lə Israɛl gə́ tel to dɔ nduba lé ləma, gə dɔ gel-bɔje lə Juda gə́ d’wa dee ɓər lé ləm tɔ

Ejekel 25:6

Mbata Mbaidɔmbaije gə́ Njesigənea̰ pa togə́bè pana: To gə́ seḭ kundaje ji sí ləm, seḭ tubaje gɔl sí naŋg ndag-ndag ləm, seḭ alje rɔ sí ə̰jije ne dɔ naŋg gə́ Israɛl bəḭ-bəḭ gə ŋgaw-meḛ sí bura ləm tɔ ndá

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Misee 4:11

Ɓasinè lé ginkoji dəwje gə raŋg Mbo̰ na̰ gə mba rɔ sə sí mba̰. Deḛ pana: Maji kar dee d’ula sul dɔ sí’g ləm, Maji kar kəm neḛje oo tuji lə Jerusalem ləm tɔ!

Lugu 15:17

Loo gə́ kəmee inja dɔ rəa’g ndá yeḛ jém ta pana: See njékulaje lə bɔm ka̰da ɓa d’usɔ né d’isi danee’g bèdèg-bèdèg ɓa ma lé m’isi m’wəi yoo-ɓoo bèe wa.

Lugu 16:25

Abrakam ilá keneŋ pana: Ŋgonəm, ar məəi olé dɔ némajije’g ləi loo gə́ i si ne gə kəmi danee’g lé nɛ Lajarə lé loo gə́ yeḛ si gə kəmee ɓəi lé yeḛ si dan némeeko̰’g ya, ɓasinè ndá yeḛ si dan meekulɔm’g ŋga, nɛ i ɓa yḛ̀ i si dan néurti’g gə́ si ya to ŋga.