Nɔ̰-ndôo gə́ wɔji dɔ Jerusalem 1:22 - Maktub gə́ To gə Kəmee

²² Maji kar némeeyèrje lə deḛ lai To raga ndəgəsə nɔḭ’g, Ndá maji kari ra sə dee To gə́ i ra ne səm bèe Mbata kaltaje ləm lai lé! Mbata ndu tuma̰je ləm bula yaa̰ ləm, Ɓə̰gərəm kara ndiri njigi-njigi ləm tɔ.

Nɔ̰-ndôo gə́ wɔji dɔ Jerusalem 1:22 ပူးပေါင်းရင်းမြစ်များ

Pakɔsje 143:7

Ǝi Njesigənea̰, maji kari ɔs rɔi ɓad Gə mba kam né gə́ ma m’dəjii lé! Meem ila kas bilim. Maji kari o̰ kəmi səm el. Ɓó lé bèe el ndá m’a tel to asəna gə deḛ gə́ d’ɔm dee bwa-dɔɓar’g bèe.

Pakɔsje 79:10

See gelee ban ɓa ginkoji dəwje gə raŋg lé d’a pana: See Ala lə dee lé əd ra ɓəi wa. Maji kar dee gər gao kəm síjeḛ’g ləm, Gə mbuna ginkoji dəwje gə raŋg’g ləm tɔ lé To gə́ i nja dal ba̰ məs kuraje ləi gə́ ɔm dɔ naŋg lé.

Esai 13:7

Gelee gə́ nee ɓa ji dəwje lai unda ne ndolè ləm, Meḛ dəwje lai ila ne kas bilim ləm tɔ.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Jeremi 30:16

Nɛ deḛ lai gə́ rumi lé d’a rum dee tɔ, Deḛ lai gə́ to njéba̰je ləi lé D’a kwa dee kaw sə dee ɓee-ɓər’g ya tɔ. Deḛ lai gə́ d’odo néje ləi lé D’a kodo néje lə dee tɔ, Deḛ lai gə́ d’undai banrɔ lé M’a kar dee d’unda dee banrɔ tɔ.

Jeremi 51:35

Deḛ gə́ d’isi Sio̰ pa togə́bè pana: Maji kar néra kərm-kərm Gə́ deḛ ra sə sí ləm, Gə darɔ sí gə́ ti mbidi-mbidi ləm tɔ lé Tel ra gə njé gə́ Babilɔn bèe ya tɔ. Njé gə́ Jerusalem pa togə́bè to pana: Maji kar məs síjeḛ ɔm dɔ dəwje Gə́ d’isi Kalde tɔ.

Jeremi 8:18

Ma m’ndiŋga rɔm Gə mba kar meeko̰ ləm tel kul lɔm, Dɔ ɓəŋgərəm ndiri njigi-njigi.

Nɔ̰-ndôo gə́ wɔji dɔ Jerusalem 1:13

Yeḛ ula gə pər gə́ ḭ dara Aree sɔ siŋgam yɔm-yɔm Mbata yeḛ nja to dəw dəa Yeḛ ila ba̰də loo-kabm’g Ɓa wam ne am m’oso ne gaŋnda, Yeḛ telm gə dəw gə́ gə mḭdé ba ləm, Yeḛ ar siŋgam yɔ ne gə ndɔje lai ləm tɔ.

Nɔ̰-ndôo gə́ wɔji dɔ Jerusalem 5:17

Ɓó lé ɓəŋgərə sí ti dus ləm, Ɓó lé no̰ tɔ kəm sí wə-wə ləm tɔ ndá

Lugu 23:31

Mbata ɓó lé deḛ ra néje gə́ togə́bè gə kag gə́ təb ŋga see ɗi ɓa d’a ra gə kag gə́ tudu lé wa.

Njé gə́ Epesə 3:13

Togə́bè ɓa, ma m’dəji sí mba kar sí arje némeeko̰ gə́ m’ai məəm danee’g sam-sam mbata lə sí lé ar rɔ sí wəi ne keneŋ sululu el, némeekonje neelé d’a tel to nérɔnduba lə sí ya.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.