Nɔ̰-ndôo gə́ wɔji dɔ Jerusalem 1:20 - Maktub gə́ To gə Kəmee

²⁰ Njesigənea̰, maji kari oo kəm loo to ndòo’g! Ŋgan siḭm mbirim mba̰-mba̰ ləm, Ɓə̰gərəm kara tuji pugudu məəm’g ləm tɔ Mbata tɔgərɔ kalta ndá m’al ya. Loo gə́ raga lé kiambas tuji ləm, Loo gə́ kəi lé yoo ɓa ula ŋgirá keneŋ ləm tɔ.

Nɔ̰-ndôo gə́ wɔji dɔ Jerusalem 1:20 ပူးပေါင်းရင်းမြစ်များ

Maktub gə́ wɔji dɔ Jɔb 30:27

Meem ndiri njigi-njigi ɓó əw el, Ndɔ nékəmndooje ubam naŋg bus.

Maktub gə́ wɔji dɔ Jɔb 33:27

Yeḛ ɔs pa no̰ dəwje’g pana: Neḛ n’ra kaiya n’al ne dɔ néra gə́ danasur, Nɛ Ala ar bo̰ néra neḛ ɔs ta neḛ’g to gə́ kəm karee ɔs ta neḛ’g lé el.

Pakɔsje 22:14

Deḛ teḛ ta dee ləgəgə-ləgəgə dɔm’g To gə́ toboḭ gə́ wa da inja miḭ dɔ’g hər-hər bèe.

Pakɔsje 38:8

Dunm nuŋga ne kəd-kəd ləm, Darɔm si gə́ majee gə́ tḛ́-tḛ́ bèe el ləm tɔ.

Gosota-Kəmkàrje 28:13

Dəw gə́ iya dɔ nékaltaje ləa lé a teḛkɔr el, Nɛ yeḛ gə́ tegginee gə́ raga ləm uba ya̰ ləm tɔ ndá Iŋga meekoso lemsé.

Esai 16:11

Gelee gə́ nee ɓa m’ra né məəm’g ŋgururu-ŋgururu Mbata Moab to gə́ kṵdu-ko̰dè bèe ləm, M’tuma̰ məəm’g ŋgururu-ŋgururu Mbata Kir-Harɛs ləm tɔ.

Esai 38:14

Ma m’no̰ njiriri-njiriri to gə́ ləbm-siri gə́ ḭ nar bèe ləm, Ma m’tuma̰ ŋgururu-ŋgururu to gə́ dərnda bèe ləm tɔ, M’un kəm gə́ dara nɛ kəm to bidig, Ǝi Njesigənea̰, m’isi dan néɓəŋgərə-ti’g, Taam ajim!

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 14:20

Njesigənea̰, Jeḛ n’gərje meeyèr lə sí gao ləm, Gə kaiya ra bɔ síje-je ləm tɔ, Mbata jeḛ n’raje kaiya j’ɔs ne ta ləi rəw.

Jeremi 2:35

Nɛ lé bèe kara seḭ pajena: Tɔgərɔ ya, ta wa dɔ sí el, Tɔgərɔ, oŋg ləa wəi ne bèm dɔ sí’g! Aa ooje, m’a gə kɔr ta kila dɔ sí’g Mbata seḭ pajena: Jeḛ n’raje kaiya el.

Jeremi 3:13

Maji kar sí tegje gin néra gə́ kori-korije lə sí ləm, Maji kar sí tegje gin majikoji el lə sí No̰ Njesigənea̰, Ala’g lə sí ləm, Gə kaw gə́ seḭ awje yo gə́ nee no̰ magəje gə́ dɔ ɓee’g gel kagje lai gə́ to təb ləma, Gə mbad gə́ seḭ mbad kooje Ne ta ləm saar lé ləm tɔ. Njesigənea̰ ɓa pa bèe.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 48:36

Ɓə̰gərəm ɓar dulug-dulug dɔ Moabje’g to gə́ dalè bèe ləm, ɓəŋgərəm ɓar dulug-dulug dɔ dəwje gə́ Kir-Herɛs to gə́ dalè bèe ləm tɔ. Mbata némajije lai gə́ deḛ mbo̰ lé sané pá.

Nɔ̰-ndôo gə́ wɔji dɔ Jerusalem 1:11

Koso-dəwje ləa lai tuma̰ ŋgururu-ŋgururu Loo-saŋg-nésɔ’g lə dee, Deḛ d’odo nékiŋgaje lə dee Gə́ bḭ-maji ɓa taa ne nésɔ Mba kul ne rɔ dee tɔ. Aa loo oo, Njesigənea̰, tel kəmi oo sí Mbata jeḛ n’tel n’toje nékula sul dɔ’gje ya.

Nɔ̰-ndôo gə́ wɔji dɔ Jerusalem 1:18

Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Nɔ̰-ndôo gə́ wɔji dɔ Jerusalem 1:8

Njé gə́ Jerusalem lé d’ar kaiya ra dee Ḭ dɔ maree’d gə́ kédé-kédé, Gelee gə́ nee ɓa deḛ tel to ne néje gə́ to kḛji ya. Deḛ lai gə́ to njékula rɔnduba dɔ dee’gje lé D’ə̰ji dee bəḭ-bəḭ loo gə́ deḛ d’oo dee Loo-kaw-kudu-dum’g lə dee. Ndá deḛ kara tuma̰ ne ŋgururu-ŋgururu ləm, Tel ne kəm dee par gə́ raŋg ləm tɔ.

Nɔ̰-ndôo gə́ wɔji dɔ Jerusalem 1:9

Yiro wa kubu gə́ rɔ dee’g Aree mina̰ jɔmri-jɔmri ləm, Deḛ d’ə̰ji dɔ né gə́ a teḛ dɔ dee’g el ləm, Koso gə́ deḛ d’oso lé Ar kaar dee wa dee ne paḭ ləm, Dəw kára kara gə́ njegɔl dee godo ləm tɔ. Ǝi Njesigənea̰, maji kari oo kəm sí loo to ndòo’g ya! Ti-rɔ lə njeba̰ lé Ḭ dɔ maree’d gə́ kédé-kédé.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Nɔ̰-ndôo gə́ wɔji dɔ Jerusalem 5:16

Dəwje d’oo sí gə́ né kəm dee’g el ləm! Némeeko̰ gə ban ɓa bèe wa! Mbata jeḛ n’raje kaiya ya.

Ejekel 7:15

Kiambas to raga ləm, yoo-koso gə ɓoo-boo to mee ɓee’g ləm tɔ! Deḛ gə́ d’aar mee ndɔ’g ndá d’a kwəi yoo-kiambas ləm, deḛ gə́ d’aar mee ɓee-boo’g ndá d’a kwəi yoo-ɓoo-boo gə yoo-koso ləm tɔ.

Loo gə́ killa rea kəm Daniel’g 9:5

Jeḛ n’raje kaiya ləm, jeḛ n’raje néraje gə́ kori-kori ləm, jeḛ n’toje njémeeyèrje gə njékaltaje ləma, godnduije gə tornduije lé j’uba dee j’ya̰ dee ləm tɔ.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Habakuk 3:16

Ma m’oo bèe ... ndá kaarm ɓar ɗigi-ɗigi. Gə goo ndu gə́ ɓar neelé tam ɓar ɓəg-ɓəg ləm, M’unda ndolè ləma, Ar no̰ kəjimje kara d’unda ne bala ləm tɔ: M’isi mundu m’ŋgina ne ndɔ néurti, Ndɔ gə́ njekula kəm loo ndòo a njaa kaw rɔ gə koso-dəwje.

Tel tura Godndu 32:25

Loo gə́ raga lé d’a kwəi Yoo-kiambas ləm, Loo gə́ kəi kara d’a kwəi Yoo-ɓəl ləm tɔ: A to togə́bè mbata lə basaje Gə ŋgama̰dje ləm, Mbata ŋganje gə́ ta mbà’g Gə ɓugaje ləm tɔ.