Nɔ̰-ndôo gə́ wɔji dɔ Jerusalem 1:18 - Maktub gə́ To gə Kəmee

¹⁸ Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Nɔ̰-ndôo gə́ wɔji dɔ Jerusalem 1:18 ပူးပေါင်းရင်းမြစ်များ

1 Mbaije 13:21

Ndá yeḛ ɔr ndia gə́ tar wəl ar dəw lə Ala gə́ ḭ Juda ree lé pana: Njesigənea̰ pa togə́bè pana: Mbata i ɔs ndukun lə Njesigənea̰ lé rəw ləm, i aa dɔ godndu gə́ Njesigənea̰, Ala ləi un ari lé el ləm,

Esdras 9:13

Nɛ gə goo néje lai gə́ teḛ dɔ sí’g mbata lə néra gə́ yèr lə sí, gə ta gə́ boo gə́ wa dɔ sí lé əi Ala lə sí, i ar bo̰ néra sí ɔs ta sí’g gə goo bula lə kaiya ra sí el, ar ɓasinè kara i ŋgəm njé gə́ na̰je ar dee teḛ dan né gə́ bèe’g tɔ.

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Nehemi 9:33

I to njera né gə dɔ najee dɔ néje lai gə́ teḛ dɔ sí’g ya I ra néje lai gə goo rəbee Nɛ jeḛ ɓa jeḛ n’raje majel.

Pakɔsje 107:11

Mbata d’ɔs ta lə Ala rəw ləm, Mbata d’ə̰ji ta kəmkàr lə Njekurdɔloo bəḭ-bəḭ ləm tɔ.

Pakɔsje 119:137

Ǝi Njesigənea̰, i lé to gə́ njemeekarabasur ya ləm, Rəwta-gaŋgje ləi lé kara to gə goo rəbee ya ləm tɔ.

Pakɔsje 119:75

Ǝi Njesigənea̰, ma m’gər gao Rəwta-gaŋgje ləi lé to gə dɔ najee ya. Meenda londoŋ lé ɓa i am m’oso ne kul.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Teḛ-Raga 9:27

Parao̰ ula kula ɓar Moyis gə Aaro̰ ula dee pana: Ɓasinè lé ma m’ra kaiya ya, Njesigənea̰ ɓa to njera né gə dɔ najee nɛ ma jeḛ gə dəwje ləm lé jeḛ n’toje dəwje gə́ ta wa dɔ sí ya.

Jeremi 12:1

Njesigənea̰, nérai gə́ gə dɔ najee dum dɔ loo Ɓó ma m’askəm maḭ səi ta el, Nɛ lé bèe kara M’a kwɔji səi ta dɔ rəwta-gaŋgje’g ləi ya: See gelee ban ɓa Rəw-kaw njémeeyèrje teḛ sə dee dan maji’g wa. See gelee ban ɓa Deḛ lai gə́ to majikojielje lé kara d’isi lɔm wa.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Jeremi 4:17

Deḛ d’aḭ dɔ Jerusalem sub To gə́ deḛ gə́ njéŋgəmndɔje D’aḭ ne dɔ ndɔ sub bèe, Mbata to ma ɓa d’ḭ d’ɔsm rəw, Njesigənea̰ ɓa pa bèe.

Jeremi 49:12

Mbata Njesigənea̰ pa togə́bè pana: Aa ooje, deḛ gə́ kəm kar dee d’ai né mee bai-oŋg’d nee el lé d’a kai ya. Ŋga seḭ lé see bo̰ néra sí a lal kɔs ta sí’g wa! Seḭ a naije lal kar bo̰ néra sí ɔs ta sí’g el, né gə́ mee bai-oŋg’d neelé seḭ a kaije ya.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Nɔ̰-ndôo gə́ wɔji dɔ Jerusalem 3:42

Jeḛ lé n’toje njékaiyaje gə njékɔsta-rəwje! I lé i ar məəi oso lemsé dɔ sí’g el.

Nɔ̰-ndôo gə́ wɔji dɔ Jerusalem 5:16

Dəwje d’oo sí gə́ né kəm dee’g el ləm! Némeeko̰ gə ban ɓa bèe wa! Mbata jeḛ n’raje kaiya ya.

Loo gə́ killa rea kəm Daniel’g 9:5

Jeḛ n’raje kaiya ləm, jeḛ n’raje néraje gə́ kori-kori ləm, jeḛ n’toje njémeeyèrje gə njékaltaje ləma, godnduije gə tornduije lé j’uba dee j’ya̰ dee ləm tɔ.

Loo gə́ killa rea kəm Daniel’g 9:7

Ǝi Mbaidɔmbaije, néra gə́ to gə dɔ najee to kaḭ ya, jeḛ ɓa rɔkul wa kəm sí mee ndəa’g nee ya, jeḛ dəwje gə́ Juda ləm, gə deḛ gə́ d’isi Jerusalem ləma, gə Israɛlje lai ləm tɔ, deḛ gə́ d’isi dəb əsé deḛ gə́ d’isi ŋgərəŋ mee ɓeeje lai gə́ i tuba dee keneŋ mbata kalta gə́ d’al tai’g d’ar taree wa dɔ dee kəmi’g lé.

Amɔs 8:13

Mee ndəa’g neelé ŋgama̰dje gə́ maji péd-péd ləm, gə basaje ləm tɔ lé D’a kwəi yoo-kunda mán ya.

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Njéga̰g-Rəwtaje 1:7

Adoni-Bejek pana: Mbaije rɔ-siri gə́ tḭja ko̰ ji deeje gə ko̰ gɔl deeje gaŋg lé d’usɔ né gə́ ɔm gel tabul’g ləm ya, bèe ɓa Ala tel ra səm né gə́ ma m’ra kédé lé tɔ. Deḛ d’aw səa Jerusalem ɓa yeḛ wəi keneŋ.

1 Samel 15:23

Mbata kalta lé to kaiya gə́ to asəna kára ba gə ndo̰ ər ləm, kɔs ta rəw lé to asəna kára ba gə néra gə́ gə dɔ najee el ləm tɔ. Bèe ndá to gə́ i mbad ta lə Njesigənea̰ lé yeḛ kara a mbad kari to mbai lé tɔ.