Nɔ̰-ndôo gə́ wɔji dɔ Jerusalem 1:10 - Maktub gə́ To gə Kəmee

¹⁰ Njékula kəm dee ndooje lé Saa némajije lə dee Gə́ to ŋgonkəm dee lé lai-lai ya, Deḛ d’oo ginkoji dəwje gə raŋg Gə́ d’andə mee kəi’g lə deḛ gə́ to gə kəmee Nɛ deḛje neelé kédé lé i un ndui Ɔg dee ne loo kila gɔl dee Loo mbo̰ dɔ na̰’d ləi el lé.

Nɔ̰-ndôo gə́ wɔji dɔ Jerusalem 1:10 ပူးပေါင်းရင်းမြစ်များ

2 Sôrta Gḭka Israɛlje 36:18

Nebukadnesar odo nékulaje lai gə́ to mee kəi’g lə Ala aw ne Babilɔn, néje gə́ boi-boi əsé néje gə́ lam-lam lé nébaoje gə́ to mee kəi’g lə Njesigənea̰ ləm, gə nébaoje gə́ to mee kəi’g lə mbai gə mee kəije’g lə ŋgan-mbaije ləa ləm tɔ.

Nehemi 13:1

Mee ndəa’g neelé deḛ tura maktub lə Moyis kəm koso-dəwje’g lai ndá d’iŋga ta kára gə́ ndaŋg keneŋ pana: Dəw gə́ to gə́ ginkoji Amo̰’g əsé gə ginkoji Moab’g lé a kandə loo-mbo̰-dɔ-na̰’g lə dəwje lə Ala nda̰ el

Esai 63:18

Koso-dəwje ləi gə́ to gə kəmee Gə́ taa ɓee gə́ ka̰ dee lé Kur dee əw el ya ɓəi Ndá njéba̰je lə sí tuba kəi ləi Gə́ to gə kəmee naŋg gə gɔl dee.

Jeremi 15:13

Neḛ n’ar dəwje némajije Gə nébaoje lə sí kari ba gə́ nébanrɔ Mbata kaiya ra síje lai gə́ seḭ raje Dɔ naŋg’d lə sí bura lé.

Jeremi 20:5

Nébaoje lai gə́ to mee ɓee-boo’g neelé ləm, gə nékiŋgaje ləa lai gə́ dəwje d’inja təd bur ɓa d’iŋga lé ləm, gə néje ləa lai gə́ maji dum ləma, gə nébaoje lai gə́ to ka̰ mbaije gə́ Juda ləm tɔ lé n’a ɓugu dee meḛ ji njéba̰je’g lə dee kar dee d’odo d’aw ne Babilɔn.

Jeremi 27:19

Mbata Njesigənea̰ gə́ njeboo-néje pata togə́bè wɔji ne dɔ gajije, gə dura, gə nékunda geleje’g, gə nékulaje gə́ raŋg gə́ nai mee ɓee-boo’g neelé

Jeremi 27:21

Njesigənea̰ gə́ njeboo-néje, Ala lə Israɛlje pata togə́bè wɔji ne dɔ ges nékulaje gə́ nai mee kəi’g lə Njesigənea̰ ləm, gə mee kəi’g lə mbai gə́ Juda ləma, gə mee ɓee-boo gə́ Jerusalem ləm tɔ pana:

Jeremi 50:28

Ooje ndu kii lə njékaḭje, Deḛ gə́ d’ḭ Babilɔn d’aḭ lé D’aw d’ila mber dalba̰ Le Ala lə sí gə́ Njesigənea̰ Mee ɓee gə́ Sio̰, Dalba̰ gə́ wɔji dɔ kəi ləa gə́ to gə kəmee lé,

Jeremi 51:51

Rɔ sí kul loo gə́ j’oo ta tajikil ləm, Sɔḭ wa kəm sí Loo gə́ dəw-dɔ-ɓeeje ree Mee loo’g lə Njesigənea̰ Gə́ to gə́ kəmee ləm tɔ.

Jeremi 52:13

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

Nɔ̰-ndôo gə́ wɔji dɔ Jerusalem 1:7

Loo gə́ njé gə́ Jerusalem D’aw d’ila mbir-mbir ləm, Gə d’isi dan kəmtondoo’g ləm tɔ lé Meḛ dee olé dɔ maji gə́ d’isi danee’g kédé gə́ ləw Ɓa d’oso ji njékula kəm dee ndooje’g ɓəi Ar dəw kára bèe gə́ njela sə dee godo, Njéba̰je lə dee d’oo dee ndá deḛ kogo dee Mbata néurti gə́ teḛ dɔ dee’g lé tɔ.

Ejekel 44:7

Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ.

Ejekel 7:22

N’a kun kəm neḛ dɔ dee’g ndá D’a kar loo lə neḛ gə́ to gə kəmee lé mina̰ ləm, Gayim-dəwje d’a kandə keneŋ Kila ne ndɔl dɔ’g ləm tɔ.

Ejekel 9:7

Yeḛ ula dee pana: Ilaje ndɔl dɔ kəi’g lé ləm, arje nin dəwje rusu gadlooje tub-tub ləm tɔ! Teḛje raga! Deḛ d’unda loo teḛ d’aw ndá deḛ tɔl dəwje gə́ mee ɓee-boo’g lé tɔ.

Mark 13:14

Loo gə́ seḭ a kooje né gə́ mina̰ gə́ ka̰ tuji ne loo gə́ kəm karee teḛ keneŋ el lé (maji kar yeḛ gə́ tura ta neelé ndá ra kəmee ra kaa keneŋ ya) yen ndá maji kar deḛ gə́ d’isi Jude lé d’aḭ d’aw dɔ mbalje’g ləm,

Tel tura Godndu 23:3

Yeḛ gə́ to gə́ bɔkoré lé a kandə loo-mbo̰-dɔ-na̰’g lə koso-dəwje lə Njesigənea̰ el, lé ŋgakeaje d’ɔs goo na̰ saar ŋgakadɔgeeje gə́ dɔg kara d’a kandə loo-mbo̰-dɔ-na̰’g lə Njesigənea̰ el ya saar.

Tel tura Godndu 23:4

Deḛ gə́ to Amo̰je gə Moabje lé d’a kandə loo mbo̰ dɔ na̰’g lə dəwje lə Njesigənea̰ el, lé to ŋgakadɔg deeje gə́ njékɔm’g dɔg ya kara d’a kandə keneŋ el ya saar gə no̰