Ləbije 8:35 - Maktub gə́ To gə Kəmee

³⁵ Gelee gə́ nee ɓa seḭ a naije tarəw kəi-kubu-kiŋga-na̰’g lé as ndɔ sí siri dan kàrá gə loondul’g tɔɓəi seḭ a raje ne torndu Njesigənea̰ mba kar sí wəije ne el, mbata yee neelé ɓa gə́ ndukun gə́ yeḛ un am ya.

Ləbije 8:35 ပူးပေါင်းရင်းမြစ်များ

1 Mbaije 2:3

Maji kari aa dɔ godnduje lə Njesigənea̰, Ala ləi kər-kər ləm, gə njaa kila-rəwje’g ləa ləm, gə aa dɔ godndiaje, gə ndukunje ləa gə rəwta-gaŋgje ləa gə tandooje ləa ləm tɔ gə goo ta gə́ ndaŋg mee maktub godndu’g lə Moyis lé, togə́bè ɓa i a teḛ ne kɔr dɔ néje lai gə́ i a gə ra’g ləm, gə looje lai gə́ i a gə njaa keneŋ ləm tɔ.

Teḛ-Raga 29:35

I a ra gə Aaro̰ gə ŋganeeje gə́ diŋgam lé gə goo ndukunje lai gə́ ma m’un ne ndum m’ari lé. I a kwɔji ndɔ siri mba kɔr dee ne kunda dee ne gə kəmee ya.

Ejekel 43:25

I a kinja bàl bya̰ gə́ nékinjaməs ka̰ kuga dɔ kaiya gə ndɔje kára-kára lai as ndɔ siri, d’a kinja bɔ maŋg kára gə bàl badə kára gə́ rɔ dee maji péd-péd mbuna koso-nékulje’d gə́ nékinjanéməsje tɔ.

Ejekel 48:11

Dəb loo neelé a to ka̰ njékinjanéməsje gə́ d’unda dee gə kəmee gə́ to gel-bɔje lə Sadɔk gə́ d’aar njaŋg ra ne kula mee loo’g lə neḛ gə́ to gə kəmee ɓó deḛ d’uba Ala d’yá̰ mee ndəa gə́ Israɛlje d’ubá d’yá̰ bèe lé el.

Ləbije 10:1

Nadab gə Abihu, deḛ gə́ to ŋgalə Aaro̰ lé nana kara un bai-su-né ləa-ləa ɓa d’ɔm pər keneŋ tɔɓəi d’ɔm né gə́ ə̰də sululu dɔ’g tɔ, ndá d’aw d’aar ne no̰ Njesigənea̰’g gə pər gə́ gə goo rəbee el, mbata yeḛ un ndia dɔ’g ar dee el.

Ləbije 14:8

Yeḛ gə́ d’ɔr won rəa lé a togo kubuje ləa ləm, a ndisa bḭ reaje bur-bur ləma, a ndogo mán ləm tɔ, ndá yeḛ a to dəw gə́ àr. Gée gə́ gogo yeḛ a kaskəm kandə loo-si dee’g, nɛ a si gir kəi-kubu’g ləa gə́ raga as ndɔ siri ɓəi.

Ləbije 8:30

Moyis un ubu gə́ ka̰ kunda dee gə kəmee ləm, gə məs gə́ to dɔ loo-nékinjaməs’g ləm tɔ ndá yeḛ saga dɔ Aaro̰’g gə dɔ kubuje’g ləa ləm, gə dɔ ŋgalə Aaro̰’g gə dɔ kubuje’g lə dee ləm tɔ, yee ɓa yeḛ unda ne Aaro̰ gə kubuje ləa ləm, gə ŋgalə Aaro̰ gə kubuje lə dee lé gə kəmee səa na̰’d ləm tɔ.

Ləbije 8:34

Né gə́ jeḛ n’ra ɓogənè lé Njesigənea̰ ɓa un ndia mba kar sí n’raje to gə́ ra ɓogənè mba kuga ne dɔ kaiyaje lə sí bèe ya.

Ləbije 8:36

Aaro̰ gə ŋganeeje ra néje lai gə́ Njesigənea̰ un ne ndia ar dee gə ndu Moyis lé ya tɔ.

Bula lə Israɛlje 19:12

Yeḛ a kɔr won rəa gə mán neelé mee ndɔ gə́ njekɔm’g munda’g ləm, gə ndɔ gə́ njekɔm’g siri’g ləm tɔ ndá rəa a kàr ne ŋgad-ŋgad, nɛ ɓó lé yeḛ ɔr won rəa mee ndɔ gə́ njekɔm’g munda’g el ləm, gə ndɔ gə́ njekɔm’g siri’g el ləm tɔ ndá rəa a kàr ŋgad-ŋgad el tɔ.

Bula lə Israɛlje 3:7

Deḛ d’a la səa dɔ kula’g ləm, d’a ra kula kar koso-dəwje lai no̰ kəi-kubu-kiŋga-na̰’g lé tɔ, gə mba ra ne kulaje gə́ wɔji dɔ kəi gə́ to gə kəmee lé tɔ.

Bula lə Israɛlje 9:19

Loo gə́ mum lé aar dɔ kəi-kubu gə́ to gə kəmee dɔi’g lé ndɔje bula yaa̰ ya kara Israɛlje d’ila koji dɔ torndu Njesigənea̰’g lé ɓó d’ḭ d’aw kédé el tɔ.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Tel tura Godndu 11:1

Seḭ a kundaje Ala lə sí dan kəm sí’g ləm, seḭ a kaaje dɔ né gə́ yeḛ un ndia dɔ’g ar sí lé: godnduje ləa ləm, gə ndukunje ləa ləm, gə torndiaje ləm tɔ lé seḭ a kaaje dɔ dee kər-kər gə ndɔ sí ndɔ sí ya.

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

1 Timote 5:21

Ma m’tɔgi no̰ Ala’g ləm, gə no̰ Jeju Kristi’g ləma, gə no̰ kuraje lə Ala gə́ dara gə́ d’ɔr dee gə kəmee ləm tɔ mba kari aa dɔ ta ndooje neelé kər-kər gə mba ra gə ŋgaŋgee béréré-béréré ɓó a kɔr ne kəm dəw el.

1 Timote 6:13

Ma m’ndəjii kəm Ala gə́ njekula kəmə mee nékundaje’g ləa lai ləm, gə kəm Jeju Kristi gə́ tapea inja paw no̰ Po̰sə Pilatə’g lé ləm tɔ

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

1 Timote 6:20

Yen Timote, tɔs kəmi dɔ nébao gə́ d’ɔm jii’g lé, ta gə́ gə mḭdé ba ləm, gə ta gə́ aw gə goo ka̰ Ala lé el lé sa rɔi keneŋ.

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

Ǝbrəje 7:28

Tɔgərɔ ya, godndu lé ɔr dəwje gə́ to gə́ njérəmje ɓa unda dee gə ŋgɔ-njékinjanéməsje, nɛ ta manrɔ gə́ orè goo godndu lé yee ɓa ɔr Ŋgon gə́ maji péd-péd lé undá gə́ njekinjanéməs saar-saar gə no̰.