Ləbije 26:42 - Maktub gə́ To gə Kəmee

⁴² M’a kar məəm olé dɔ manrɔ’g ləm gə́ ma man ne rɔm m’ar Jakob, gə Isaak, gə Abrakam ləma, m’a kar məəm olé dɔ ɓee’g ləm tɔ.

Ləbije 26:42 ပူးပေါင်းရင်းမြစ်များ

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

Gḭ-Néje 26:2

Njesigənea̰ teḛ dəa’g ulá pana: Maji kari ɔd aw mee ɓee gə́ Ejiptə’g el, si mee ɓee gə́ ma nja m’a gə kulai ɓa.

Gḭ-Néje 26:24

Njesigənea̰ teḛ dəa’g loondul’g ulá pana: Ma m’to Ala lə bɔbije gə́ Abrakam ndá ɓəl el mbata ma m’nai səi. M’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé ləm tɔ gə mbata lə kura ləm gə́ Abrakam lé ya.

Gḭ-Néje 26:5

Mbata Abrakam ila koji dɔ tapam’g ləm, yeḛ aa dɔ torndumje gə dɔ ndukunje ləm, ra néje lai gə́ m’wɔji karee ra ləma, yeḛ aa dɔ godndumje kər-kər ləm tɔ.

Gḭ-Néje 28:13

Aa oo, Njesigənea̰ aar dəa gə́ tar ndá yeḛ pana: Ma m’to Njesigənea̰, Ala lə bɔbije gə́ Abrakam ləm, gə Ala lə Isaak ləm tɔ. Dɔ naŋg gə́ i to keneŋ neelé m’a kari-i gə ŋgakaije tɔ.

Gḭ-Néje 28:15

Aa oo, ma m’nai səi ləm, m’a ŋgəmi loo gə́ rara gə́ i a kaw keneŋ ləma, m’a tel səi dɔ naŋg ɓee gə́ nee ləm tɔ Mbata m’a kubai kya̰’i el saar m’a ra né lai gə́ ma m’ulai lé ya ɓa.

Gḭ-Néje 35:11

Ala ulá pana: Ma m’to Ala gə́ m’to Bao-siŋgamoŋ. Maji kari oji ŋganje bula ar dee d’ɔs goo na̰ goo na̰ ya. Ginkoji dəwje gə́ kára ləm, gə ginkoji dəwje gə́ bula ləm tɔ lé d’a kḭ rɔi’g ləm, mbaije kara d’a teḛ məəi’g ya ləm tɔ.

Gḭ-Néje 35:12

Dɔ naŋg ɓee neelé gə́ ma m’ar Abrakam gə Isaak lé m’a kari-i gə ŋgakaije gə́ d’a korè gooi gə́ ka̰ dee ya.

Gḭ-Néje 9:15

bèe ɓa m’a kar məəm olé ne dɔ Man gə́ ma man rɔm m’ar sí ləm, m’ar nékundaje lai gə́ d’aw kəmba ləm tɔ ndá manje lé d’a tel to gə́ mán bélm gə mba tuji ne néje lai gə́ d’aw kəmba lé gogo el ŋga.

Gḭ-Néje 9:16

Ŋgaoburandi a teḛ dan ndi’g. M’a kée ndá m’a kar məəm olé ne dɔ manrɔ gə́ to gə no̰ gə́ to mbuna Ala’g lé gə nékundaje lai gə́ d’aw kəmba dɔ naŋg nee lé ya.

Este 4:14

Mbata ɓó lé i si dɔ mundu lal pata ɓasinè ndá né gə́ a la gə Jibje əsé né gə́ a kɔr dee kɔm dee tar a kḭ loo gə́ raŋg’d ya nɛ i seḭ gə njémeekəije lə bɔbije lé seḭ a kuduje guduru. See na̰ gər wa. Né gə́ a gə teḛ togə́bè lé banelə yee ɓa to gin ree gə́ i ree si ne loo ko̰ɓee’g ɓasinè gə mbəa.

Pakɔsje 106:45

Yeḛ ar mée olé dɔ manrɔ’g ləa Oo ne kəmtondoo lə dee gə goo bao-meemaji ləa lé ləm,

Pakɔsje 136:23

Yeḛ ar mée olé teḛ dɔ sí’g loo gə́ d’ula sul dɔ sí’g Mbata meekɔrjol ləa lé to saar-saar gə no̰.

Teḛ-Raga 2:24

Ala oo ndu tuma̰ rɔ lə dee ndá ar mée olé dɔ manrɔ gə́ yeḛ Man ne rəa ar Abrakam gə Isaak gə Jakob lé ya.

Teḛ-Raga 6:5

Ma m’oo ndu tuma̰ rɔ lə Israɛlje gə́ njé gə́ Ejiptə d’wa dee ɓər ndá m’ar məəm olé dɔ ndu manrɔ’g ləm tɔ.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Ejekel 16:60

Nɛ n’a kar mee neḛ olé dɔ manrɔ’g lə neḛ gə́ neḛ man n’ari loo gə́ i nai ne gə ma̰di ɓəi ndá n’a manrɔ neḛ kari gə manrɔ gə́ a to gə no̰.

Joɛl 2:18

Kəm Njesigənea̰ əḭ dɔ ɓee’g ləa Ar mée aw taḭ-taḭ, Bèe ɓa yeḛ oo ne kəmtondoo lə koso-dəwje ləa.

Lugu 1:72

Togə́bè ɓa yeḛ teggin némeekɔrjol ləa gə́ yeḛ ra ar ka síjeḛ lé ləm, Yeḛ ar mée olé dɔ manrɔ’g ləa gə́ to gə kəmee ləm tɔ.

Tel tura Godndu 4:31

mbata Ala lə sí gə́ Njesigənea̰ to Ala gə́ njekookəmtondoo, yeḛ a kuba sí kya̰ sí el ləm, yeḛ a tuji sí el ləm tɔ. Mée a kwəi dɔ manrɔ’g lə bɔ síje-je gə́ yeḛ man ne rəa ar dee lé el.

Tel tura Godndu 9:27

Ar məəi olé dɔ Abrakam gə Isaak gə Jakob’g, deḛ gə́ to kuraje ləi lé. Maji kari un kəmi rəw dɔ dɔkədərə’g, gə meeyèr’g, gə kaiya ra koso-dəwje’g neelé

Njéga̰g-Rəwtaje 2:1

Kura lə Njesigənea̰ gə́ dara ḭ Gilgal aw Bokim ndá yeḛ pana: Ma m’ar sí undaje loo mee ɓee gə́ Ejiptə teḛje, tɔɓəi m’aw sə sí mee ɓee gə́ ma man rɔm m’ar bɔ síje-je mba kar sí. Ma m’pana: M’a gaŋg kúla manrɔ ləm gə́ ma man ne rɔm m’ar sí lé pai godo.