Ləbije 26:33 - Maktub gə́ To gə Kəmee

³³ M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Ləbije 26:33 ပူးပေါင်းရင်းမြစ်များ

1 Mbaije 8:46

Loo gə́ d’a ra kaiya kɔsi ne rəw mbata dəw kára kara gə́ lal ra kaiya lé godo, loo gə́ məəi a kḭ səi pu dɔ dee’g kari a kya̰ dee ji njéba̰je’g lə dee gə́ d’a kwa dee gə́ ɓər kaw sə dee mee ɓee-ba̰’g lə dee gə́ to əw əsé dəb lé

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

2 Sôrta Gḭka Israɛlje 7:19

Nɛ ɓó lé seḭ telje gir sí amje ləm, ɓó lé seḭ ubaje godndumje gə torndumje gə́ ma m’un m’ar sí lé ya̰je ləm, ɓó lé seḭ poleje magəje undaje ne barmba no̰ dee’g ləm tɔ ndá

Nehemi 1:3

Deḛ tel d’ilam keneŋ pana: Ges deḛje gə́ nai gə́ d’wa dee gə́ ɓərje el lé d’isi dəb ɓeeko̰je’g Juda dan némeekonje gə́ al dɔ loo sula ləm, gə dan boo-rɔkul’g ləm tɔ, ndògo-bɔrɔ gə́ Jerusalem təd ləm, tarəwkɔgje ləa kara pər o̰ ləm tɔ.

Nehemi 1:8

Maji kari ar məəi olé dɔ ta gə́ i ar kura ləi Moyis, pa pana: Loo gə́ jeḛ j’a raje kaiya ndá i a sané sí mbuna koso-dəwje’g.

Este 3:8

Yen ŋga Aman ula mbai Asuerus pana: Mee dəb ɓeeko̰je ləi lai lé dəwje gə́ sanéna̰ gə́ d’isi gə kəm dee ɓəd mbuna koso-dəwje’g to keneŋ. Deḛ lé godnduje lə dee to ɓəd ɓó aw na̰’d gə ka̰ koso-dəwje lai el ləm, deḛ d’ila ŋgonkoji dɔ godnduje’g lə mbai el ləm tɔ. Kya̰ dee kar dee d’isi lɔm lé to né gə́ a la gə mbai lé el.

Pakɔsje 106:27

Mba kar ginkaje lə dee d’wəi ne Mbuna ginkoji dəwje gə raŋg’g lé ləma, Gə mba sané dee ne mee ɓeeje gə́ dɔ naŋg nee ləm tɔ.

Pakɔsje 44:11

I ar sí n’rəm gə goo sí no̰ njéba̰je’g lə sí ləm, Deḛ gə́ d’ə̰ji sí bəḭ-bəḭ lé ya kara d’unda sí banrɔ ləm tɔ.

Pakɔsje 44:12

I ya̰ sí to gə́ badje gə́ d’a gə tɔl dee sɔ dee bèe ləm, I sané sí ne kad-kad mbuna ginkoji dəwje gə raŋg’g ləm tɔ.

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Jeremi 13:24

M’a sané dee to gə́ ləm mu Gə́ lel gə́ dɔdilaloo’g sané bèe.

Jeremi 15:4

N’a tel dee gə́ néɓəl mbata lə ɓeeko̰je lai gə́ dɔ naŋg nee mbata lə néra majelje lai gə́ Manasə, ŋgolə Ejekias, mbai gə́ Juda ra mee ɓee gə́ Jerusalem lé.

Jeremi 31:10

Seḭ ginkoji dəwje gə raŋg, Ooje ta lə Njesigənea̰, Ndá ilaje mberee dɔgoré-looje Gə́ əw lé pajena: Yeḛ gə́ sané Israɛlje kédé lé A tel mbo̰ dee dɔ na̰’d Ndá yeḛ a kaa dɔ dee to gə́ njekulbadje Aa ne dɔ koso-badje ləa bèe.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Jeremi 8:3

Ges dee-deḛ ginkoji dəwje nee gə́ to njémeeyèrje lé d’a koo yoo ɓa gə́ né gə́ maji unda kisi kəmba mee looje lai gə́ n’a tuba dee kɔm dee keneŋ lé Njesigənea̰ gə́ njeboo-néje ɓa pa bèe.

Jeremi 9:16

Njesigənea̰ gə́ njeboo-néje pa togə́bè pana: Saŋje loo ɓarje njéno̰paje ar deeje ree! Ulaje kula rɔ denéje gə́ njéno̰paje ar deeje ree to!

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Nɔ̰-ndôo gə́ wɔji dɔ Jerusalem 1:3

Judaje d’aw ɓee-ɓər’g Ar dee d’ula kəm dee ndòo ləm, D’ɔm boo-kula ɓər dɔ dee’g ləm tɔ, Deḛ d’isi keneŋ mbuna ginkoji dəwje gə́ raŋg’g Nɛ deḛ d’iŋga loo-si lɔm el. Deḛ lai gə́ to njékula kəm dee ndooje lé D’uba dee naŋg bus gə boo-néurtije.

Nɔ̰-ndôo gə́ wɔji dɔ Jerusalem 4:15

Dəwje lai ya d’ula dee pana: Ɔdje gə́ raŋg, Seḭ gə́ toje dəwje gə́ mina̰ lé Ɔdje gə́ raŋg ɓó ɔrɔje rɔ dee el. Deḛ d’aḭ d’aw gə́ yo gə́ nee. Ar dee pata mbuna ginkoji dəwje gə́ raŋg’g pana: D’a kiŋga loo-si dee mbuna neḛje’g el ŋga.

Nɔ̰-ndôo gə́ wɔji dɔ Jerusalem 4:16

Njesigənea̰ nja ɓa sané dee kad-kad Yeḛ un kəmee dɔ dee’g rəw ləm tɔ. Dəw ila riɓar dɔ njékinjanéməsje’g el ləm, D’oo kəmtondoo lə ŋgatɔgje el ləm tɔ.

Ejekel 12:20

Ɓee-booje gə́ dəwje taa loo keneŋ pəl-pəl lé d’a tuji pugudu-pugudu ləm, ɓee a tel to dɔ nduba ləm tɔ. Yee ɓa seḭ a gərje ne to gə́ neḛ n’to Njesigənea̰ lé.

Ejekel 20:23

Loo gə́ dɔdilaloo’g lé ya neḛ manrɔ neḛ n’ula ji neḛ ndiŋ gə́ rɔ dee’g gə mba sané dee mbuna ginkoji dəwje gə raŋg’g ləm, gə mba kɔm dee mee ɓeeje’g ɓəd-ɓəd ləm tɔ

Ejekel 22:15

N’a sané sí kad-kad mbuna ginkoji dəwje gə raŋg’g ləm, n’a kar sí awje mee ɓeeje’g ɓəd-ɓəd ləma, n’a kar néra sí gə́ mina̰ godo mbuna sí’g ləm tɔ.

Ejekel 5:2

Yee gə́ loo kára lé m’a roo dan mee ɓee-boo’g loo gə́ ndɔ kaḭ dəa sub gə rɔ lé aw lée’g béréré mba̰, yee gə́ njekɔm’g loo joo lé m’a kodo kaw tḭja gə yiŋga gugu ne gir ɓee-boo lé sub, tɔɓəi yee gə́ njekɔm’g loo munda lé m’a sané dan lel’g ndá n’a kɔr kiambas korè ne gée.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.

Amɔs 9:4

Ɓó lé d’aw gə́ ɓərje ɓee lə njéba̰je lə dee lé Ndá lé neelé ɓa n’a kun ndu neḛ Kar kiambas tɔl dee keneŋ ləm, N’a kun kəm neḛ dɔ dee’g rəw Mba ra sə dee né gə́ majel ɓó né gə́ maji ɓa el ləm tɔ.

Jakari 7:14

Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Tel tura Godndu 4:27

Njesigənea̰ a sané sí mbuna ginkoji dəwje gə raŋg’d gə́ raŋg ndá seḭ a naije jebəre ba mbuna ginkoji dəwje’d gə́ Njesigənea̰ a kar sí awje mbuna dee’g lé.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!